شكر واجب -لدكتور محمد الشيخdr_druggist

يا جماعة انا اشتريت عربية الدكتور محمد عن طريق المنتدى هنا هو كان عارضها للبيع في منتدى البيع وبصراحة الراجل قبل ما يبيعها وقبل كل حاجة كان كاتب كل حاجة عن العربية بمنتهى الصدق والامانة وانا انبسطت بصراحة اني اشتريتها من راجل زي الدكتور محمد لعدة اسباب اولا انه راجل اخلاق وذوق في التعامل مع الناس مش واحد عاوز يبيع ويخلص .
كمان راجل محافظ على عربيته ومش باخل عليها بحاجة وكمان بيفهم في الميكانيكا وبصراحة هو لغاية دلوقتي بعد ما باع عربيته ليا لما بسأله على اي حاجة بيساعدني كأنها لسا بتاعته _هي بتاعته فعلا- فاقل حاجة اعملها له اني اشكره لانه ماخباش حاجة عليا وكان واضح وصريح بالاضافة لمعاملته المحترمه جدا
الف شكر ليك يا دكتور محمد

:k32::k32::k32:هى دى اخلاق رجاله النايل موتورز

الرجل دة فعلا محترم ولما لقى الكلام فى العربية بقى مش كويس انسحب بكل هدوء انا كنت متابع الموضوع
مبروك يا azamell الف مبروك وربنا يديك خيرها ويكفيك شرها؟؟

ربنا يباركلك فيها

والله يا استاذ محمد انت اخجلتنى جدا بكرم اخلاقك ده و كل كلمة طيبة قلتها فى حقى هى راجعالك واكتر .

وبعدين انت شكرتنى بما فيه الكفاية على الخاص فكونك تصر انك تشكرنى على العام فالحقيقة ده كرم اخلاق منك بينم عن اصلك الطيب لانه اذا كنت انا قمت بشىء كويس فده كان واجب على ولم افعل سوى الاصول
اما ما تفعله انت الان فهو تفضل وكرم منك فربنا يباركلك .

والحقيقة انك سبحان الله اول ما كلمتنى عن العربية انا حسيت انك انت اللى حتشتريها وده من الحديث الصحيح :

(رحم الله رجلا، سمحا إذا باع، وإذا اشترى، وإذا اقتضى). صحيح البخاري الجامع الصحيح 2076

وده انا حسيته منك من اول اتصال والحمد لله انك راضى عن العربية وانا والحمد لله راضى جدا وكل ما افتكر العربية بجيب سيرتك بكل خير وبقول انى سعيد انها بعد العشرة دى راحت لواحد زيك وزى مانت قلت هى لسة عربيتى ولو عزتها منك فى اى وقت حتلاقينى :B4_564: وبقولك هات المفتاح .

الاخ amegoo75 شكرا جزيلا على كلامك الطيب وربنا يكرمك .

الحقيقة يا جماعة ان افضل شىء فى منتدى نايل موتورز الاتى :

1- الغالبية العظمى من الاعضاء ناس كبيرة ومسؤولة ومحترمة وداخلين عشان يستفيدوا ويفيدوا وكل واحد بيجود بكل خبرته فى اى مجال دون تردد.
2- المنتدى مش من المنتديات اللى ممكن يدخلها الشباب الصغير عشان يصاحب ويعمل علاقات وده مخليه مكان مشرف لينا كلنا .
3- وجود ادارة قوية وحاسمة تشعرك بالامان والثقة .
4- وده الاهم انك تخرج بمعرفة الناس المحترمة اللى بتساعدك بمنتهى روح الاخوة وبتقدملك خبرتهم وخلاصة تجاربهم دون انتظار لاى مقابل ودول ما شاء الله كتير جدا فى المنتدى بل انهم الغالبية العظمى فى المنتدى.

فشكرا جزيلا لكل القائمين عليه وشكرا جزيلا لكم جميعا وربنا يديم المعروف .

فى هذه الحالة الطيبه والمبنى التعاقد فيها على الأمانه والألتزام بمبدا المراقبه لله سبحانه وتعالى .............................ووضع حديث الرسول (ص)من غشنا فليس منا....نصب العين من قبل الأخ الفاضل البائع......لا أملك الا أن أقول بارك الله فيكما فنعم البائع ونعم المشترى

مبروك عليك العربية

اقتباس:

---

المشاركة الأصلية كتبت بواسطة amegoo75

الرجل دة فعلا محترم ولما لقى الكلام فى العربية بقى مش كويس انسحب بكل هدوء انا كنت متابع الموضوع
مبروك يا azamell الف مبروك وربنا يديك خيرها ويكفيك شرها؟؟

---

الله يبارك فيك يا اميجو انت شكلك كنت معانا من الاول

اقتباس:

---

المشاركة الأصلية كتبت بواسطة kliken

ربنا يباركلك فيها

---

الله يبارك فيك

اقتباس:

---

المشاركة الأصلية كتبت بواسطة dr_druggist

[انت اخجلتنى جدا بكرم اخلاقك ده و كل كلمة طيبة قلتها فى حقى هى راجعالك واكتر .
ده اقل من حقك يا دكتور كفاية ذوقك

والحقيقة انك سبحان الله اول ما كلمتنى عن العربية انا حسيت انك انت اللى حتشتريها وده من الحديث الصحيح :

(رحم الله رجلا، سمحا إذا باع، وإذا اشترى، وإذا اقتضى). صحيح البخاري الجامع الصحيح 2076

وده انا حسيته منك من اول اتصال
طيب تصدق بالله انا كمان حسيت نفس الاحساس ده

وزى مانت قلت هى لسة عربيتى ولو عزتها منك فى اى وقت حتلاقينى :B4_564: وبقولك هات المفتاح
انت تأمر:B4_007:

والاهم انك تخرج بمعرفة الناس المحترمة اللى بتساعدك بمنتهى روح الاخوة وبتقدملك خبرتهم وخلاصة تجاربهم دون انتظار لاى مقابل ودول ما شاء الله كتير جدا فى المنتدى بل انهم الغالبية العظمى فى المنتدى.

---

اقتباس:

---

المشاركة الأصلية كتبت بواسطة samirayad

فى هذه الحالة الطيبه والمبنى التعاقد فيها على الأمانه والألتزام بمبدا المراقبه لله سبحانه وتعالى .............................ووضع حديث الرسول (ص)من غشنا فليس منا....نصب العين من قبل الأخ الفاضل البائع......لا أملك الا أن أقول بارك الله فيكما فنعم البائع ونعم المشترى

---

ونعم الرد ونعم الرجال ونعم المنتدى

اقتباس:

---

المشاركة الأصلية كتبت بواسطة KoDaK_Gti

مبروك عليك العربية

---

الله يبارك فيك يا كوداك

ربنا يكرمكوا ويجزيكم خير لان فعلا جميل قوي ان الواحد يلاقي ناس زيكم.