السلام عليكم يا وحوش الميجان
انا اسف اذا كنت داخل بسال على حاجه فى بوست غلط

بس بجد انا حاسس انكم فاهمين عربيتكم كويس ومش متحيزين ليها اونطة

وخلتونى بحب الميجان جدا وعايز اجيبها دلوقتى رغم ان كريم منير قالى خليك فى اللى على قدك انتا عندك ولاد

المهم انا قدامى ميجان 2006 عامله 48000كيلومتر وصيانتها كانت فى المقطم ومعايا جدول صيانتها

هيا السعر المطلوب فيها 78000 مبدئيا بس انا مبعرفش افاصل احتمال ادفع 79000 عادى يعنى

وحالتها هايله فابريكة طبعا والموديل بتاعها اللى المقابض بتاعته نيكل وحزام الاكصدام لون غيرة

فانا طالب مساعدتكم فى حاجتين

العربية دى مكلفة جدا فى قطع غيارها زى ما الاشاعات مالية مصر ( لدرجة ان بواب العمارة حذرنى منها)

ثانيا السعر كده كويس ولا اعمل ايه

اسف جدا على تصديكم وشكرا ليكم مبدئيا