مطلوب ممول او شريك

**SHNORY** · 21-01-2009 10:06 PM

المشكله تتوقف علي الفايده اللي حياخدوها
ماهو الربا حرام علشان فوايده عاليه انا مش عاوز افتي واقول الفايده الشرعيه كذا
علشان مش متذكر قيمتها بالظبط
بس احب اقولك واسف اني حقولها انك مش حتلاقي
اي رجل اعمال حتعرض عليه الموضوع حيحاول ياخد الصفقه منك
الا لو الموضوع محتاج خبره اكتر من الفلوس
وانصحك واكيد انت عملت بالنصيحه قبل ما انا اقولها انك تشوف حد تعرفه كويس
وتشارك معاه في الموضوع ده وفيه طرق كتير لسييل الفلوس بس مش محبوبه لانها ساعه الخساره محدش بيسمي عليك ومنها انك تشتري بضاعه بالتقسيط وتبيعها باقل من تمنها او في عرف السوق اسمها بضاعه محروقه وتسيل فلوسها وتشتغل بيها في حاجه دوره راس المال فيها سريعه
وبرضه الموضوع مش مامون العواقب

**د./اليشع ثابت** · 21-01-2009 10:11 PM

المشاركة الأصلية كتبت بواسطة michola

شكرا لأعتذار حضرتك و محصلش حاجه
بس انا سؤالى دلوقتى لو انا اتعاملت مع الناس دى و ساعدونى و الفلوس هترجعلهم بالظبط فى اسبوع مش اكتر هل كده فى مشكله ولا لأ ؟؟؟

بص يا حبيبى
لو هيرجع المبلغ بنفس قيمتة يبقى دة سلف عادى جدااا مافيهوش مشكلة ولا حرمانية
اما لو هيرجع مضافا الية اى زيادة فدة بالفعل ربا و هو فعلا محرم و حرمانيتة بالاكثر على المرابى لان بعض المحتاجين قد يكون محتاج هذا المال لعلاج ابن لة او ابنة او حتى لقوت يومة فكان الله فى عون المحتاجين
او ان يدخل شريك ولة نسبة مقابل رأس المال بتاعة فهذا عادى جداااا و هى شراكة مشروعة
و تقبل منى كل الحب و الاحترام

**michola** · 21-01-2009 10:46 PM

المشاركة الأصلية كتبت بواسطة aleshath

بص يا حبيبى
لو هيرجع المبلغ بنفس قيمتة يبقى دة سلف عادى جدااا مافيهوش مشكلة ولا حرمانية
اما لو هيرجع مضافا الية اى زيادة فدة بالفعل ربا و هو فعلا محرم و حرمانيتة بالاكثر على المرابى لان بعض المحتاجين قد يكون محتاج هذا المال لعلاج ابن لة او ابنة او حتى لقوت يومة فكان الله فى عون المحتاجين
او ان يدخل شريك ولة نسبة مقابل رأس المال بتاعة فهذا عادى جداااا و هى شراكة مشروعة
و تقبل منى كل الحب و الاحترام

ميييين يرضى يسلف حد فلوس ساعه و يرضى ياخدها بنفس قيمتها....... حاجه صعبه جدا جدا فى الزمن **** اللى احنا فيه ده
و بعدين فى نقطه مهمه عايز اتكلم فيها
انا هحط مثالين:
اول مثال: لو انا واخد الفلوس علشان اعالج حد و الراجل اللى انا واخد منه الفلوس قطم وسطى و قالى انا هخدها بزياده 25% يبقى ده حرام طبعا علشان انا مستدفتش من الفلوس دى بحاجه (مكسب مادى يعنى), علشان انا واخدها علشان اعالج حد (الحاله دى ربا طبعا)

تانى مثال: لو انا واخد الفلوس علشان شغل, يعنى هستفيد من فلوس الراجل ده, ينفع ارجعها هى هى منغير ولا مليم زياده ( يبقى حرام عليا خدت فلوس الراجل و منفعتوش ) و بعدين هو هيبقى عارف انى واخد الفلوس علشان شغل يعنى هيبقى عارف انى هستفيد, يعنى هو طبيعى جدا يقولى هتدينى كام. (الحاله دى حالة شغل كل يوم بتحصل)

ده رأى الشخصى
و رجاء محبه منكوا , اللى يعرف حد يقولى علشان انا الناس دى مش عارف سكتها فين.
و شكراااا

**KarimAbulEla** · 22-01-2009 04:33 AM

رجاءا اذا تعمل موضوع باسم مطلوب شريك ممول حيث ان عنوان الموضوع الحالى يستفز اى شخص لان عنوان الموضوع منافى لتعاليم للدين الاسلامى ، و عذرا اذا اخذ موضوع اتجاه اخر غير ما انتظرته

**Ahmed Samy** · 22-01-2009 05:42 AM

المشاركة الأصلية كتبت بواسطة KarimAbulEla

رجاءا اذا تعمل موضوع باسم مطلوب شريك ممول حيث ان عنوان الموضوع الحالى يستفز اى شخص لان عنوان الموضوع منافى لتعاليم للدين الاسلامى ، و عذرا اذا اخذ موضوع اتجاه اخر غير ما انتظرته

الربا منافي لتعاليم كل الأديان مش الإسلامي بس
و لذلك اؤيد تغيير العنوان الى (تمويل) أو (شراكة)

و ده يرجع لصاحب الموضوع طبعا

**michola** · 22-01-2009 04:26 PM

مفيش مشاكل طبعا يا جماعه
يا ريت الاداره تغير العنوان الى مطلوب ممول او شريك

علما ان الشراكه دى مش فى شركه, دى فى عمليه او صفقه و هتخلص فى الاخر ان شاء الله.