العربيه أتخبطت حد يعرف أيه المطلوب؟؟

**m_marmoush** · 21-01-2009 04:00 PM

الحمد لله الذى لا يحمد على مكروه سواه :وأنا رايح الشغل ميكرباص خبطلى العربيه من ورا بس الحمد لله جات بسيطه و حصل الأتى:
الفانوس أتكسر
الشنطه سليمه بس مش عايزه تفتح - الظاهر الكالون فى حاجه
الأكصدام سليم بس عاوز يتفك و يركب تانى عشان ساقط
الشنطه من ورا محتاجه سمكره بسيطه أوى

ياترى الحاجات دى فى التوكيل تاخد أد أيه وقت
وهل لازم أسيبها فى التوكيل عشان تاخد دور ولا ممكن يبتدوا فيها على طول طالاما حاجات بسيطه
وتتكلف فى حدود كام
وهل الفانوس الخلفى موجود ولا برده حستنى لما يجي من بره؟

أنا بحاول أكلم المهندس أمر بس موبايله ماقفول فامش لاقى حد يجاوبنى

**khpopo** · 21-01-2009 05:28 PM

حمدالله على سلامتك الحمدالله انها جت على كدة ..الناس ماشى تلطش فى بعضها مش عارف لية ؟!!!!!!!!
انت ممكن تعمل مقايسة وتروح على ميعاد الشغل بص نصحتى ليك خليهم يعملهوها عند القرية الذكية شغل السمكرة هناك بروقان وممكن تلاقى العملية هادية معاهم وبعد المقايسة يشتغلوا فيها على طول انشالله وترجع احسن من الاول
ربنا يوفق

**tutankhamoun** · 21-01-2009 05:37 PM

بُص يا باشا أولا المهندس آمر مش في مصر .
وبالنسبة للعربية
لو وديتها التوكيل .... هاتقعد أكتر من يوم أدام فيها سمكرة و دوكو
و ديها برة أحسن و شوف لونها أيه
لو لونها سهل يتجاب و لون مشابه لألوان عربيات تانية في السوق
أعملها برة لو عرفت تفتح الشنطة
لو معرفتش تفتح الشنطة بسهولة
مش قدامك غير التوكيل و للآسف هاتتأخر ...ممكن يومين إلى ثلاثة و ممكن نفس اليوم
شوف معاهم و جرب

المشاركة الأصلية كتبت بواسطة khpopo

حمدالله على سلامتك الحمدالله انها جت على كدة ..الناس ماشى تلطش فى بعضها مش عارف لية ؟!!!!!!!!

انت ممكن تعمل مقايسة وتروح على ميعاد الشغل بص نصحتى ليك خليهم يعملهوها عند القرية الذكية شغل السمكرة هناك بروقان وممكن تلاقى العملية هادية معاهم وبعد المقايسة يشتغلوا فيها على طول انشالله وترجع احسن من الاول

ربنا يوفق

و الكلام ده زي الفل برضه و جرب زي ما الأستاذ khpopo قال .

**ahmedsiyam** · 21-01-2009 05:56 PM

حمدالله على سلامتك الحمدالله انها جت على كدة ..الناس ماشى تلطش فى بعضها مش عارف لية ؟!!!!!!!!
انت ممكن تعمل مقايسة وتروح على ميعاد الشغل بص نصحتى ليك خليهم يعملهوها عند القرية الذكية شغل السمكرة هناك بروقان وممكن تلاقى العملية هادية معاهم وبعد المقايسة يشتغلوا فيها على طول انشالله وترجع احسن من الاول
ربنا يوفق

كلام مظبوط 100 % وانا موافق الاخ الفاضل على رايه و ابقى طمنا يا اخ مرموش

**m_marmoush** · 21-01-2009 09:36 PM

شكرا ليكم جميعا
أنتوا قصدوكم بالقريه الذكيه توكيل الصحراوى الى بنعمل فيه الصيانه مش كده؟ ولا قصدكم حاجه تانيه؟
بس و أنا بعمل الصيانه بشوف عربيات كتيره فى البارك مستنيه الدور فى السمكره وقطع الغيار و كمان كان فى عضوه من فتره كان جوزها عمل حادثه بالعربيه و أستنى دوره 3 أسابيع على ما أبتدوا شغل فيها

ياريت حد يفدنى المقايسه تتكلف كام؟ و تاخد أد أيه وقت؟
وهل ممكن تخلص فى نفس اليوم لو من غير سمكره ودوكو؟ يعنى فتح الشنطه و تغيير الفانوس و تثبيت الأكصدام
وهل لازم حجز قبل ماروح؟

**khpopo** · 21-01-2009 11:51 PM

المشاركة الأصلية كتبت بواسطة m_marmoush

شكرا ليكم جميعا
أنتوا قصدوكم بالقريه الذكيه توكيل الصحراوى الى بنعمل فيه الصيانه مش كده؟ ولا قصدكم حاجه تانيه؟
بس و أنا بعمل الصيانه بشوف عربيات كتيره فى البارك مستنيه الدور فى السمكره وقطع الغيار و كمان كان فى عضوه من فتره كان جوزها عمل حادثه بالعربيه و أستنى دوره 3 أسابيع على ما أبتدوا شغل فيها

ياريت حد يفدنى المقايسه تتكلف كام؟ و تاخد أد أيه وقت؟
وهل ممكن تخلص فى نفس اليوم لو من غير سمكره ودوكو؟ يعنى فتح الشنطه و تغيير الفانوس و تثبيت الأكصدام
وهل لازم حجز قبل ماروح؟

عند القرية الذكية ورشة السمكرة التانية غير الى بتشوفها هناك الى بيعملو فيها كل عربيات التوكيلات وكمان دلوقتى من كتر شغل جين2 فى ورشة عند المكان الجديد بتهيالى الفانوس انشاالله يبقى موجود وممكن كمان تخلص فى يوم واحد من غير دهان بس بتهيالى لازم تكون عملت المقايسة وربطت على الميعاد المقايسة مش بتاخد وقت

بس نصيحة اعملها بدون استعجال ومراجعة جيدة وانت بتستلم التكلفة للاسف مش هقدر افيدك قوى

ربنا يوفق

**m_marmoush** · 22-01-2009 09:33 AM

شكرا جزيلا ليكم و جزاكم الله خير على وقفتكم معايا و كمان نصايحكم الغاليه

**M.Nabil** · 22-01-2009 01:56 PM

الف حمدلله عالسلامة , جت سليمة المهم انك بخير, وابقي قولنا الاخبار عملت ايه.

**meramor81** · 22-01-2009 02:16 PM

اخى مرموش زعلت جداا والله لما قريت الخبر قدر الله وماشاء فعل انا مش عارفه العربيه دى محسوده ليه كده ليه واحده صديقتى جابت جين تو واتخبطتت نفس خبططتك ويمكن اكتر لان العربيه كانت مدمره خالص بس عملتها فى ورشه عاديه جداا والعربيه رجعت زى الاول ووالدى بعد ماستلم البيرسونا بيومين ميكروباص خبطته من الجمب بس جت بسيطه سمكرنا الرفرف كله
المفيد
لو مستعجل فى اماكن كتيررررررر ممكن تعمل عربيتك وتستلمها على طول . وومكن تشترى قطع غيرها من شارع دمشق فى مصر الجديده
لو مأمن عليها اعمل مقايسه وروح بيها على التوكيل وانت ونصيبك احنا استلامنها بعد شهر وكده على فكره استلمناها بدرى لان كان فى عربيات قدمنا كتيرر بس انا كنت بروح واتابع بنفسى والح فى التصليح عشان كده خلصت قبل دورهاا. واهم حاجه انها جت فى العربيه بس لان التصليح امره سهل ان شاء الله وديما يااخى قول دعاء الركوب وانت طالع
بسم الله ولا حول ولاقوة الا بالله توكلت على الله بسم الله الذى لايضر باسمه شىء فى الارض ولا فى السماء وهو السميع العليم سبحان الذى سخر لنا هذا وماكناله لمقرنين وانا الى ربنا لمنقلبون استغفر الله 3 مرات سبحانك اللهم انى ظلمت نفسى ظلماا كثيرا فاغفر لى فانه لايغفر الذنوب الا انت. وبكده ان شاء الله هاتمشى فى امان
ااسف للاطاله

**dr_abooody** · 22-01-2009 03:49 PM

و ديها برة احسن التوكيلات دةحرامية و بيجيبوا صنايعية زيهم زي اللي برة
دة غير بقا العطلة و المشوار البعيد

الموضوع: العربيه أتخبطت حد يعرف أيه المطلوب؟؟

LinkBack

أدوات الموضوع

عرض

العربيه أتخبطت حد يعرف أيه المطلوب؟؟ - انشر الموضوع فى :

-

-

-

-

-

-

-

-

المواضيع المتشابهه

حد يعرف حاجه عن العربيه دى

عربيتى أتخبطت

العربيه أتخبطت عند كوبري المنصورة من شباب مستهتر

أنا أتخبطت

حد يعرف العربيه دى ؟؟؟؟؟؟؟؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة