ممكن حد يقولى ازاى اغسل موتور الاوكتافيا فين وازاى.
عرض للطباعة
ممكن حد يقولى ازاى اغسل موتور الاوكتافيا فين وازاى.
في اي مغسلة ياباشا ممكن يغسلهوولك
بلاش المياه, الموتور دة يتغسل بالفوم بس.
في اي بنزينة فيها غسيل موتور جاف ويفضل يغسل بالفوم بتاع المواتير زي ما الزميل iBiZa اتفضل و قال عشان موضوع الحساسات والرشاشات هو تقريبا بيبقى في حدود من 20 لي 25 جنية وبيكفي ثلاث اربع غسلات
اصل انا كل اما اروح بنزينة حد بيقولوى بنغسلش النوع دة
طبعاً زي ما عمو إبيزا قال بس أحب أضيف شوية حاجات
مفيش حاجة اسمها غسيل موتور ف فولكس، دي مش 128 حتغسلها وشوية ميه يدخلوا في الاسبراتير العربية تقطع وكمان شوية تنشف تدور.
دي حصلت معايا قبل كده، كنت في الساحل أ اخدت خرطوم الميه وفتحت الكبوت واديها يا معلم، راحت العربية جايبة طقم أسلاك وش (اصلي بـ 1000 جنيه).
إلي مفروض يتغسل السربنتينة التكيف وحد فاهم يغسلها كويس ودا علشان تحس بالتكييف.
الموتور نضفه كويس بالهواء وبضغط معقول في محطة البنزين وبعد كدا تروح سوبر ماركت المحطة تجيب إزازة فوم وتكيب فوطة بتشرب كويس، ترش الفوم مرة وتسيبة 5-10 دقايق وتمسحه وبعدين تعملها تاني وتمسح كويس حتلاقي العربية تبرق. ملحوظة اعمل كده والعربية باردة علشان الفوم عليه جاز.
10/10اقتباس:
المشاركة الأصلية كتبت بواسطة iBiZa
هو دة الصح
اية الفوم دة
اية يا باشا العذاب دةاقتباس:
المشاركة الأصلية كتبت بواسطة umoussa
دة على كدة الواحد عايز كتالوج خاص فقط بغسيل الموتور
ربنا يسهل
شكرا ليكم انا غسلت الماتور خلاص وبقى زى الفل بينور
عملت ايه فوم و لا ميه وجاز ؟؟اقتباس:
المشاركة الأصلية كتبت بواسطة fadi2010
لا فوم وكان حلو اوى
الفوم مبروك:ma(30):
انا بغسل بهوا وجاز بس وبيبقى زي الفل
طب غسلت فين عشان انا كمان عاوز اروح اغسل الموتور عندي