1.5 % ؟؟؟؟؟؟؟؟؟؟؟؟؟؟؟؟؟؟؟
عرض للطباعة
1.5 % ؟؟؟؟؟؟؟؟؟؟؟؟؟؟؟؟؟؟؟
اقتباس:
شكرا علي الردود السريعة ولكن محدش جاوب علي موضوع السخونة عند الاقدام و التكييف مش شغال!!!؟؟
انا نفسي اعرف ايه السر في التقفيل المصري في الموضوع ده
انا معرفشي عربيه اتقفلت عندنا هنا في مصر اللي ما فيها الموضوع ده
وده بيبقى ناتج ععن ان العازل الحراري اللي موضوع في صدر العربيه فيه بعض الفتحات او مش متقفل كويس بحيث أنه بيدخل عليك الهواء الساخن اللي في الماتور وتقريبا الحته دي بتبقى من عند الكونسول بتاع الفتيس بس من جوه شويه عند القدم وهتلاقي الهوا ده طالع من الكونسول ولو حطيت ايدك على الكونسول هتلاقيه سخن ....... جرب وقولي
طيب و ده له علاج ولا بيفضل كده و ياريت اصحاب الصني ( اللي تم اختزالهم في المهندس سبعاوي - مع احترامي له ) يكامونا عن الماضيع دي معاهم و استهلاك البنزين اللي بيتقال عنها دا و سواء مانيوال او اوتوماتك مع توضيح بالتكييف او بدون
و نداء للاعضاء بالاهتمام اكثر من كده للافاده
و شكرا
يا جماعه انتم نسيتم أهم عيب
(العفشه الناشفه) بصراحه أنا لما ركبتها أفتكرت أن زميلي صاحب العربيه مهمل فيها وللا حاجه لكن لما ركبت عربيه تانيه لقيت فيها نفس العيب برضه
ياترى حد تاني حاسس بنشوفية العفشه بتاعت الصني ؟ وللا العربيتين دول بس كده .؟
فعلا السخونة بتطلع من المنطقة دي وكمان الجديد من فتحات التكييف الامامية وانا مش عارف السبب ايه والتوكيل كمان ورحت عند مودرن موتوز قلولي ذي الفل العزل سليم 0وبعدين رحت عند السبع كشفوا عليها وقلوي الHEAT DOOR كان مفتوح شوية وضبطنا ولكن كان شيء لم يكن 0 رحت عند العوض جروب ناس محترمين فعلا قلولي ده اول مرة نقابل العيب ده(من قال لا اعلم فقد افتي) وحنتصل بالمصنع يجيب حد يفحص السيارة وكمان حد من الهندسين اليابنين في اامصنع وحددولي ميعاد يوم الارباء القادم للفحص وربنا يسهل لما نشوف0
علي فكرة الشكوة من العفشة في العربيات EX SALOON ولكن SUPER SALOON العفشة رياضية ممتازة و مش بتحس بالمطبات اوي ذي EX
وحقولكم اية الي حيصل ان شاء الله يوم الارباء بعد ماجي من التوكيل
ده فعلا عيب أنا حسيت بيه و كسرلي ظهرياقتباس:
يا جماعه انتم نسيتم أهم عيب
(العفشه الناشفه) بصراحه أنا لما ركبتها أفتكرت أن زميلي صاحب العربيه مهمل فيها وللا حاجه لكن لما ركبت عربيه تانيه لقيت فيها نفس العيب برضه
ياترى حد تاني حاسس بنشوفية العفشه بتاعت الصني ؟ وللا العربيتين دول بس كده .
استهلاك البنزين عالي بس مش ماساه .. ممكن تقول مزعج شوية بس اصل العربية تقيلة حبتين يا شباب
العيب القاتل فعلا هو نشوفية العفشة .... و ده في ال EX بس فعلا
لو بتتعايش معاه يبقى تمام
لو متضايق اوى هات لك جوز مساعدين KYB و الله اعلى و اعلم
انا عامل 3000 كم حتى الان (1500 منهم انا و الباقي الوالد) .. و الحقيقة باستثناء الجين تو (و اللي كانت بالتاكيد مش هتنفع لوالدي) مازلت مش شايف عربية منافسة بالسعر و الاوبشن و حتى الجودة في فئتها
ايه القلق ده انا حاجز واحدة صنى 2008 وبعديين هدفع فلوس فى عربية بتسخن وعافشة ناشفة طيب ممكن الواحد يضحى شوية ويركب كورولا ولا اوكتافيا ولا لانسر الشكل الجديد 2008 ها ايه رأيكم افيدونى افادكم الله ومش مهم ال1000 جنيه بتوع الحجز. ربنا يعوض علينا
بالنسبة للجمعية التعاونية للتأمين فهي مملة وبطيئة كالحكومة وكان ليا معاهم تجربة مريرة فعند حدوث أي حادث لجسم العربية بتروح للشركة في العباسية وتعمل أخطار ان العربية اتخبطت وتختار مركز صيانة من مراكز الصيانة اللي هما محددنهم في كشف عندهم وتاني يوم تروح مركز الصيانة ده وتستني المهندس بتاعهم لما ييجي عشان يصور العربية قبل الأصلاح وبعد ميخلصوا تصليح بتتدفع انت قيمة التصليح وبعدين تروح الجمعية وتخطرهم ان العربية خلصت عشان يصوروا ست هيفا بعد الأصلاح و تبدأ رحلة المعاناة والأحباط بالمطالبة باللي انت دفعته من الشركة وتدور بنفسك علي اسمك أسوأ معاملة في الامبالاة وعدم الأهتمام ستجدها هناك أكتر من اي جهة حكومية و في تجربتي أخذت فلوسي بعد 3 شهور من الأخطار بس هتعمل ايه الجمعية التعاونية الزام عليك لما تشتري العربية تقسيط حسبي الله و نعم الوكيل فيهم
السلام عليكم
انا حاجز ex manual وبتابع حديثكم والحقيقه انتم قوه مؤثره جدا على توكيل مودرن موتورز الدقى وانا كلمتهم وهم بيتابعو الموضوعات وبينقلو الشكوى للمصنع
م/ محمود