صوت رجه في لانسر بطه 92 .. ممكن المساعدة

**husseinthemaster** · 22-01-2009 03:08 PM

انا كنت عند الميكانيكي النهاردة عشان في صوت رجة في العربية( انا معايا لانسر 92 بطة )الراجل قالي ان القواعد بتاعة الموتور عاوزة تتغير طب بكام يا عم قالي الكلام اللي مش مصدقة القاعدة الواحدة ب200جنية مستعملة ومفيش منها جديد طبعا انا فهل ممكن حد يقولي الحقيقة مستني الاجابة

**Dr.SherifMansy** · 23-01-2009 01:15 PM

لا يا باشا ولا و لا حاجة
انا كان معايا بطة 92 (و دلوقت مع اختى يعنى انا اللى شارب الصيانة بتاعتها كده ولا كده) و من حوالى 6 سنين غيرت لها قواعد الموتوربس بصراحة مش فاكر بكام
و لكن يوجد منها فى السوق تايوانى ، صحيح قليل شوية لكن موجود و عموما انتبه لحاجة تسهل عليك جدا التدوير :
لو نزلت تسأل عن قواعد البطة غالبا هايقول لك مافيش لكن اللى اكتشفته ان هى هى نفس القواعد بتاعة الكريستالة مع الأنتباه الى انها مش كل الطقم ، يعنى مثلا هتلاقى القاعدة الأمامية فى القنطرة مثلا بتاعة كريستالة موديل 98 و مثلا اليمين بتاعة 99 و هكذا (طبعا انا مش فاكر انهى قاعدة بتاعة اى موديل و لكن لو ممكن تفكهم و تدور واحدة واحدة او ترسمهم كويس و تعرف شكلهم و تدور عليهم)
بالنسبة للأستيراد لو ناوى يبقى اتأكد ان الكاوتش بتاعها سليم و مش مشقق و ان القاعدة سليمة و مافبش عوجة فى مساميرها
و ربنا معاك
(نصيحة اخرى ، اتأكد ان المشكلة فى القواعد بدل ما تلف و تغير و تطلع مش هى السبب)

**ashraffathy75** · 05-03-2009 11:21 AM

المشاركة الأصلية كتبت بواسطة husseinthemaster

انا متشكر جدا لحضرتك انا فعلا سالت علي القواعد لاقيتها عند الشرقاوي في جسر السويس الواحدة ب110 وهجيبها إن شاء الله

وشكرا ليك جدا

فين محل الشرقاوي علشان ناوي اجيب قواعد موتور

**husseinthemaster** · 07-03-2009 01:01 AM

الشرقاوي في جسر السويس امام بوابة فندق السلام وبعد بوابة نادي الشمس بعد شارع احمد عصمت علي الشمال وانت رايح وبلغني بالاسعار

**husseinthemaster** · 08-03-2009 01:55 PM

الووووو يا شباب

**kokmedo** · 05-04-2009 03:26 PM

كنت عايز أعرف رأيكم في الانسر 92 أتوماتيك 1300
لأنة معروض علية واحدة وبفكر فيها ومعروضة ب 30 ألف جنية

**husseinthemaster** · 05-04-2009 05:20 PM

السلام عليكم اللانسر البطة لو حالتها حلوة عربية 10/10 انا كان معايا نوبيرا قبلها 2002 في راي اللانسر البطة احسن بس موضوع الاتوماتيك مش حلو هيخلي السحب مش اد كدة عشان الموتور 1300 والبنزين هيزيد لكن لو مش بتحب الجري والشد وحالتها نضيفة اتكل علي الله وهي كربراتير مش كدة باب واكس ولا بستم اسال وقولي

**Dr.SherifMansy** · 05-04-2009 11:49 PM

المشاركة الأصلية كتبت بواسطة husseinthemaster

السلام عليكم اللانسر البطة لو حالتها حلوة عربية 10/10 انا كان معايا نوبيرا قبلها 2002 في راي اللانسر البطة احسن بس موضوع الاتوماتيك مش حلو هيخلي السحب مش اد كدة عشان الموتور 1300 والبنزين هيزيد لكن لو مش بتحب الجري والشد وحالتها نضيفة اتكل علي الله وهي كربراتير مش كدة باب واكس ولا بستم اسال وقولي

كلام سليم 100%
و فعلا هى كربيراتير مش انجكشن