ما تيجوا نتخانق شوية

**badry** · 22-01-2009 01:32 PM

دة على اعتبار انك بتتخانق معاك يعنى

امسك نفسك شوية يا راجل و كمان هديك شوية
__________________
د./اليشع ثابت

أ أ أ أ أ أ أه نسيب بقى الموضوع الهادف إلي بتكلم فيه و نمسك بقى ف أنا بيتخانق مع نفسي ولا مع الجيران

يا جماعة الموضوع بجد مينفعش نسكت عليه و أكيد فيه حل ‎غير إلي إحنا بنعمل ده

متهيألي كدة أنا وضحت وجهة نظري و كل واحد حر يصدق أو لا

و في النهاية رأيي صواب لا يحتمل ‎الخطأ و رأيي ‎غيري ‎خطأ مفهوش رحت الصواب

و في النهاية سؤال ل دكتور اليشع..... هو ده الحل ف رأيك??? جاوب بي آه أو لا

و أحب برضوه أعرف رأي أستاذ fiatto ....ملناش حل ‎غير إننا ‎‎نغرد ‎خارج ‎السرب???

و جزيل الشكر ل أستاذة نور القمر على الموضوع ده إلي بيبين التوصيل على التوازي ممكن يعمل إيه في المطلع

**نور القمر** · 22-01-2009 01:54 PM

المشاركة الأصلية كتبت بواسطة aleshath

منوررررررررر يا حبيب قلبى
بس نور دى طلعت مشكلة هى كمااااان :k48::k48::k48:
انا بجد فوجئت بالشومة بتاعتها على دماغى عدل

بس للاسف هى محقة مفهمتش قصدى و تهريجى معاك لموضوع اخرررررر

بس الحمد لله جات سليمة :k48::k48::k48:
لك منى و لاختنا نور صاحبة احلى المشاركات
التقدير و الحب و الاحترام

المشاركة الأصلية كتبت بواسطة fiatto

وهى فعلاً عليها ضرب فوق الحزام وتحت الحزام وخطافية يمنى ويسرى واللى انت عاوزه وبالشوم لو عاوز كمان

المنتدى بتاعنا طلعت البنات فيه ميتخافش عليها ، ساعة الخناق حاسب

صعيدية الاصل بقه ودمي حامي ومش بقعد على النت الا والشومة جنبي

واللي يرشني بالمية ارشة بالشووووم

وعلى رأي بيردي بيردي مش ناقص غير احط رشاش في العربية هههههههههههههههه
بس حقيقي انا سعيدة بالجو الجميل اللي في الموضوع مع اني كن متخوفة من العكس هو اللي يحصل
ودكتور اليشع بينا احترام متبادل وصداقة من خلال المنتدى من فترة طويلة والحمد لله الموضوع خلاني كسبت صداقة جديدة فياتو باشا

**mohamed_kta** · 22-01-2009 02:11 PM

السلام عليكم

و الله حياتنا كلها محتاجة فهم ثقافة الأختلاف لكن فعلاً ده مرض و محتاج علاج يعنى مثلاً ربنا هو رب العالمين و نبينا صلى الله عليه و سلم رحمة للعالمين مش بس للمسلمين فالمقصد أنك لازم تحترم الآخر و ممكن تكره اللى بيقولوا أو اللى بيعملوا بس متكرهش الشخص نفسه لأنه صنع الله .

ده رأى الشخصى

**fiatto** · 22-01-2009 02:16 PM

المشاركة الأصلية كتبت بواسطة نور القمر

بس حقيقي انا سعيدة بالجو الجميل اللي في الموضوع مع اني كن متخوفة من العكس هو اللي يحصل
ودكتور اليشع بينا احترام متبادل وصداقة من خلال المنتدى من فترة طويلة والحمد لله الموضوع خلاني كسبت صداقة جديدة فياتو باشا

وهو ده اللى مخلينى سعيد بالموضوع ، مصالحة بين المتخاصمين وفتح صفحات جديدة واكتساب أصدقاء جدد نعتز بيهم فى المنتدى ، وكمان توضيح عشان منقعش فى أخطاء مشابهة فى مشاركاتنا الجاية .
من كل النواحى موضوع مفيد جداً

**ahm3d ham>ed** · 22-01-2009 03:42 PM

:POINTI~2[2]::k46:

المشاركة الأصلية كتبت بواسطة fiatto

**SHNORY** · 22-01-2009 04:25 PM

المشاركة الأصلية كتبت بواسطة fiatto

وهو ده اللى مخلينى سعيد بالموضوع ، مصالحة بين المتخاصمين وفتح صفحات جديدة واكتساب أصدقاء جدد نعتز بيهم فى المنتدى ، وكمان توضيح عشان منقعش فى أخطاء مشابهة فى مشاركاتنا الجاية .
من كل النواحى موضوع مفيد جداً

ايه اللي انت بتقوله ده
مصالحه وفتح صفحات
لا يا باشا مفيش الكلام ده غير لما ناخد حقنا منك
ومحدش يقدر يقع في الغلط غير لما احنا نزقه يعني بمزاجنا مش بمزاجه
ههههههههههههههه
اسلوب مستفز جدا وبيحول مسار الموضوع 180 درجه عن مساره الاصلي
وفيه ناس كل همها في الدنيا استفزاز اللي قدامهم وخلاص وبتتحقق سعادته ورضاه عن نفسه وعن عمله لما ينول مراده ويستفز الناس ويعمل خناقه

المشكله يا جماعه اللي بتخلي المواضيع تقلب لخناقات هي مدي استعدادك النفسي لتقبل جمله معينه من شخص في وقت معين
يعني علي حسب حالتك النفسيه
وطبعا الكتابه مش بتوضح مشاعر او قصد اللي كاتبها بوضوح
انما اللي بيحدد هو الحاله النفسيه للي بيقرا الكلام ممكن يكون متضايق ويفهم الرد غلط
وممكن بدل ما يلم الموضوع يرد برد يولع الموضوع وتبدا الخناقه

مين فينا دماغه متربستش مره ومرضيش يرجع متر بعربيته ووقف الشارع وعملها مشكله
ومين فينا برضه مرجعش بعربيته شارع كامل علشان يعدي واحد والابتسامه ماليه وشه
فاللي عاوز اوصله انها بتكون تبع الحاله النفسيه لاي من الطرفين
ودا في حاله لو انهم مش من مثيري المشاكل والفتن والناس اللي بتولع الدنيا وتقعد تتفرج عليها
وفي الاول والاخر حسن المعامله من حسن الخلق ومش عيب اني اعتذر لما اغلط بدل ما اكمل الغلط للاخر
واحب اقولكم في الاخر ان محدش يقدر يعمل معانا حاجه واللي شايف نفسه ييجي دا انا وكيل نيابه (كان عضو قالها مره وهدد بيها )
تحياتي لنور القمر صاحبه الموضوع
تحياتي لفياتو لتواضعه وجمال اسلوبه
وطبعا دكتور اليشع مش محتاج وصف لانه انسان من الزمن الجميل اللي مفيش منه كتير دلوقتي
تحياتي لكل اهل المنتدي
اخوكم محمد الشنوري

**fiatto** · 22-01-2009 08:45 PM

أستاذ محمد الشنورى ، مداخلتك قيمة جداً ووضحت حاجات كتير بشكل بسيط وموجز . أشكرك

**نور القمر** · 22-01-2009 09:02 PM

المشاركة الأصلية كتبت بواسطة shnory

اسلوب مستفز جدا وبيحول مسار الموضوع 180 درجه عن مساره الاصلي
انا اساسا قلت في الموضوع انه فتحته مخصوص عشان لو حد عايز يتخانق يتفضل يجيب واحد معاه ويخانقه هنا
وكنت عايزة امسك في احمد عبد المقصود لكن كان نعسان بس مش خوف هههههههههههههههههه
يجي فياتو يقلب لنا الموضوع رأساً على عقب ويغيره 180 درجة هههههههههه

المشكله يا جماعه اللي بتخلي المواضيع تقلب لخناقات هي مدي استعدادك النفسي لتقبل جمله معينه من شخص في وقت معين
يعني علي حسب حالتك النفسيه
وطبعا الكتابه مش بتوضح مشاعر او قصد اللي كاتبها بوضوح
انما اللي بيحدد هو الحاله النفسيه للي بيقرا الكلام ممكن يكون متضايق ويفهم الرد غلط

اخوكم محمد الشنوري

اما موضوع الكتابة دي انها مش بتوضح المشاعر الحقيقيه لصاحبها فدي حقيقه وياما حصلت مواقف سخيفة بسبب سوء الفهم
يعني ممكن تكون بتكب حاجة وانت مبتسم ابتسامه اتساعها 30 سم ومعتقد ان اللي هيقراها هايبقه فاهم انها على سبيل الدعابة تفاجيء ان ردة فعله عكسية
بالنسبة للمواضيع اللي تحتمل وجود احتمالين ياريت نتأكد الاول قبل ما نتخذ اي ردة فعل
لان الكلمة اللي تجرح في ثانية ممكن متقدرش تداوي جرحها في سنين
والكلمة الطيبة صدقة وليها مفعول السحر

**SHNORY** · 22-01-2009 09:32 PM

المشاركة الأصلية كتبت بواسطة نور القمر

اما موضوع الكتابة دي انها مش بتوضح المشاعر الحقيقيه لصاحبها فدي حقيقه وياما حصلت مواقف سخيفة بسبب سوء الفهم
يعني ممكن تكون بتكب حاجة وانت مبتسم ابتسامه اتساعها 30 سم ومعتقد ان اللي هيقراها هايبقه فاهم انها على سبيل الدعابة تفاجيء ان ردة فعله عكسية
بالنسبة للمواضيع اللي تحتمل وجود احتمالين ياريت نتأكد الاول قبل ما نتخذ اي ردة فعل
لان الكلمة اللي تجرح في ثانية ممكن متقدرش تداوي جرحها في سنين
والكلمة الطيبة صدقة وليها مفعول السحر

طبعا موضوع اني اكب حاجه وانا مبتسم ابتسامه

عرضها 30 سنتي دي متتحققش غير لو انا شنطه مدرسه حد فتح سوستتها 30 سنتي وبيدلق الكتب منها
ودي سخريه وانا مقبلهاش وانا جاي اتخانق واتعارك وانتم متعرفوش انا مين ومش حكون شنطه مدرسه
دي جزئيه الخناقه علشان بس تعرفوا ان سناني حاميه

بالنسبه للمواضيع اللي بتكون فيها احتمالين فمحدش فينا اوانا اولكم بياخد غير باحتمال واحد بس هو الانطباع اللي بياخده مع فهمه للكلام وبناء عليه هو بيقعد يرد قبل ما ينسي حيقول ايه واصلا هو مش بيقرا الموضوع تاني هو بيضرب وبعد كده بيتفاهم بس بيضرب الاول
من متابعتي لمواضيع المنتدي هنا ومنتديات تانيه انه بعد اول مشاركتين استفزاز الموضوع الاصلي بيتنسي وياما مواضيع مهمه اتقفلت واتحذفت ومضمونها راح وسط المشاحنات
لان كل واحد داخل يقرا اخر مشاركه اتكتبت وخلاص مش بيتابع الموضوع من اوله وهو ودرجه اعجابه باحد الاعضاء فبينحاز ليه وتبدا التكتلات والشوم يطلع والبنزين والحاجات دي كلها

الكلمه اللي تجرح في ثانيه وتدوم سنين مع احترامي لحضرتك قليله جدا علي النت
لانها علشان تجرح لازم تكون مبنيه علي حقائق وادله وبراهين وعشره ودي مش بتتحقق الا مع الاشخاص الفعليين الموجودين بشخصهم في حياه الواحد
او تكون اتقالت لشخصيه حساسه جدا لاقل حاجه بس دا بيكون عيب في البني ادم مش ميزه لان الحساسيه دلوقتي متنفعش

بالنسبه للكلمه الطيبه انها صدقه فعاوز اقولك ان الناس دلوقتي بطلت ترد السلام حتي فبقت عمله نادره
والمنتدي هادي بقاله كام يوم وعاوزين نعمل مشكله كبيره بقي ونكملها في المقابله الجايه وبما ان مقابله الاسكندرانيه قربت وبما ان عربيتي مخبطه فححاول اعملكم مشكله مع حد من الاعضاء ونيجي نكملها علي صفحات المنتدي هههههههههههههه

الموضوع: ما تيجوا نتخانق شوية

LinkBack

أدوات الموضوع

عرض

-

-

-

-

-

-

المواضيع المتشابهه

بدل ما احنا قاعدين هنا نتخانق على نعم ولا شوف الفيديو ده

ما تيجوا نشحت كلنا

ما تيجوا بينا نتخيل.........

تيجوا نشارك؟

الكلمات الدلالية لهذا الموضوع

المفضلات

المفضلات

ضوابط المشاركة