لغاية امتى حملة خليها تصدى

**Hussein_Ramdan** · 22-01-2009 01:43 PM

انا شايف ان معظم الناس على علم بهدة الحملة
حتى انا اوقات بتكلم معا ناس كتير ملهاش علاقة بالنت او الفيس بوك
وسمعو عن موضوع خليها تصدى
بس لغاية امتى
يعنى هنقول مثلا واحد معا فلوس وعايز يشترى عربية هيفضل مستنى لامتى شهر او اتنين او خمسة او سنة

بس اانا بعتقد ان الناس الى فلوسها حاضرة فى جبها اظن انها بتشترى عالطول ولاة حملة ولاة بتاع

بس السؤال دة واحد صحبى سؤلو ليا انبارح طيب اخر الحملة دى امتى
الحل لو الاسعار منزلتش
هل هنشترى وامرنا لله
مش هنشترى ونصمم على موقفنا

انا عن نفسى ماجل موضوع الشرا على شهر 9 يعنى على الرابع الثالث من 2009

**Nistelrooy** · 22-01-2009 01:50 PM

لغاية ما تصدي :k48:

وبعدين لو حد معاة فلوس ومستعجل اوي خلية يشتري من حد عربية مستعملة ويكون من شخص ومش تاجر

**magyver** · 22-01-2009 03:13 PM

ماظنش والله ان العربياات هاتنزل في مصر للدرجة ان احنا نخليها نصدي ونستني
ومع ذلك انا مع الحملة لان عايز اغير العربية

**karaktar** · 22-01-2009 03:19 PM

ااااه على فكره العمليه ابتدت تنخ مع بعض الاعضاء
انا حاسس ان فيه بعض بوادر استسلام
يجماعه عايز اعرفكو حاجه لو احنا منجحناش فى الحمله دى
هايحصل مشكله فظيعه ويأس فى داخلنا يعنى لو عايزين نعمل اضراب على اى حاجه تانيه هانؤول ماحنا عملنا قبل كده وفى الاخر طلعت على فشوش

الصمود الصمود الصبر الصبر

**Anxs111** · 22-01-2009 03:26 PM

الصبر ضروري والثقة كمان عشان الصبر يقوينا . ده حقنا الطبيعي وهيحصل عاجلاً إن الأسعار تنزل لأنهم مش هيستحملو كتير .

إلا إذا قرروا أنهم يخسروا نفسهم أو يغير نشاطهم إلي تجارة الفراخء في عشش ياباني مكيفة عشان الحر شديد على الفراريج أو ألماني بموتير شديدة وإتزان عالي في سرعات فوق 180 لزوم أمان الفراخ لما يفسحوهم .

و في الحالة ده هييجي تجار جدد متعليمين مش في الأصل فررجية عايزين يعملو فيها مهندسين و رجال أعمال ببدل ، يلتزموا بأهم قوانين اللعبة و هي إحترام المواطن و مجارات السوق العالمي بدل الخسة والإستغلال .

يعني احنا كسبنين كسبنين و هما إما يرجعوا للنشاط الأصلي (كوكو واوا ) أو يبطلوا تهجيص لو خايفين حد ياخد مكانهم . وأدينا بنتفرج و فلوسنا في جيبنا هنديها للي على مزجنا ويحترمنا لأننا أمنا والدتنا محترمين و مش هنسيب حد يشتغلنا تاني

**Anxs111** · 22-01-2009 03:30 PM

المشاركة الأصلية كتبت بواسطة karaktar

ااااه على فكره العمليه ابتدت تنخ مع بعض الاعضاء
انا حاسس ان فيه بعض بوادر استسلام
يجماعه عايز اعرفكو حاجه لو احنا منجحناش فى الحمله دى
هايحصل مشكله فظيعه ويأس فى داخلنا يعنى لو عايزين نعمل اضراب على اى حاجه تانيه هانؤول ماحنا عملنا قبل كده وفى الاخر طلعت على فشوش

الصمود الصمود الصبر الصبر

أخي karaktar خليك متفائل و هتقدر تشوف الأمور الإيجابية و متخفش . وأنا سعيد أنك ابتديت تاخد الجنب بتاعنا . دوس يا صديقي وأكيد هتشد ناس كتير معاك إلى سكتنا .

**kahamid** · 22-01-2009 03:34 PM

المشاركة الأصلية كتبت بواسطة karaktar

الصمود الصمود الصبر الصبر

صح الصبر والصمود

**karaktar** · 22-01-2009 03:49 PM

المشاركة الأصلية كتبت بواسطة Anxs111

أخي karaktar خليك متفائل و هتقدر تشوف الأمور الإيجابية و متخفش . وأنا سعيد أنك ابتديت تاخد الجنب بتاعنا . دوس يا صديقي وأكيد هتشد ناس كتير معاك إلى سكتنا .

إن شاء الله التفائل موجود
وفعلاً انا ابتديت اتخذ الاتجاه الاصح
وإن شاء الله نحاول نخلى أكبر قدر من الناس ينضمو لينا وبقتناع تام وإن شاء الله هاخلى اللى ضدنا يكونو معانا فى صفنا
وانا ابتديت التحدى وبدام احنا ماشيين فى طريق خير أكيد هايعم على الجميع بإذن الله

**abzoabzo** · 22-01-2009 04:02 PM

لغاية لما توصل لسعرها الحقيقى
مش النهب وخلاص

**eng.octooo** · 22-01-2009 04:10 PM

اصبرواااااااااااااااااااا ااااا لان دلوقتى المصانع بتنتج ومفيش وكلاء شاريين لية هايقولولهم مفيش بيع هاتر الشركة الام وتقول
نزلوا اسعار العربيات اجبارى

وكدة نكون حققنا هدفنا
وشكرة فولكس فاجن نزلت اسعارها 10 الاف فى العربية شوفوها فى ملحق الاهرام يوم الجمعة

الموضوع: لغاية امتى حملة خليها تصدى

LinkBack

أدوات الموضوع

عرض

-

-

-

-

المواضيع المتشابهه

خليها تصدى وموديلها يعدى (حملة الموسم)

سؤال مهم فين حملة خليها تصدى وموديلها يعدى

حملة (خليها تصدى وتعفن)

رايى فى حملة خليها تصدى و التخفيضات هتوصل لغاية ايه - بدون زعل

ازاى يا جماعة نوسع حملة خليها تصدى... منقول

الكلمات الدلالية لهذا الموضوع

المفضلات

المفضلات

ضوابط المشاركة