معرض الاهرام تعباااان تعبااان جدااااا

**som3aa** · 22-01-2009 11:33 PM

السنة اللى فاتت كانت تعباااااااان وندمت انى روحت .. أكيد السنة دى أأقل كمان . معنهمش غير الكلاسيك فرحانين بيهم ...

دا بالمقارنة للسنة اللى فاتت بتاع السنة اللى فاتت يعتبر معرض باريس و لا دترويت !!!
دا المعرض المرة دى فاضى بمعنى فاضى!!!
هتلف فى قاعة العربيات فى تلات اربع دقايق!!!
مفيش شركات , اساسا لما تدخل القاعة اللى فيها العربيات هتشوف اخرها من على الباب , المعرض كان ممكن يعملوه فى شقة مفروشة ارخص من تاجير قاعة المؤتمرات!!!!!
مفيهوش غير عربيتين او تلاتة بالكتير اللى ممكن تروح تشوفهم !!!
بجد مش ممكن , لا و ايه توكيل شيفروليه قافلين الكروز!!!!
انا بنصحهم احسنلهم يبيعوا لب , لما هما قافلين عربية متكملش 150 الف جنيه (دا انا ببالغ اااوووىى , اخرها 120-130).
مش ممكن , معرض منغير عربيات!!!!

**kareem_Ashmawy** · 22-01-2009 11:59 PM

انا لسه جاى من هناك من ساعة
لفيته كله فى نص ساعة
اسوأ من السنة اللى فاتت بكتيييييييييييير
بس التذكرة كانت بعشرة جنيه ليه فى ناس بتقول بعشرين هما غيروها و لا ايه

**magyver** · 23-01-2009 02:12 AM

خيرها غيرها

**MoToRiZeR** · 23-01-2009 04:33 AM

بعيداَ عن موضوع إن المعرض فاضي و إن كان ممكن يتعمل في شقة مفروشة و إن مفيش أي حاجة بكل ما تحمله الكلمة من معني تستاهل إنك تروح عشانها نفسي اسأل سؤال .

الشركات اللي بتشترك في معارض و تقفل العربيات قدام الزائر، بتشترك في المعرض ليه !؟

انا إستفدت إيه اما شفتها مقفولة .. منا ممكن أتفرج عليها و هي راكنة في الشارع

لو خايفين عالعربية و شايفين إن الجمهور لسة معندوش ثقافة التعامل مع السيارات في المعرض خلاص متشتركوش في المعرض و خلاص !

**eng.octooo** · 23-01-2009 04:59 AM

هههههههههههههه دة محل خضار مش معرض

**menabigboss** · 23-01-2009 08:03 AM

المشاركة الأصلية كتبت بواسطة ezzatfox

لا متفرحش اوى انا كنت رايح بدعوة مجانية .. معقولة يا مان هنفعهم ب 20 جنية حتة واحدة خليهم يباتوا من غير عشا

التذكرة مكتوب عليها 20 جنية ولكن تباع ب 10 جنية فقط...........
والمعرض تعبان جدا ولا توجد فية عربيات سوي مرسيدس وسيات وشيفرولية واوبل وسوزوكي وفولكس فاجن وبيجو(نازلة بجناح سيء نظام مشي حالك).
لا وجود لهيونداي ولا هوندا ومتسوبيشي وتويوتا و سكودا و فيات وكثير غيرها مش موجود............
واسخف ناس بتوع البيجو اللي قافلين كل عربياتهم ماعدا البارس ......فعلا حاجة سخيفة جدا........ونازلين بكام عربية هم مقفولين

407،308،206،البارس فقط
واكثر ناس محترمين وفعلا بيسوقوا عربياتهم ويكلموك عليها هما بتوع سيات.....