اليوم .. انتهاء استيراد السيارات بمنطقة بورسعيد الحرة

**M.Osman** · 24-01-2009 06:21 PM

مستغرب جدا ان فى ناس بتقول ان ده اسمه "عدل" !!

**bee** · 24-01-2009 06:30 PM

المشاركة الأصلية كتبت بواسطة brown-eyes

انا كنت في بورسعيد من اسبوع بصراحة الوضع هناك وحش جدا في حالة ركود فظيعة في الاسواق كنت حاسس ان البيعين شوية شوية هيخلوني اشتري بالعافية بصراحة منه لله اللي كان السبب في وقف الحال ده

وتفتكر يا باشا انت من جواك مبسوط وبتقول زي ضعاف النفوس احسن .. طبعا لأ
مش ده كله بيرجع على بلدنا بالخسارة ؟؟؟
الواحد كل ما يشوف دبي يتحسر لان بورسعيد دي المفروض كانت تبقى احسن منها الف مرة وكل المقومات فيها ..
حسبنا الله ونعم الوكيل
وشكرا على ردك

**bee** · 24-01-2009 06:33 PM

المشاركة الأصلية كتبت بواسطة SuccessCre8or

مستغرب جدا ان فى ناس بتقول ان ده اسمه "عدل" !!

ولا تستغرب ولا حاجه ..
مهو الي بيقول كده مش بيبص غير لنفسه ومش عارف ان الناس الي في بورسعيد طول عمرها كانت بدخل البلد حاجات مصر كلها عمرها ما شافتها ..
ومستخسرين في بلد بتدخل دخل مهووووووول من قناة السويس ان اهل البلد دي يركبوا عربيات منطقة حرة تخرج بره البلد 3 شهور في السنة .. معاه حق فعلا كتير على اهل البلد ..
لكن لما حد ييجي يشتري من هنا ارخص ويهرب من الجمرك مش حرام عليه مش كده ؟

بص يا باشا ..
طول ما فيه ناس من دي مصر عمرها ما هتخرج من الي هي فيه ..
شكرا على ردك وتفهمك "كمصري"

**brown-eyes** · 24-01-2009 06:38 PM

المشاركة الأصلية كتبت بواسطة bee

وتفتكر يا باشا انت من جواك مبسوط وبتقول زي ضعاف النفوس احسن .. طبعا لأ
مش ده كله بيرجع على بلدنا بالخسارة ؟؟؟
الواحد كل ما يشوف دبي يتحسر لان بورسعيد دي المفروض كانت تبقى احسن منها الف مرة وكل المقومات فيها ..
حسبنا الله ونعم الوكيل
وشكرا على ردك

اكيد طبعا حاجة تزعل وقف الحال ده ميرضيش حد
بس بصراحة البلد جميلة جدا والعربيات هناك حلوة خصوصا الجولف والسيفيك
وربنا مع اهل البلد بقي انا مش عارف ازاي الواحد يبقي عايش كده حاسس بخوف ومش مستقر وهو عارف ان كمان 3 سنين البلد حالها هيقف انا مش عارف ايه الحكومة الظالمة دي

**bee** · 24-01-2009 06:40 PM

المشاركة الأصلية كتبت بواسطة brown-eyes

اكيد طبعا حاجة تزعل وقف الحال ده ميرضيش حد
بس بصراحة البلد جميلة جدا والعربيات هناك حلوة خصوصا الجولف والسيفيك
وربنا مع اهل البلد بقي انا مش عارف ازاي الواحد يبقي عايش كده حاسس بخوف ومش مستقر وهو عارف ان كمان 3 سنين البلد حالها هيقف انا مش عارف ايه الحكومة الظالمة دي

هي مش هتقف بعد 3 سنين هي اساسا وقفت من يوم ما فكروا في القرار بتاع الغاء المنطقة الحرة بالفعل

**brown-eyes** · 24-01-2009 06:48 PM

ربنا ينتقم من اللي قاعدين في مكاتبهم بيطلعو في قرارات ومش حاسسين بحاجة وربنا يكون في عون اهل بورسعيد

**Ahmed73** · 24-01-2009 07:03 PM

لا أجد ما أقوله سوى "اللهم عافنا واعفوا عنا"

**ahmedelzeeny** · 24-01-2009 07:24 PM

طبعا الكساد ميرضيش حد بس كلنا مصريين اما فى بورسعيد يركبوا عربيات ببلاش وفى بقيت البلد بأسعار طبعا انتو عارفينها دى مش كوسه ولا ايه لو هتقولو هتجيب خير ومكسب لمصر يبقى لكل المصريين والا هتبقى عملت زى الكويت

**mshamy** · 24-01-2009 07:32 PM

للأسف ناس كتير زي حضرتك واخدين فكرة العربيات اللي ببلاش من غير مايعرفوا الحقيقة المرة ...فرق الأسعار بيكون بالكتير 20 الف جنيه لأن الدولة متمثلة في الجهاز التنفيذي للمنطقة الحرة بيحصلوا رسوم منطقة حرة للسيارات عند ترخيصها بتوصل تقريبا من ثلث الى نصف قيمة جمرك السيارة

المشاركة الأصلية كتبت بواسطة ahmedelzeeny

طبعا الكساد ميرضيش حد بس كلنا مصريين اما فى بورسعيد يركبوا عربيات ببلاش وفى بقيت البلد بأسعار طبعا انتو عارفينها دى مش كوسه ولا ايه لو هتقولو هتجيب خير ومكسب لمصر يبقى لكل المصريين والا هتبقى عملت زى الكويت

**bee** · 24-01-2009 07:43 PM

المشاركة الأصلية كتبت بواسطة mshamy

للأسف ناس كتير زي حضرتك واخدين فكرة العربيات اللي ببلاش من غير مايعرفوا الحقيقة المرة ...فرق الأسعار بيكون بالكتير 20 الف جنيه لأن الدولة متمثلة في الجهاز التنفيذي للمنطقة الحرة بيحصلوا رسوم منطقة حرة للسيارات عند ترخيصها بتوصل تقريبا من ثلث الى نصف قيمة جمرك السيارة

تمام يا باشا
أضف إلى ذلك غتاتة القوانين
الفلوس الي بتدفع للدفتر كل سنة تجديد
وثلاث شهور فقط يسمح فيها بالقاء للسيارة خارج بورسعيد .. ولا يقودها الا مالكها او قريب من الدرجة الأولى ( معلومة صغيرة الاخ والاخت مش اقرباء درجة أولى في القانون العظييييييم المصري) يعني م الاخر الي يسوق عربية والده او والدته اوك عادي لو اتجوز لأ يسوق سيارة زوجته بس .. لكن الوالد والوالدة ممكن يسوقوا سيارة الابن او الابنة ..
طبعا ناس كتير هتقولي مين الي هيوقفك .. اقولهم لو وقعت في حملة واحدة مباحث اموال عامة العربية هتتسحب منك وهتدخل في موال ..

كل الي فات ده وبردو الناس نازلة قرررررررر
طب ليه اي حد من الي مش عاجبهم (الظلم) مشتكاش ان الناس هنا في بنك الاسكان بيعاملوا الناس كويس وبياخدوا اسعار كويسة ؟؟

عموما شكرا لكل مصري اضاف عبارات حقد للموضوع
واتمنى يبقى يسامح نفسه على حال البلد الي في النازل على طول (مصر ككل) .. حتى المنفس الوحيد خلاص اتسددددددددددددد ..
رايحة على فين يا بلد مقولة شهيرة للاخ كريم منير
احب اقول انها رايحة في داهيةةةةةةة :k26:

الموضوع: اليوم .. انتهاء استيراد السيارات بمنطقة بورسعيد الحرة

LinkBack

أدوات الموضوع

عرض

-

-

-

-

-

-

-

-

المواضيع المتشابهه

عاوز تاجر استيراد في بورسعيد

حادث بشع في الساعات الأولى من صباح اليوم بمنطقة الشاطبي بالإسكندرية بسبب جنون السرعة

عاوز حد بتاع استيراد فى بورسعيد

اسعار السيارات فى الاسواق الحرة

الكلمات الدلالية لهذا الموضوع

المفضلات

المفضلات

ضوابط المشاركة