توصل بالسلامة إن شاء الله ... بالنسبة للطريق كالأتي
1- تاخد طريق القطامية -العين السخنة الجديد حوالي 120 كيلو و السرعة علية برضة 120ك/س و عادة بيكون فيه ردار و توجد استرحة واحة محمد في منتصف الطريق
2-من العين السخنة للزعفرانة حوالي 75 كيلو و خلي بالك الطريق معظمه منحنيات خطره و ياريت ما تجريش علشان الطريق فرده واحده رايح جاي و السرعة القصوى عليه 90 ك/س
3-يوجد رست في الزعفرانة أسمه صحارى إن ممكن تريح و تمون من موبيل اللي هناك و بعد كده قدامك طريق طوالي بمسافة 120 كيلو لحد ماتوصل رأس غارب و السرعة على الطريق 110 ك/س و يوجدود ردار ثابت قبل غارب ب 15 كيلو ياريت تخليك على 90 قبل رأس غارب ب 10 كيلو و لو عاوز إستراحة يبقى تخش راس غارب من بعد الكمين بتاع الردار شمال
4- المرحلة الأخيرة من رأس غارب إلى الغردقة حوالي 140 كيلو و السرعة 110 ك/س و يوجود ردار متحرك في و سط السكة غالبا بيبقى قبل الغردقة بحوالي 70 كيلو
بالنسبة لأسعار الفنادق ممكن تراجع جريدة الأهرام صفحة السياحة حتلاقي عروض كتيرة و في زملاءنا في المنتدى بيشتغلوا في فنادق الغردقة ممكن يعملوا لحضرتك واجب جامد
الأماكن و المطاعم الحلوة كتير في الغردقة سواء في منطقة السقالة أو الدهار و منطقة الممشى السياحي
مع تمنياتي بأجازة سعيدة
و أرجو من المشرف نقل الموضوع الى قسم دليل الطرق و السفريات
المفضلات