ما تيجوا نتخانق شوية

**itsonlyme** · 22-01-2009 12:55 AM

المشاركة الأصلية كتبت بواسطة fiatto

أستاذة نور أحييكى على موضوعك الجميل والمهم ، وفعلاً أنا حاسس ان موضوعك جه فى وقته وكلنا محتاجين نقف مع نفسنا لحظة ليه الأمور بتتصعد بسرعة الصاروخ لدرجة أننا كأعضاء ممكن نغلط فى بعض ونخسر بعض وتطلع جوانب متنحية من شخصياتنا هى أصلاً مش فى طبعنا .
مش هخجل من أنى أحييكى على طرحك بصراحة لموضوع حقيقى مميز وان كنت حاسس انه توابع زلزال خلافنا ومشادتنا السابقة ، وان شاء الله ميحصلش حاجة وحشة تانى سواء بيننا أو بين جميع أعضاء نايل موتورز المحترمين .
تحياتى لموضوعك ومبادرتك المميزين

أنا أول ما قرأت اسم الموضوع الداعي للخناق وأن الموضوع للأخت نور ولقيت الأخ fiatto رد على الموضوع قلت بس، مسكوا في خناق بعض.

بس الحمد لله رد الأستاذ fiatto هو دعوة للتسامح وأرجو من الأخت نور الاستحابة له.

**beautiful0mind** · 22-01-2009 01:02 AM

بصراحة انا ملاحظ الموضوع ده اوى وبقى منتشر بطريقة غريبة

لو فرضنا ان فى واحد شد مع واحد فالمنتدى على لأى سبب كان ليه من الاساس بناخد سؤ النيه وليه بنصغر نفسا للدرجة دى

والمشكلة الاكبر بى اللى ملاحظها برضه موضوع الشلل يعنى لو اوحد من شله او من مجموعه عرفين بعض وواحد منهم اختلف مع عضو غريب عنهم الموضوع يتقلب عليه بطريقة غريبة

بجد مش عارف لية كدة .......مش ناقص غير اننا نحدف بعض بالفيروسات عشان تبقى خناقة بجد بقى

اقولكم على حاجة اوقات بفضل مردش فى بعض الموضوع عشان ابعد عن أى خلفات مع أى عضو

**fiatto** · 22-01-2009 01:03 AM

المشاركة الأصلية كتبت بواسطة itsonlyme

أنا أول ما قرأت اسم الموضوع الداعي للخناق وأن الموضوع للأخت نور ولقيت الأخ fiatto رد على الموضوع قلت بس، مسكوا في خناق بعض.
بس الحمد لله رد الأستاذ fiatto هو دعوة للتسامح وأرجو من الأخت نور الاستحابة له.

ربنا مايجبش خناق تانى ، وان شاء الله يكون موضوع الأخت نور مراجعة لينا كلنا مع بعض عشان مننساش الأساس اللى مبنى عليه منتدانا وهو احترام الأعضاء لبعض .

**fiatto** · 22-01-2009 01:09 AM

المشاركة الأصلية كتبت بواسطة beautiful0mind

والمشكلة الاكبر بى اللى ملاحظها برضه موضوع الشلل يعنى لو اوحد من شله او من مجموعه عرفين بعض وواحد منهم اختلف مع عضو غريب عنهم الموضوع يتقلب عليه بطريقة غريبة

نقطة مهمة جدا جدا وأشكرك عليها ، حقيقى ممكن يكون الموضوع فيه بداية انفعال لكن بيكبر بسرعة بسبب اللى حضرتك بتقول عليه .

**نور القمر** · 22-01-2009 01:19 AM

المشاركة الأصلية كتبت بواسطة fiatto

أستاذة نور أحييكى على موضوعك الجميل والمهم ، وفعلاً أنا حاسس ان موضوعك جه فى وقته وكلنا محتاجين نقف مع نفسنا لحظة ليه الأمور بتتصعد بسرعة الصاروخ لدرجة أننا كأعضاء ممكن نغلط فى بعض ونخسر بعض وتطلع جوانب متنحية من شخصياتنا هى أصلاً مش فى طبعنا .
مش هخجل من أنى أحييكى على طرحك بصراحة لموضوع حقيقى مميز وان كنت حاسس انه توابع زلزال خلافنا ومشادتنا السابقة ، وان شاء الله ميحصلش حاجة وحشة تانى سواء بيننا أو بين جميع أعضاء نايل موتورز المحترمين .
تحياتى لموضوعك ومبادرتك المميزين

فياتو باشا اولا اشكرك على مرورك بموضوعي وسعيدة بوجودك فيه
وعلى فكرة انا طبيعتي غريبة شويتين بمعنى اني في الموقف نفسه بتضايق جدا ومقدرش امسك نفسي او اسيب حقي لكن بعد مرور الموقف خلاص بنسى بسرعه ومتسامحة جدا لابعد الحدود
لدرجة اني لو شوفتك في الحقيقه بعدها ممكن اسلم عليك عادي واضحك على نفسي وردة فعلي وقتها
يعني الموضوع مش توابع ولا حاجة انا خلاص مدام الموقف عدى بعتبره محصلش
هو ممكن تقول توابع للي حاصل في المنتدى عموما
وانا اللي فعلا بحييك على روحك الحلوة ومبادرتك الطيبة معايا لبدء صفحة جديدة

**نور القمر** · 22-01-2009 01:25 AM

المشاركة الأصلية كتبت بواسطة itsonlyme

أنا أول ما قرأت اسم الموضوع الداعي للخناق وأن الموضوع للأخت نور ولقيت الأخ fiatto رد على الموضوع قلت بس، مسكوا في خناق بعض.

بس الحمد لله رد الأستاذ fiatto هو دعوة للتسامح وأرجو من الأخت نور الاستحابة له.

مش هكدب عليك انا كمان اول ما شوفت اسم فياتو قلت بس دي فيها سهرة صباحي زي المرة اللي فاتت ههههههههههههههههه
بس الحمد لله كانت مفاجأة حلوة من فياتو باشا

**fiatto** · 22-01-2009 01:38 AM

المشاركة الأصلية كتبت بواسطة نور القمر

فياتو باشا اولا اشكرك على مرورك بموضوعي وسعيدة بوجودك فيه
وعلى فكرة انا طبيعتي غريبة شويتين بمعنى اني في الموقف نفسه بتضايق جدا ومقدرش امسك نفسي او اسيب حقي لكن بعد مرور الموقف خلاص بنسى بسرعه ومتسامحة جدا لابعد الحدود
لدرجة اني لو شوفتك في الحقيقه بعدها ممكن اسلم عليك عادي واضحك على نفسي وردة فعلي وقتها
يعني الموضوع مش توابع ولا حاجة انا خلاص مدام الموقف عدى بعتبره محصلش
هو ممكن تقول توابع للي حاصل في المنتدى عموما
وانا اللي فعلا بحييك على روحك الحلوة ومبادرتك الطيبة معايا لبدء صفحة جديدة

الأخت نور ، حقيقى أنا مسرور جداً بردك ومبسوط أكتر ان الرغبة فى التصالح والتسامح أعلى بكتير من أى عزة بالإثم والعياذ بالله سواء منى أو من حضرتك .
موضوعك فى حد ذاته والأسلوب اللى تناولتيه بيه الصراحة خلانى مترددش أنى أشارك وأدعو للمراجعة ، لنفسى أولاً ولباقى الأخوة الأعضاء ثانياً.
بس انتى طلعتى قلبك ابيض ومبتشيليش وحقيقى أعتز والله بمعرفتك كأخت عزيزة فى المنتدى .

**نور القمر** · 22-01-2009 01:41 AM

المشاركة الأصلية كتبت بواسطة beautiful0mind

بصراحة انا ملاحظ الموضوع ده اوى وبقى منتشر بطريقة غريبة

لو فرضنا ان فى واحد شد مع واحد فالمنتدى على لأى سبب كان ليه من الاساس بناخد سؤ النيه وليه بنصغر نفسا للدرجة دى

والمشكلة الاكبر بى اللى ملاحظها برضه موضوع الشلل يعنى لو اوحد من شله او من مجموعه عرفين بعض وواحد منهم اختلف مع عضو غريب عنهم الموضوع يتقلب عليه بطريقة غريبة

بجد مش عارف لية كدة .......مش ناقص غير اننا نحدف بعض بالفيروسات عشان تبقى خناقة بجد بقى

اقولكم على حاجة اوقات بفضل مردش فى بعض الموضوع عشان ابعد عن أى خلفات مع أى عضو

للاسف يا بيوتي الموضوع فعلا انتشر
مع ان المنتدى المفروض انه وسيله للترفيه او الاستفادة او الاتنين سوا
بس دي طبيعة البشر ومفيش بني ادم كامل 100% المهم الانسان يحاول عل قدر المستطاع يغير من نفسه ويكظم غيظه
واحيانا الواحد بيلتزم الصمت لما يكون الموضوع فيه شد وجذب كتير خصوصا لو مكانش طرف في المشادة فميش داعي يدخل نفسه طرف جديد

**نور القمر** · 22-01-2009 01:58 AM

بمناسبة خلافي السابق مع فياتو انا كنت منفعله بسبب الموقف ووجهت كلمة في الموضوع السابق لدكتور اليشع
وبصراحة دكتور يشع بعتلي على البرايفت رساله في منتهى الزوق والادب والاخلاق بيعاتبني فيها وبيأكدلي ان الرغم من كلامي له هو مش زعلان مني وانه ميقصدش اللي انا فهمته وان اللي كان في نيته وقتها حاجة تانية خالص وهو وضحهالي
بصراحة كسفني برسالته دي باخلاقه العالية
وعايزة زي ما ضايقته على العام بكلامي قدام الكل اعتذر له قدام الكل