رعشه بصوت عالى فى العربيه

**A.Elsheikh.01** · 22-01-2009 12:51 PM

العربية دلوقت لما بقيت بطلع بيها اولانى او بفادى عربيه او اى حاجه وانا ماشى على التانى بترعش بصوت تخبيط
الحكايه دى عالجت ربعها بحاجتين
غيرت البوجيهات وعليت العربية شويه
ولسه فيه رعشه
رجلى على الدبرياج او البنزين زي ما هي ومفيش اى تغيير وكان زي الفل زمان
دلوقت بقى مش عارف العيب فين
اربط العفشه + اروح لسمكرى وكهربائى يربطو على اى مسمار مفكوك دا لو فيه يعنى
ولا اعمل ايه

**tamertamer** · 22-01-2009 12:53 PM

على الارجع قواعد المتور بص عليهاء سعات بتعمل كدة

**A.Elsheikh.01** · 22-01-2009 12:59 PM

ربنا يخليك ليا يا جميل
اسرع رد ويارب يبقى على حاجه زي كده
دى تبقى حاجه بسيطة
ادعى

**tamertamer** · 22-01-2009 01:03 PM

لا مش بسيطة خالص انت تعرف ثمنهم كام شكلك متعرفش هما غلين واوعة تجيب غير الالمانى بص هما تجارى عملين حوالى 300 حاجة كدة ممكن تلقية بيتباع مابين 300 الى 450 للقعدة الوحد الالمانى انا بقلهاء عشان قلى هيقلى ارخص هقلة روح خد فلوسك وربنا يستر وتكون حاجة بسيطة

**samirayad** · 22-01-2009 06:50 PM

تقصد ايه بقولك عليت العربيه................

**A.Elsheikh.01** · 22-01-2009 09:03 PM

مفاجئه الموسم
الموضوع طلع الحمد لله مش قواعد الماتور ولا حاجه
كل ما فى الامر ان النهارده بعد ما كتبت الموضوع وطبعا ما بسكتش فى الحاجات الى زي دى وطلعت للميكانيكي بتاعى
رحت وبص على الزيت اول حاجه لقا الزيت ناقص حوالى كيلو ونص طبعا اول حاجه بصينا ليها هو مسمار فى وش الكاتيهات كان مكسور من مطب وحوار طويل من غير رغى
وكنا سدينه بحاجه زي بلف
المهم
فكينا وش الكاتيهات ولقينا نص المسمار المكسور بايت فى القاعده
رحت جايب خراط فنان وطلع الجزء الى فاضل وبعد ما طلعه قمت طالع على واحد بتاع مسامير ورولمان بلى وجبت مسمار قريب من المسمار الى طار قمت جايبه ورحت للخراط تانى وقام مظبطه على المقاس بالضبط
وبعد ما ركبنا الوش تانى قمت جايب زيت التعاون لتر وربع وقمت حاطه مؤقتا
بعد ما خلصنا قمت مروح وجبت جيركن زيت شل 3الاف كيلو وحطيته للعربية وربطنا للعفشه ومن بعدها العربية الحمد لله بقت زي الفل واكتر من الفل
ولا فيه رعشه ولا اى حاجه والصوت هدي خالص

**A.Elsheikh.01** · 22-01-2009 09:05 PM

الحوار دا خلص فى 3 ساعات وب11جنيه ونص زيت مؤقت تعاون و7 جنيه مسمار بالجلبه بتاعته وبعد كده زيت شل انتاج 2009 ب95 جنيه العفشه اتربطت وب15 جنيه مصنعيه

**tamertamer** · 23-01-2009 03:47 AM

نسيت الخرات بس الحمد للة بس انا عايز اقلك حاجة هى العربية بتعتك ملهاء كل يوم بمزاج اعملهاء حجاب (هقلك انا تجيب ديك احمر طوبى ومعاة نملة عرجة ومعاة رجل عطار اديمة وتدرب فى الخلاط وتجيب جزمة وتحط فيهاء المخلوط وتحطهاء وراء فى الشكمان ودعيلى وخليك وراية وانت تكسب هههههههههههههه

**helmy537** · 23-01-2009 03:54 AM

ههههههههههههههههههههههههه ه وصفه الاستاز تامر هايله لاى عربيه

**tamertamer** · 23-01-2009 04:02 AM

انت تأمر انت عارف دية للغالى والله مش لاى حد

الموضوع: رعشه بصوت عالى فى العربيه

LinkBack

أدوات الموضوع

عرض

رعشه بصوت عالى فى العربيه - انشر الموضوع فى :

-

-

-

-

-

-

-

المواضيع المتشابهه

استهلاك بنزين الصنى وتفكيير بصوت عالى

رعشه في العربيه

استفسار عن رعشه العربيه

العربيه صوتها عالى ليه ؟؟؟؟؟؟؟؟؟؟؟؟؟؟؟؟؟

هرم سيتى مالها وماعليها(فكروا معايا بصوت عالى محتاج النصيحه)

الكلمات الدلالية لهذا الموضوع

المفضلات

المفضلات

ضوابط المشاركة