تسقيط موتور لسيارة ريجاتا ?
السلام عليكم,
بصراحه دي اول رساله اكتبها علي المنتدي واللي انا بصراحه معجب بيه جدا
عندي استفسارين ياريت حد يساعدني لو عنه خبره في المواضيع دي أنا معايا فيات ريجاتا و فيرنا بس اسئلتي تخص الريجاتا اكتر عشان أنا بافضلها كأول سياره وكمان ان انا عامل في الصالون بتاعها شغل اظن ان مافيش ريجاتا فيكي يامصر زيه حتي انه أفضل وارقي وافخم من الصالون بتاع الفيرنا الف مره(هو أنا صرفت فعلا عليه في فتره ببذخ بس الحمد لله ) المهم أبطل رغي لحسن انسي هاسأل واقول ايه...عشان انا لما بفتح في موضوع الصالونات بتاعة العربيات مش هعرف اسكت
1-بالنسبه للماتور اللي عندي ينفع ارميه و اجيب بداله ماتور انجكشن ؟؟؟؟(في حاله أه ايه هو ماواتير الفيات اللي تقبل والتمن )
ولو لأ اجيب متور اللانشيا ولا تمبرا (اني شد؟) وهو اني موديل في اللانشيا عشان الانشيا انواع -ومهم اوي حد يقولي والنبي علي مكان اشتريه منه من غييييير ماسافر و الكلام ده
2-بالنسبه للشكمان هو ينفع اركب هيدرز ولا الكلام ده لمواتير معينه -وايه هي حوارات الشكمان شويه ...علبه ديفل و شويه ماديفلش...مافلر!!!!(يعني ايه).....بمعني عاوز اركب نظام
exhaust أداء وصوت هادي(او عالي بس اداء رياضي)
حد يفهمني الأنواع والأماكن وطبعا الأسعار...
شكرا أوي يارجاله:ma:
تم تغيير العنوان ليدل على محتوى الموضوع.
يرجى مراجعة قوانين المنتدى.
مشرف القسم.