السلام عليكم...
هل بيحتاج كتاوت ؟ واسعاره فى حدود اد ايه ؟ وهل فيه عيوب معينة الواحد ياخد باله منها لما ييجى يركبه ؟
والف شكر
عرض للطباعة
السلام عليكم...
هل بيحتاج كتاوت ؟ واسعاره فى حدود اد ايه ؟ وهل فيه عيوب معينة الواحد ياخد باله منها لما ييجى يركبه ؟
والف شكر
يظهر محدش خد باله من الموضوع .... :shock:
لأ هو مش محتاج كتاوت....أنا كنت ركبته من عند أدريان في جامعة الدول في حدود 200 جنيه...بس الكلام ده من 3-4 سنين....أكيد دلوقتي رخص عن كده..و الحمد لله مكنش فيه مشاكل...و علي فكرة...كنت مركبه في لانوس برضه :)
ركبته شهر 2 اللى فات ب 175 بالتركيب فى المقطم، أكيد التوفيقية أرخص
لو حبيت اركبه في الانسر ينفع ولا لأ ؟؟؟
بيتهيألى ينفع و على فكرة أحسن كتير من الأيريال العادى, على الأقل بتريح بالك
يا ترى إيه التعديلات اللى عملهتا فى العربية علشان تركب إيريال كهرباء (كتاوت - تعديل جزء من الضفيرة ......)يعنى هل مجرد تغيير الإيريال فقط و وتوصيل ال 12 فولت وللا فيه حاجات تانية؟ :roll:اقتباس:
علي فكرة...كنت مركبه في لانوس برضه
أكبر عيب فيه إنه لو إتكسر لازم تجيبه كامل و ده بيبقى غالى الأحسن البى ستينج بيريحك من وجع الدماغ أو النوع اللى بيركب على الزجاج الخلفى و تريح دماغك خالص و لا عيل فى إشارة يتنيهولك و لا كرتونة طايرة على الدائرى تكسرهولك ( حصلت معايا فعربيتى السابقة الفرنا 3 مرات ) و لا أى حاجة من دى خالص . :lol:
^^^^ امبريزا ستوك بتنزل بيه :mrgreen:
ودول شكلهم ايه واسعارهم ايه يا ابو عبده, الا انت هترجع من نيجريا امتى ان شاء الله؟
في واحد بيتلزق علي الزجاج الامامي او الخلفي من الداخل
اشارتة كويسة لو جوة البلد لو بتسافر كتير الاشارة ضعيفة شوية
الكهرباء كويس وافتكر كنا مركبين واحد لعربي زميلة في الشغل اللانوس الكاملة
وكان سعر الاصلي ب 250
جبنا واحد صيني واتركب ب 85 والكهربائي خد 10
ومفيهوش اي افتكسات
انا سمعت ان الناس يتشتكى منه مر الشكوى لان اشارته ضعيفة جدااقتباس:
في واحد بيتلزق علي الزجاج الامامي او الخلفي من الداخل
كنت مركبة في البيتلز من 4 سنين وكان معقول بس اول ماعدي العبور وانا رايح العاشر الاشارة تقطع
خليك في الكهرباء ابو 85 جنية
زي الفل صيني بس كويس
انا من رأي الاستاذ كريم لان واحد صحبي مركبه فى البيتلز ومبيشتكيش منه
هو ينفع يتركب فى أى عربية
الارايل كلها اللي موجودة في السوق صيني علي اختلاف انوعها الاريال الكهرباء بتركب في اي عربية المهم مكانه يسمح ولا لا بتحط معاه حاجة زي الكتاوت اسمها ريلله releh ده بيفتح ويقفل عند الاوردر وممكن يتووصل مع الكونتكت علطول او مع الكسيت بحيث يشتغل مع الباور بس
جميل جدا وعملي بس عمره مش طويل وفيه كل العيوب السابقة
اما الانواع التانية بتركب علي اي عربية سواء لصق او تركيب ودي اشارتها كويسة جداااااااااا ومشاكلها اقل :arrow: