السلام عليكم
حد يعرف جنوط BBS منين وبكام؟
عرض للطباعة
السلام عليكم
حد يعرف جنوط BBS منين وبكام؟
غاليه جداااااا كنت شفت واحد مركب ٤ جنوط علي لاند و كانوا ب٣٠٠٠$
هى أكيد غالية وخاصة اللى تركب على لاند
بس انا عايز أعرف فين و أسعرها تتراوح بين كام وكام
m3rafsh feen pas if u want to buy it from the internet i can :mrgreen: :oops:
شكرا ياباشمهندساقتباس:
المشاركة الأصلية كتبت بواسطة 911 turbo
انا كنت بدور علي الجنوط اللي الاخ الفاضل قال عليها
لقيت الموقع ده
http://www.streetdreams.org/wheel_brands/BBS.php
حاجه هايله جدا يا تري الحاجات دي متوفره في مصر
الاخ الفاضل HNaga جنوط bbs موجوده فى مصر و ليها توكيل خاص بها و هو شركه لاكسسوارات و تعديلات السيارات فى مصر الجديده اسمها ( on off road ) زى ارابكوم اللى فى طريق النصر بس بصراحه مش متذكر العنوان قوى بس حاول تعمل سيرش على اسم الشركه فى مصر و هتلاقى العنوان
اااااه افتكرت يا باشا هيا ورا فندق البارون فى مصر الجديده :)
الف الف شكر ياباشا :)اقتباس:
المشاركة الأصلية كتبت بواسطة mada121977
Not behind but next to Baron hotel, they also sell very nice cars there :)
اقتباس:
المشاركة الأصلية كتبت بواسطة mada121977
شوف في محل في المعادي اسمه رشاد امباي عندوا جنط bbs الماني اصلي تحفه بجد ملوش حل بس تحب تسمع السعر ولا ممكن يحصلك حاجه
16000جم
وشكرا والوسطاء يمتنعون
مقاس الجنط كام ياأستاذى؟
I think BBS are mostly for BMW cars
انا كنت جايب طقم BBS الماني اصلي 15 بوصة شكل نجمة خماسية الومنيوم شكلة تحفة مستعمل استعمال خفيف بس زي الجديد من عند اشرف حماد اللي في المطرية شارع ترعه الجبل قدام محطة مترو الانفاق بالضبط ( مش من محلة التاني أشرفكو اللي في الحي السادس اللي في مدينة نصر- دة بيبيع فية جديد بس)
وكان الطقم دة ب 900 جنية على ما أذكر
رمضان قبل اللي فات
يعني من سنتين و شهر مثلا
يا جماعة م/مصطفي ، درش
و ناس كتير
بتحذر من التأثيرات السلبية لتغيير الجنوط علي عفشة العربية و كمان قابليتها للإنزلاق
أدام مش جنوط العربية الأصلية
ما مدي صحة هذا الكلام
اقتباس:
المشاركة الأصلية كتبت بواسطة Ahmed Anwer
بالنسبة للتأثير على عفشة العربية أيوة هو صحيح
في حالة لجنوط اذا كانت اكبر في المحيط (الداير الخارجي حوالين الكاوتش) من الاصلية او اذا كانت عريضة قوي او اذا كانت بارزة قوي لبرة
لكن اذا كان محيط الكاوتش من برة مقارب
و عرض الجنط اعرض شوية بسيطة
ومش بارز لبرة مايضرش
اما حكاية ان الجنوط السبور قابليتها للأنزلاق اكتر
دة بالعكس و مش صحيح
الجنط السبور اعرض و بالتالي الثبات احسن و معامل الاحتكاك اكبر حيث ان مساحة الكاوتش الملامس للأرض اكتر
و الكاوتش هو سبب الانزلاق لو كان ممسوح (نقشتة رايحة) او النقشة سيئة
لكن نقاش الكاوتش بتاع السرعات العالية اللي بيركب على جنوط 6 بوصة اكيد حايكون كاوتش محترم و نقشتة اكثر التصاقا بالارض و كمان قابليتة لشق المياة على الارض (يوجد بجة مجرى او اتنين بطول الكاوتش من النص لسحب المياة من تحت الكاوتش)
ما هو عشان مساحة الملامسة للأرض أكبر فبيبقي الإنزلاق أكبراقتباس:
الجنط السبور اعرض و بالتالي الثبات احسن و معامل الاحتكاك اكبر حيث ان مساحة الكاوتش الملامس للأرض اكتر
ده اللي فهمته
لا بالعكس
لما المساحه تكون اقل معامل التنزلاق يبقى اعلى
يعني ان الكاوتش الفريع بيزحلق العربية
لاحظ ان الكاوتش النسر الرفيع اكتر كاوتش بيزحلق
و ان عربيات الريسنج كلها(زي الفورميولا 1) بتبقى مركبة كاوتش عريض قوي و بتبقى ثابتة جدا
الجنوط بتكون مضرة على العفشة عشان أتقل لكن بالنسبة لجنوط BBS اللى المشاركة عليهااقتباس:
المشاركة الأصلية كتبت بواسطة Ahmed Anwer
دى جنوط قوية جدا و خفيفة جدا يعنى لو عربيتك 14 ممكن تركب BBS 16
والماركة دى بتتركب فى عربيات جادة جدا BMW و مرسيدس و أودى ووو
مشكلة الماركة دى ان أشكالها مش كتير وتعتبر غالية جدا بالمقارنة باسعار الجنوط الصينى والتايوانى
بس طبعا مافيش وجه مقارنة بين الجنط الألمانى و الجنط الصينى والتايوانى
ياراجل ده فيه واحد معرفة ركب جنط صينى - خد حفرة -الجنط إتكسر تخيل؟
إستاذ أشرف لو لقيت زيهم بلغنى من فضلك و ياريت تقول لنا تجربتك معاهم بعد سنتيناقتباس:
المشاركة الأصلية كتبت بواسطة Adham
+1اقتباس:
المشاركة الأصلية كتبت بواسطة HNaga
موافقك 100 %
بس العربيات زي البي ام و الأودي و المرسيدس و الدفع الخلفي عامة تركب فيها اي جنوط من غير ما تقلق
بس عربيات ضعيفة و على كبالن يبقى الاحسن ماتكبرش و ماتعرضش قوي في الجنط و لا الكاوتش
و فعلا ال BBS جنط متين جدا جدا و في نفس الوقت خفيف جدا جدا برضة
و دة السمه امميزة للماركة
كان الجنط ال15 عندي اخف بكتير من ال 13 الاصلي بتاع العربية
ثلاثة خطوط تحت الجملة دىاقتباس:
المشاركة الأصلية كتبت بواسطة Adham
يعنى جنط أعرض = إتزان
وأخف = سرعة أكتر
وأمتن
+1اقتباس:
المشاركة الأصلية كتبت بواسطة HNaga
وشكل أحلى كمان فوق البيعه :wink:
روح عند أشرف حماد في المطرية و شوف اللي عندة أو إسألة عليهم
هما جنوط فعلا ممتازين و ثبات العربية كان عالي قوي بيهم و تسارع جيد و مافيش اي مشكلة سنتين لغاية ماتباعت العربية من اقل من شهر
أدهم مش أشرف :wink:
أنا قصدي يا أ/ أدهم بالزحلقة مش الثبات في الملفات و علي السرعة العالية وكدهاقتباس:
لاحظ ان الكاوتش النسر الرفيع اكتر كاوتش بيزحلق
و ان عربيات الريسنج كلها(زي الفورميولا 1) بتبقى مركبة كاوتش عريض قوي و بتبقى ثابتة جدا
أنا قصدي الزحلقة في الأرض اللزجة و المبتلة و الحصي ،،، كده يعني
عشان كده اعتقد إن الجنوط الأعرض بتزحلق اكتر عشان ، اللزوجة أو البلل بيبقي تأثيرهم علي سطح أكبر
عموما المعلومة دي سمعتها من م/مصطفي درش ، شخصيا و هوا متخصص ضبط زوايا و ترصيص
الله أعلم
انا فاهم قصدك و الله يا أ/أحمد
بص
حاقولك مثال كويس قوي
عارف التزحلق عالجليد, اللي هوة بيبقى في صالات خاصة بالرياضة دي زي البالية اللي بيتعمل على الجليد برضة
طبعا مطلوب في الرياضة دي ان تكون الزحلقة اكبر ما يمكن
علشان كدة بلاقيهم لابسين احذية فيها من تحت سلاح عامل زي السكينة علشان يبقى معامل الاحتكاك اقل ما يمكن و معامل الانزلاق عالي جدا و يتزحلقوا بسهولة و بسرعه
صح؟؟ :wink:
و لا شك ان الاحتكاك بيزيد كلما زادت مساحة الاحتكاك او التلامس و بدون الدخول في معادلات رياضية فيزيقية, الاحتكاك يتناسب طرديا مع مساحة التلامس و الاحتكاك
و الكاوتش العريض اللي بتركبة في الجنوط السبور بيبقى معظمة فية المجرى اللي في النص لطرد المياة من تحت الكاوتش كمان علشان موضوع الزحلقة دة مايحصلش
فين فى المطرية ياعم أدهم ؟
لو مش عارف العنوان ممكن توصفلى من مصر الجديدة أمشى إزاى؟
أطلع كوبري الفنجري و انزل الحدايق يمين و لف شمال في شمال حوالين الميدان من تحت الكوبري و امشي مع مترو الانفاق لغاية هناك 10 دقايق بالكتيراقتباس:
المشاركة الأصلية كتبت بواسطة Adham
دى أشكال و اسعار البى بى إس
http://www.bbs-usa-appguide.com/publ...el_summary.cfm
اوكى يا
اخى
كان في طقم تقريبا كان مقاسه 20 عند رشاد امبابي كان بــــ 22 الف جم بس
علي كدة بقي ياجماعة ممكن إن شاء الله أركب علي البونتو بتاعتي جنط 16
ومن غير ما أغير العفشة اللي فيها ... صح كدة ولا لأ
الكلام دة لو فعلا يبقي 10/10
ياترى حد يعرف احسن مكان بيبيع جنوط مستعملة 16 ويكون مضمون
والاحسن اجيب مستعمل ولا جديد؟
مع العلم ان ساعات بشوف عربيات بتغير الجنوط كل سنة يعنى الجنوط المستعملة ممكن تكون بحالتها
لو عرفت قلى ؟؟؟؟؟؟؟؟؟؟؟؟؟؟؟؟؟
وانا لما اجيب جنط ب 22000 جم ابيت العربية ازاى فى الشارع ويجيلى نوم ازاى دة حيبقى عامل زى الصداع المزمن