قنصولة الفليشيا

**Islam Bahaa Eldin** · 21-01-2009 08:44 PM

قنصولة الفليشيا Glx تنفع تركب في العربيات Lx فقط منين اجيبها وبكام جديدة أو إستيراد
برجاء سرعة الرد

**crazylambada** · 21-01-2009 09:07 PM

الاستيراد بتعمل 250 جنيه

**Gabrforever** · 21-01-2009 11:45 PM

طيب بيتباع فين؟

**mazenossama** · 22-01-2009 01:24 AM

المشاركة الأصلية كتبت بواسطة Islam Bahaa Eldin

قنصولة الفليشيا Glx تنفع تركب في العربيات Lx فقط منين اجيبها وبكام جديدة أو إستيراد
برجاء سرعة الرد

اسف علي الازعاج ايه القنصولة دي

**crazylambada** · 22-01-2009 01:40 AM

دي اللي بتبقى بين الكرسيين و اخدة من عند التابلوه من تحت لحد فرامل اليد
و دي حضرتك تلاقيها عند اي حد استيراد سكودا
عندك في الحرفيين فيه سكودا سنتر
و الراعي
انا شفتها بعيني لعربية استيراد بس في الزقازيق

**mazenossama** · 22-01-2009 07:38 AM

المشاركة الأصلية كتبت بواسطة crazylambada

دي اللي بتبقى بين الكرسيين و اخدة من عند التابلوه من تحت لحد فرامل اليد
و دي حضرتك تلاقيها عند اي حد استيراد سكودا
عندك في الحرفيين فيه سكودا سنتر
و الراعي
انا شفتها بعيني لعربية استيراد بس في الزقازيق

مشكووور والله ياأخي اه فهمت قصد حضرتك مهو راكب عندي فعلا عشان عنديglx بس انا لحظت ان القنصول ده بتاع فليشيا 97 مختلف عن بتاع 2000 في الشكل واللون بتاع 2000 في حامل اكواب وشكله موديرن اكتر بس مش بكتير
بس معلش انا برده عايز اسأل سؤال هنا طبعا كلنا عارفين ان التابلوة بيكون فيه وشوش يتغطي المسامير وطبعا الصنايعية الله يسامحهم بيجرحوها جامد وبتخلي شكل التابلوة هباب هل دي بتتباع لوحدها ولا لا
عشان انا سألت صاحب قطع غيار سكودا في بين الثريات وقلي مبتتبعش جديدة فهل دي حقيقة ولا ممكن الاقيها جديدة وهل بتوع الاستيرا بيردو يبيعوها قطاعي يعني من غير التابلو بالكامل

**crazylambada** · 22-01-2009 07:43 AM

اعتقد بتوع الاستيراد يبيعوها عادي
بس خلي بالك تابلوه الفيليشيا العادي
نفس شكل تابلوه فيليشيا وش الاوكتافيا
بس بيفرق ان تابلوه فيليشيا وش اوكتافيا لونين
لكن الفيليشيا القديمة لون واحد
و على العموم تابلوه الفيليشيا القديمة او الجديدة سعرهم واحد
سالت عنهم في الراعي بالحرفيين اول كلامه 400 جنيه
يعني ممكن لو فضلت شويا يوصلوا 350 جنيه
موضوع انك تلاقي منها جديد استحالة
و ده اساس وجود الاستيراد استحالة وجود جديد في بعض قطع الغيار
زي التابلوه و الماكنة مثلا

**mazenossama** · 22-01-2009 12:57 PM

شكرا علي سرعة ردك يا أخي الفاض والله
بس أعتقد 400 جنية علي التابلوة بدون العدادت ولا بالعدادات وهل كانت حلته نضيفة يعني مش مجرح ومتخربش

يفضل اخر سؤال معلش انا زودتها دلوقتي انا عايز كتالوجات الفليشيا هل موجودة عندهم وهل لو موجودة تعملها حوالي كام؟

انا من سكان الهرم وعمري بصراحة مرحت الحرفيين فممكن اروح ازاي بالعربية او بدون وهل بيكونوا فتحين بالليل يعني 8 او 9 باليل كده

**crazylambada** · 22-01-2009 10:40 PM

التابلوه كاملا ب400 جنيه
خلي بالك ان سوق التابلوه مش ماشي يعني شوف كام واحد بيحتاج تابلوه جديد قليل اوي
عادي فتحين الساعة 8 و 9
حتى 11 بليل على حسب الماكن
الحرفيين ديه في اول جسر السويس خالص يعني في اول طريقالهايكستب طريق مصر الاسماعيلية الصحراوي

**Islam Bahaa Eldin** · 27-01-2009 09:15 AM

شكرا لكل من أضاف معلومة جديدة عن قطع الغيار الإستيراد و الجديد وياريت التعاون المستمر بيننا في المنتدي الخاص بسكودا وكل واحد تعرض لموقف مع عربيته يحكيه علشان بناخد خبره منه وبرده ماحدش جاوبني القنصولة ينفع تتكب علي Lx

الموضوع: قنصولة الفليشيا

LinkBack

أدوات الموضوع

عرض

-

-

-

-

المواضيع المتشابهه

مساعده من اصحاب الفليشيا..محتار فى سعر الفليشيا ... وركوبتها

عفشه الفليشيا 97

سؤال عن الفليشيا

زيت الفليشيا كام لتر !؟؟

الي خبراء الفليشيا<الفليشيا افضل ام الريجاتا>

الكلمات الدلالية لهذا الموضوع

المفضلات

المفضلات

ضوابط المشاركة