الموضوع: كارتك ثم كارتك - لا غبور بعد اليوم

ذهبت لصيانة الـ 10000 لسيارتى الماتريكس
أى نعم المسافة من البيت لكارتك أكثر من 60كم لكن الطريق معقول
حجزت عادى فى نفس اليوم ، استلم منى السيارة المهندس/عنتر، دخلت فورا، بعد حوالى 25 دقيقة كان كل شئ تمام التمام.

العيب الوحيد الحسابات، أخذوا أكثر من نصف ساعة لعمل ايصال الدفع، عموما الحسابات هى غالبا نقطة الضعف أيضا عند غبور و معظم الشركات فى مصر ( المشكلة بتبدأ من الكلية، فمعظم هؤلاء، هم من كان يتمنى هندسة أو طب، و المجموع لم يسمح..) بيجيلهم احباط يستمر طوال حياتهم. اذا هذا عادى.

بناء عليه قررت الاستمرار فى التعامل مع كارتك بدلا من غبور، رغم المسافة.

السلام عليكم ورحمة الله وبركاته
اولا مبروك علي الصيانة وربنا يوفقك دائما
ثانيا الحسابات ده دائما مظلومة لان المشكلة في مصر مش في الحسابات المشكلة في الورقيات الكثيرة الموجودة في اغلب شركات مصر يعني لازم تعمل فاتورة وبعدين توديها تتراجع وبعدين تاخذ اعتماد ثم تعمل ايصال توريد نقدية وبعدين ترفق به الفاتورة وبعدين تعتمده وبعدين تاخذ الفلوس من العميل وبعدين تسجلها في كشف حركة الخزينة ( طبعا مانيوال ) وبعدين تتراجع مرة ثانية وبعدين تاخد الوصل ربنا يدينا ويديك طولة العمر فالعيب في الروتين مش في البني ادمين
انما لو في سيستم كمبيوتر الفاتورة تترحل علي طول للحسابات ترمي اتوماتيك ايصال استلام مطبوع من السيستم تدفع وتستلم