اليوم .. انتهاء استيراد السيارات بمنطقة بورسعيد الحرة

**bee** · 25-01-2009 01:46 PM

المشاركة الأصلية كتبت بواسطة mshamy

طبعا وجهة نظر حضرتك ولازم نحترمها لكن أحب أوضحلك وجهة نظر الشعب اللي عايش داخل البلد..اللي هو معني بالموضوع من أوله لأخره.. نرجع بالزمن شوية و نشوف إيه السبب من إنشاء المنطقة الحرة ببورسعيد على أيام ارئيس السادات ...طبعا الكل يعلم ان القرار تم إتخاذه ل 3 أسباب رئيسية:
1- بداية عصر الإنفتاح على الرأسمالية
2- موقع بورسعيد الجغرافي المتميز
3- نوع من أنواع التعويض لالآف الشهداء الذين ماتوا دفعا عن أرض الوطن ضد الصهاينة و عشرات الألآف الذين دمرت بيوتهم و شردت أسرهم في الحروب "يعني زي إعادة إعمار" علشان كده كان في إرتفاع نسبي في مستوى المعيشة زي ماحضرتك قولت
وتدرجيا أصبح نظام إستيراد السلع الإستهلاكية هو السمة الأساسية للنشاط التجاري في بورسعيد وأصبحت بورسعيد زي "Shopping Mall" لكل الناس من مختلف المحافظات وهنا أحب أوضح نقطة هامة بخصوص الجمارك حيث أن كل ما كان يتم شراءة بكميات صغيرة للإستخدام الشخصي كان لا يتم دفع رسوم جمركية علية و زي ما حضرتك تفضلت و قلت طبعا كان فيه نسبة بضائه مهربة وهذا كان بداية ظهور شريحة جديدة من المجتمع الدخيل على بورسعيد "المهربين" ...بس الحقيقة ده مش ذنب البورسعيدية ولا من مصلحتهم أصلا إنه يحصل..
المهم إننا نلاحظ و نفهم إن المجتمع داخل بورسعيد تم إعادة إعماره و ولادته من جديد في ظل وجود قوانين الإنفتاح و المنطقة الحرة و من شب على شئ شاب عليه ..وعندما قامت الدولة من 18 سنة بالتحول الإقتصادي لم تكن بورسعيد على أجندة الأعمال للدولة على إعتبار هامشية العائد على الدخل القومي و إن قناة السويس شغالة الله ينور...كل ده وإحنا مش واخدين "خوانة" لحد ما حصل عند زيارة مبارك و الكلام الفارغ اللي قالوه من محاولة إغتيال و غيره و قالك يلا بينا نلغي المنطقة الحرة علشان نعلمهم الأدب و الحقيقة إنهم كان عايزين أي حجة وخلاص علشان يوقفوا الإستيراد بالعملة الصعبة..لو تفتكروا أياميها كان في مشكلة تعويم الجنية و عدم وجود عملة صعبة في البلد إلخ...و فعلا تم تقليص البطاقات الإستيرادية و حصصها تدريجيا و فقا لقرارات الحكومة ...لكن نرجع نقول إن في مجتمع بأكملة يعيش على نظام المنطقة الحرة و السلع الإستيرادية و لم يكن من الحكمة الشروع في إلغاء المنطقة الحرة دون وجود البديل لهذا الشعب أو المجتمع ...وفعلا زي ما الإخوة تفضلوا وقالوا بدأت تظهر في بورسعيد جرائم سرقات مستحدثة على الشارع البورسعيدي مثل السرقة بالإكراه و تحت تهديد السلاح....
سيدي الفاضل بورسعيد ليست دولة داخل دولة ...بورسعيد وشعبها ضحية أخرى لسوء تخطيط الإدارة "الحكومة" ...إحنا عمرنا ما كنا بنشوف نفسنا أعلى من بقية المحافظات و لا كنا بنتصرف على هذا الأساس ...أعتقد إن اللي بيحس بالشعور ده بيكون عنده عقدة نقص إحنا مش مسؤلين عنها.....
ممكن تكون المهلة الأخيرة "ال 3 سنوات" هي أخر فرصة للشعب المسكين علشان يحاول يوفق اوضاعة و يعتاد على النظام الجديد...أنا بس مستني أشوف كل الرجالة اللي عملوا يفط شكر للريس بعد قرار الثلاث سنوات حيعملوا إيه في 2012

وكمان يا استاذ محمد عايزين نشوف اتفاقية الجات (سلامات يا حج جات) الي هيبقوا يطبقوها عشان الناس الي فرحانه في بورسعيد تفرح عشان نشوف الصين تغرقها اكتر ما احنا غرقانين في الصيني ..
وعايزين نتفرج على العدالة الي هيتحقق لما تسحب ميزة مقيدة من بلد تمنح بلاحدود ... غاز طبيعي .. بترول .. ملاحةةةةةةةةةةةةةةةةةةةةة ة بأوسع مجالاتها .. مصانع دهانات كبيرة وأدوات كهربائية وثروة سمكية وغيره من الي بيدخل لمصر ملايين الملايين سنويا ..

بالمناسبة بورسعيد بلد فيها كل المقومات التي تجعلها (مستقلة) وعندها اكتفاء ذاتي بالكامل .. ومع ذلك طول عمر خير البلد دي مش ليها .. المهربين الي كانوا مستفيدين من المنطقة الحرة مين فيهم بورسعيدي .. حتى التجار الكبار كام واحد فيهم اساسا بورسعيدي ؟؟؟
والشباب الي بيتخرج كل سنة من كليات بورسعيد او بيتغرب في كلية بره بورسعيد ويرجع عشان يشتغل وميلاقيش شغل ليه ؟؟
عشان الي كان شغال في التجارة باظت والي كان معاه قرشين بعد ما اتخرج اشتغل في العربيات ظاطت منه واتسحب من تحته السجادة .. ومبقاش قدامه غير انه يشتغل مع اي شركة .. وهنا بقه حدث ولا حرج شركات الملاحة الي ماليه البلد والبنوك الي بتفتح هنا كل يوم وشرق التفريعة كمان اغلبية الي شغالين فيها مش بورسعيدية .. ومع ذلك الاف الحاقدين على البلد دي مش بيرتاحوا بردو ..
مش عارف الناس هترتاح امته لما البلد تتحرق ؟؟؟
وكللللللل ده عشان فرق 15 - 20 الف جنيه ده في العربيات الغالية نسبيا ..

حقيقي الواحد نفسه يحس بناس بتحب بلدها ..
مش غيره ملهاش اساس ..
تحياتي للحكومة الرشيدة .. الي حولت بورسعيد قال إيه بلد سياحي مجمع مطاعم ومجمع كافيهات وشوية هيبقى فيها مجمعات تانيه احنا مش قدها ..
ربنا يسترها

**شاهين - بنز** · 25-01-2009 04:02 PM

المشاركة الأصلية كتبت بواسطة waelwael

ينتهي اليوم العمل في استيراد وترخيص السيارات الجديدة داخل محافظة بورسعيد والتي ترد من الخارج برسم المنطقة الحرة./ قال اللواء مصطفي عبداللطيف محافظ بورسعيد إن القانون الخاص بمد العمل بنظام المنطقة الحرة ببورسعيد لمدة 3 سنوات ينتهي في 2012 القادم نص علي عدم السماح باستيراد وتداول السيارات الجديدة برسم المنطقة الحرة اعتباراً من 22 يناير 2009 وهو تاريخ انتهاء العمل بالمنطقة الحرة وفقاً لمهلة المد الأولي.. قال المحاسب عاطف العطوي مدير عام جهاز المنطقة الحرة إن اللائحة التنفيذية الخاصة بتطبيق قانون مد العمل بالمنطقة الحرة خلال أيام.

أحسن عشان ميبقاش حد أحسن من حد ويحيي العدل

**mo7a_mo7a** · 25-01-2009 05:36 PM

طبعا وجهة نظر حضرتك ولازم نحترمها لكن أحب أوضحلك وجهة نظر الشعب اللي عايش داخل البلد..اللي هو معني بالموضوع من أوله لأخره.. نرجع بالزمن شوية و نشوف إيه السبب من إنشاء المنطقة الحرة ببورسعيد على أيام ارئيس السادات ...طبعا الكل يعلم ان القرار تم إتخاذه ل 3 أسباب رئيسية:
1- بداية عصر الإنفتاح على الرأسمالية
2- موقع بورسعيد الجغرافي المتميز
3- نوع من أنواع التعويض لالآف الشهداء الذين ماتوا دفعا عن أرض الوطن ضد الصهاينة و عشرات الألآف الذين دمرت بيوتهم و شردت أسرهم في الحروب "يعني زي إعادة إعمار" علشان كده كان في إرتفاع نسبي في مستوى المعيشة زي ماحضرتك قولت

خالص شكري علي الرد المحترم والحوار الراقي
احب ان اوضح ان شهداء مصر ليسوا من بورسعيد فقط
من اسكندريو والقاهرة والريف والصعيد والنوبة والبادية وليست مدن القناه فقط
وان كانت الاكثر تضررا فان غيرها كثيرا ما تضرر قبلها كما تضررت الاسكندرية ايام الحرب العالمية

ثانيا عملية اعادة الاعمار التي ذكرتها سيادتك كان يمكن اتمامها باساليب اخري ولكن لا مجال هنا لمناقشتها وما تم ثبت بالدليل القاطع والبرهان الساطع فشله فشلا زريعا
فلا بورسعيد تحولت لمدينة صناعية ولا اعتمدت علي القيمة المضافة
وظلت حبيسة التجارة الوسيطة والسمسرة وعمليات التهريب
وبعد كل تلك السنوات الطوال لا تستطيع الاعتماد علي نفسها وخلق فرص عمل بعيدة عن المنطقة الحرة وتسهيلاتها

وتدرجيا أصبح نظام إستيراد السلع الإستهلاكية هو السمة الأساسية للنشاط التجاري في بورسعيد وأصبحت بورسعيد زي "Shopping Mall" لكل الناس من مختلف المحافظات وهنا أحب أوضح نقطة هامة بخصوص الجمارك حيث أن كل ما كان يتم شراءة بكميات صغيرة للإستخدام الشخصي كان لا يتم دفع رسوم جمركية علية و زي ما حضرتك تفضلت و قلت طبعا كان فيه نسبة بضائه مهربة وهذا كان بداية ظهور شريحة جديدة من المجتمع الدخيل على بورسعيد "المهربين" ...بس الحقيقة ده مش ذنب البورسعيدية ولا من مصلحتهم أصلا إنه يحصل..

اختلف معك تماما في وصف بورسعيدي وغير بورسعيدي فهي ليست جنسية كلنا مصرييون وان كنت تقصد البلد الاصلي فكما انتقلت عديد من العائلات لبورسعيد حصل العكس سواء اثناء التهجير او بعده من انتقال الاف الاسر الي محافظات اخري ولم يعودوا
فكلها ارض مصر
اما بالنسبة للتهريب فهي كانت تجرة منظمةومتفشية وبما انني اخاطب مواطن يقطن بورسعيد فانا في غني عن الاطالة في الشرح

المهم إننا نلاحظ و نفهم إن المجتمع داخل بورسعيد تم إعادة إعماره و ولادته من جديد في ظل وجود قوانين الإنفتاح و المنطقة الحرة و من شب على شئ شاب عليه ..وعندما قامت الدولة من 18 سنة بالتحول الإقتصادي لم تكن بورسعيد على أجندة الأعمال للدولة على إعتبار هامشية العائد على الدخل القومي و إن قناة السويس شغالة الله ينور...كل ده وإحنا مش واخدين "خوانة"

اعادة العمار فيالاساس تعني خدمات افضل بنية اساسية احسن فرص عمل اكثر ....... الخ
وهو ما لم يحدث
جل ما حصل زيادة دخل الفرد وكثرة عدد المليونيرات من التجارة الوسيطة
في الوقت الذي كان الكل يدرك ان هذا وضع مؤقت الا ان احدا لم يحاول التحرك والانتقال لمرحلة الاستثمار المباشر

لحد ما حصل عند زيارة مبارك و الكلام الفارغ اللي قالوه من محاولة إغتيال و غيره و قالك يلا بينا نلغي المنطقة الحرة علشان نعلمهم الأدب و الحقيقة إنهم كان عايزين أي حجة وخلاص علشان يوقفوا الإستيراد بالعملة الصعبة..لو تفتكروا أياميها كان في مشكلة تعويم الجنية و عدم وجود عملة صعبة في البلد إلخ...و فعلا تم تقليص البطاقات الإستيرادية و حصصها تدريجيا و فقا لقرارات الحكومة ...لكن نرجع نقول إن في مجتمع بأكملة يعيش على نظام المنطقة الحرة و السلع الإستيرادية و لم يكن من الحكمة الشروع في إلغاء المنطقة الحرة دون وجود البديل لهذا الشعب أو المجتمع ...وفعلا زي ما الإخوة تفضلوا وقالوا بدأت تظهر في بورسعيد جرائم سرقات مستحدثة على الشارع البورسعيدي مثل السرقة بالإكراه و تحت تهديد السلاح....

كل تلك الاسباب حقيقة لست مقتنع بها فلم تدث محاولة اغتيال اصلا اي جانب ان كل هذا وما تردد حوله محاولة للضغط علي السلطة السياسية فقط
ثم ان مسؤولية ايجاد البديل مسؤولية اهل بورسعيد قبل الدولة
فلا تنتظر الدولة ان تنشئ مصنعا وتشغله وتطلب منك القدوم لتملكه!!!
او ان تجد فرصة عمل لك
لكنها مسؤولة عن العملية التنظيمية والبنية الاساسية وخلافه

سيدي الفاضل بورسعيد ليست دولة داخل دولة ...بورسعيد وشعبها ضحية أخرى لسوء تخطيط الإدارة "الحكومة" ...إحنا عمرنا ما كنا بنشوف نفسنا أعلى من بقية المحافظات و لا كنا بنتصرف على هذا الأساس ...أعتقد إن اللي بيحس بالشعور ده بيكون عنده عقدة نقص إحنا مش مسؤلين عنها.....

انا لا اتمني لبورسعيد ان تكون دولة داخل دولة لكن هي هكذا بالفعل
فهي تحكم بقوانين اقتصادية خاصة بها ولها نظام تجاري خاص بها وقيمة العملة بها مختلفة واسعار السلع بها اقل ومستوي المعيشة فيها اعلي
وبناء عليه فهي دولة داخل الدولة
وان الاوان ان تنتقل الي السيادة المصرية

ممكن تكون المهلة الأخيرة "ال 3 سنوات" هي أخر فرصة للشعب المسكين علشان يحاول يوفق اوضاعة و يعتاد على النظام الجديد...أنا بس مستني أشوف كل الرجالة اللي عملوا يفط شكر للريس بعد قرار الثلاث سنوات حيعملوا إيه في 2012

رغم قصر تلك المدة نسبيا الا اننا كمصريين تعودنا الا نتحرك الا في اخر لحظة واظن ان عام 2005 حمل جرس انذار قوي للجميع الا ان احدا لم يتحرك
لم يصدق ايا كان داخل بورسعيد ان الحكومة جادة
ان الاوان للتحرك السريع
ولا يجب ان ننسي ان المهلة تنتهي بعد اقل من عام من انتخابات الرئاسة القادمة
وكل لبيب بالاشارة يفهم

**Samir Elshahawy** · 26-01-2009 10:29 PM

السلام عليكم و رحمة الله و بركاته ..

أسعد الله مسائكم جميعا ..

أخي الكريم الأستاذ/ موحا موحا ..

أحترم رأيك بشدة و أتفق معك في بعض النقاط

ثانيا بورسعيد في ظل قوانين المنطقة الحرة كانت دولة داخل الدولة (واقصد هنا الوضع المالي الاقتصادي) فسكانها يعيشون في مستوي معيشي اعلي نسبيا من سائر مدن الجمهورية نظرا لزيادة القوة الشرائية للجنيه المصري داخل بورسعيد عن خارجها بسبب انخفاض الاسعار.

و لماذا هي مرتفعة في باقي مصر و لماذا لاتنخفض مثل بورسعيد و ليس العكس ؟؟

بورسعيد وبكل تاكيد اضاعت علي البلاد عشرات المليارات حصيلة الجمارك نتيجة تهريب السلع منها
فبورسعيد مدينة كبيرة تنبض بالحياة وليست ميناء صغير يمكن السيطرة عليه.
وعمليات التهريب تلك التي شملت كافة انواع واصناف السلع اضرت بشكل بالغ التجارة الداخلية في مصر والتصنيع المحلي ذو الطاقة الانتاجية الصغيرة والمتوسطة لعدم قدرته علي مجاراه فرق السعر. وان لم تكن بورسعيد السبب الوحيد في ذلك لكنها احد تلك الاسباب.

أنت بنفسك قولتها ليست بورسعيد فقط من أضاع مليارات علي البلد فهناك رجال الاعمال الذين هربوا بالمليارات بعد أن نهبوا البنوك و منهم من أضاعها في ملذاته و غزواته العاطفية كما لاتنسي ماأضاعته حكومتنا ذات نفسها من أموال أصحاب المعاشات و التأمينات في مضاربات فاشلة بالبورصة , ثم أن من كان يقوم بعمليات التهريب تلك ليسوا من بورسعيد نفسها بل هم من قري و مدن مجاورة لها و رغم ذلك فهذا النوع من التهريب أوجد فرص عمل و أسواق في المحافظات المجاورة لسلع و منتجات ذات جودة عالية و بأسعار أقل من مثيلاتها منتجة محليا أو مستوردة من الصين و مع ذلك أود أن أقول لك أن تضيع المليارات علي الدولة أفضل لأن المستفيدين هنا هم الناس البسطاء بمحافظات أخري مجاورة فياسيدي نحن لا نستفيد بما ندفعه للحكومة من ضرائب و جمارك في شئ و الدليل تدني مستوي الخدمات في كل شئ

و أما قصة أن البضائع المهربة من بورسعيد قد قللت فرص المنتج المحلي من المنافسة فهذه هي حجة البليد الذي ظل و لسنوات ينتج سلعا رديئة بأسعار مبالغ فيها فماذا ستفعل هذه المنتجات أمام البضائع القادمة من أوروبا و الصين بعد تنفيذ أتفاقيات الجات ؟؟

الأخوة الأفاضل ..
كان من باب أولي من حكومتنا الرشيدة التي لاتخطئ أن تقوم من تجربة المنطقة الحرة ببورسعيد و تعالج مابها من أخطاء لتعم الفائدة مصر كلها و ليس أن تلغيها و ألا لماذا تقوم نفس الحكومة بتنفيذ مناطق حرة أخري في السخنة و الصعيد و القاهرة
كما أسمحوا لي أن أبدي أعتراضي الشديد علي وصف بورسعيد بأنها دولة داخل الدولة فهذا الكلام مرفوض في بلد مثل مصر فبورسعيد و باقي مدن القناة هم من تحمل عب و معاناة 3 حروب مريرة و قد كان لزاما من الدولة أن تعوض هذه المدن عما عانته من دمار و خراب و تهجير لسكانها لا أن تعاقبهم و تخفض من مستوي معيشتهم المرتفع

أذا كانت أهل بورسعيد يركبون تاكسي مكيف بجنيه أذن لنجعل مصر كلها منطقة حرة كي يسعد أهلها كما سعد أهل بورسعيد و لكن هذه الحكومة تتفنن في العكننة و النكد علي الناس و مصادرة كل مصادر اللذة و المتعة لديهم

أسف علي الاطالة و لكني عشت في بورسعيد مدة 5 سنوات هي فترة دراستي بها و كم تمتعت بجمال و هدوء و نظافة هذه المدينة التي تشبه الكثير من مدن أوروبا و كم تمنيت أن تكون كل المدن المصرية مثلها في النظافة و النظام لا أن تصبح بورسعيد هي المماثلة لبعض المدن المصرية التي تعمها الفوضي و القذارة أو هل ترضي بالقاهرة و زحامها و فوضاها و تلوثها

ياجماعة أتقوا الله في بورسعيد و شعبها ..... حرااااام
وحسبي الله و نعم الوكيل

**medo7610** · 27-01-2009 02:31 AM

وبالنسبه يا اخوانى اية موقف سيارات المعوقين من هذا القرار هل سيتوقف البيع ام سييستمر

**Adham** · 27-01-2009 03:18 PM

المشاركة الأصلية كتبت بواسطة mo7a_mo7a

ايوة كده يحيا العدل

بورسعيد دي كانت بلد جوة البلد
حاجة تغيظ

كده بداية لالغاء المنطقة الحرة نهائي
وده القرار اللي اتاخر 15 سنة

عدل اية بس

بورسعيد خربت مرتين
مرة في الحروب و التهجير و البلد اتدمرت في 56 و 67
وتاني مرة لما عملوها منطقة حرة

اللي يعرف فيكوا بورسعيد دي قبل 1975 كانت عاملة ازاي تصعب علية
كانت بلد حلوة و هادية و ناسها طيبين ورايقين

و للعلم معظم اللي عايشين فيها دلوقتي مش اهلها انما هليبة الانفتاح اللي نزحوا عليها للهنجرة و تقليب في كل شيء ان كان

**Adham** · 27-01-2009 03:20 PM

وفي مقولة اخرى ان بورسعيد خربت مرتين

يوم ما اتعملت منطقة حرة

و يوم ماقرروا يلغوا المنطقة الحرة

ههههههههههههههههه

**r0xer** · 27-01-2009 03:24 PM

اكتر حاجة تضحكك في الموضوع دا...إن الناس بتتكلم عن مدينة جوا مصر....وبيتعاملو معاها على انها جزء غير تابع ليها والمفروض يكونلها قوانين مخصوص....ال ايه لانهم اتضرروا من الحرب.! و كأن واجب الدفاع عن الوطن له تمن!

من أخطاء السادات -القليلة- هو انشاء المنطقة الحرة دي!

**Ahmed Samy** · 27-01-2009 04:02 PM

انا مستغرب من كلمة "يحيا العدل" .....

هو العدل لو في نظر الناس اني لو باكل عيش و أخويا بياكل كيك يبقى اتمنى انه يتفقر و ياكل عيش حاف زيي !!!؟؟؟؟؟

و أنا كده أنام مستريح بقى علشان بقينا في الهوا سوا ؟؟؟؟

الواحد كان بينزل بورسعيد الجميلة يتمشى في السوق و يهزر مع التجار و يشتري هدوم و شيكولاته من اللي كنا ما بنشوفهومش من الا من السفرية للسفرية
و تقعد في سونستا تتفرج على المراكب رايحة جاية قدامة من شباك الأوضه
و تنزل تتمشى في الطرح و كانت متعة بس تتفرج على العربيات و كنت بابقى مبسوط اني باشوف العربيات النظيفة دي راكبها مصريين و كان نفسي تبقى مصر كلها كده
مش اتمنى ان النعمة تزول !!!!!!

و اصحابي البورسعيدية اللي كل يوم واحد يجيب سيفيك ونفضل نستنى لحااد بالليل متأخر علشان نجربها ....

و دلوقتي بقى تشوفهم و شغلهم واقف و قرفانين و مش عارفين عربياتهم دي هاتتصادر و لا هايدفعوهم جماركها قسط و لا كاش و بأثر رجعى و لا هايسيبوهم و لا هايعملو فيهم ايه

الموضوع ولا هو اقتصاد ولا بطيخ

الموضوع ان الشعب البطل خد جايزة بطولته لسنوات
و بعدين الشعب ده "غلط" يبقى يتربى و يتأدب و تتقفل السكك في وشه
و تشتغل أوناش البلدية تكسر ارصفته وواجهات محلاته
و نقطع باب رزقه التجاري
مش علشان يرجع زي باقي مصر ...لأ
و أكتر

قلبي معاكي يا بورسعيد يا أحلى بلد و أجمل هوا و أجدع اصحاب