الموضوع: اتحاد مالكي الفيات اونو

المشاركة الأصلية كتبت بواسطة el_hagrasy

بالنسبة لعلبة الدريكسيون انا معرفش التركى احسن ولا الايطالى بس انت ممكن تسال عند الكيلانى حاجتهم مضمونة
بالنسبة للمساعد لو بايظ هتلقية جايب زيت ممكن تنزل تحت العربية وتبص علية لو لقيتة ناشف يبقى احتمال 90% كويس
البطاحات دى بقى يا باشا عبارة عن حتة حديدة متركب عليها كاونش بتركب فوق المساعد الى قدام او الى ورا ودى الى بتخلية موجود فى النص وبتمسكة مكانة
انت ممكن تشوف الى قدام لو فتحت الكبوت هتلاقى فو العجل عند المساعد بالظبط حاجة كدة شكلها بيضاوى هى دى البطاحة الى قدام والى ورا موجودة بردة فى الشنطة فوق العجل وهتلاقيها اصغر من الى قدام

ااااااااااااااااااه طيب تسلم على الشرح يا رياسة

المشاركة الأصلية كتبت بواسطة ahmed_hamda

والنبى يا ابو حميد لمة تغير العفشة قولى الاسعار كام وشكرااا للاعضاء

حاضر اكيد من عنيا طبعا هاجى اقول الاسعار وكل حاجة

المشاركة الأصلية كتبت بواسطة ambitious

ياجماعة محدش رد عليا هي الأونو فيها علبة واحدة للشكمان ورا بس ولا ليها اثنين واحدة ورا والثانية في الأمام

على حد معلوماتى انها علبة واحدة
بس مش متاكد

المشاركة الأصلية كتبت بواسطة tahaza

يا جماعة انا يعز عليا فرقكو اوى معلش وللاسف انا بعت العربية الاونو بعد الحادثة وبعدين صلحتها وبعدين بعت بخسارة 4500 جينة بس مش مهم الامهم انى سليم وانا من هنا بودع كل الى معانا فى الرابطة والسلام عليكم ورحمة الله وبركاتة

فداك 100 عربية و ربنا يخلف عليك بأحسن 100 مرة ان شاء الله :) و ليه بتقول فراقكم منتا لسة معانا عادي

المشاركة الأصلية كتبت بواسطة el_hagrasy

سمسم باشا كنت عايز اسال هى الاونو :b4_048: ممكن سرعتها توصل لحد كام
لانى معايا موديل 99 الى هى انجيكشن وكنت يوم الجمعة جى من الاسكندرية وركبين فيها خمس اشخاص حاولت معاها كتير بس كان اخرها 130
وهل دة العادى بتاعها علشان كنا 5 اشخاص جواها ولا العربية عندى ماتورها تعبان
وكنت عايز اعرف بردة استهلااكها فى البنزين يعنى انا عملت على التفويلة بتاعتها الى هى 30 لتر 450 كم وياترى دة بردة كويس ولا لأ

انا جبت بيها 142 لوحدي و عالرابع و الصح ان ونتا محملها كده متديش خامس الا بعد 120 و يفضل طريق مستوي
و بالنسبة لأسباب عدم الجري اسطوانة الدبرياش و البوجيهات لو بقالها فترة متغيرتش و بخصوص البنزين معنديش فكرة بصراحة :)

المشاركة الأصلية كتبت بواسطة ambitious

ياجماعة انت كنت عايز اعرف انا غيرت الكاربراتير بالكامل والعربية دلوقتي مبقتش تقف معايا خالص والحمد لله بس للأسف العادم اللي خارج من الشكمان زيادة شوية ياتري ممكن يكون العيب من اييييييييييييييييييييييه
وشكرا

بالنسبة لل dondark حاول اكشف علي الكربراتير علشان هو فيه حساس اسمه البوابة هو اللي بيتحكم في ضخ البنزين ممكن يكون بايظ وهو اللي عاملك الكلام ده علشان كل الحاجات اللي بتقول عليها حصلتلي قبل كدة والحمد لله اتحلت

عادم اسود يبقي الحرق عندك عالي و عايز يتظبط

المشاركة الأصلية كتبت بواسطة elkabary

يا جماعة عندى مشكلة الموتور بيجيب زيت و غيرت جوان تكيهات مرتين و استعدلت الوش و باردو بتجيب زيت. اتا عايز حل نها~ى يا رايت يا جماعة ساعدونى

هو حضرتك بتزود الزيت اكتر من اللازم؟؟ و ترشيح جامد ولا خفيف خفيف

المشاركة الأصلية كتبت بواسطة ambitious

معلشي ياجماعة سؤال غريب شوية
هو الشكمان عندكم فيه علبة واحدة ولا فيه علبتين
ولو فيه علبتين يبقي العلبة التانية علشان تقليل الصوت ولا ايه
هو ممكن اعمل حاجة في الشكمان علشان ارفعة علي قد ما أقدر ولا لا
وشكرا

علبة واحدة ورا تحت الكنبة و هو مش بيترفع اكتر من كده
و انا مش بدخل علشان الثانوية و الأمتحانات ادعولي بقي :)

المشاركة الأصلية كتبت بواسطة semsem_uno

انا جبت بيها 142 لوحدي و عالرابع و الصح ان ونتا محملها كده متديش خامس الا بعد 120 و يفضل طريق مستوي
و بالنسبة لأسباب عدم الجري اسطوانة الدبرياش و البوجيهات لو بقالها فترة متغيرتش و بخصوص البنزين معنديش فكرة بصراحة :) :)

شكرا على ردك وربنا يوفئك فى الامتحانات
بالنسبة لاسطوانة الدبرياج ان مغيرها من 6 شهور
بس تقريبا طلعت مضروبة لان بعد شهر من تغييرها لاقيت العربية مبتسحبش غير ان البلية بطلع صوت اول ملمس بدال الدبرياج غير القرقرة على الاول وخصوصا لو العربية سخنة
انا عارف انى المفروض اغيرها بس قولت استنى عليها شويا
وبالمناسبة احسن نوع اجيبة ايه بالنسبة للطقم كامل

المشاركة الأصلية كتبت بواسطة ambitious

لسلام عليكم
ممكن اعرف ايه مميزات وعيوب الكربراتير العادي عن الأنجكشن
علشان انا عندي إنشكشن وبفكر اغير للكربراتير العادي

انا عربيتي فيات اونو موديل 90 وهي 1500 سي سي

عادي يا جماعة مستغربين ليه
عربيته fiat uno sx الكاملة هو الأونو 1000 بس ولا ايه
مميزات الأنجكشن توفير في البنزين و معمر و لكن الكربراتير اي حد من البهايم اللي هنا بيتعامل معاه و يصلحه
و بعدين حضرتك سوري يعني بتهرج ولا ايه ؟؟؟ ليه تغير لكربراتير لو حالته جيدة و اصلا مش هتلاقي حد يعمللك التعديل ده
استني بقي لما الموتور يتعب و ابقي بيعه و جيب ال1400 تمبرا مع اني بردو شايف انه ملوش لزمة لأنك ممكن تعدل الرشاشات لتمبرا 1600 او حاجة مهياش مشكلة لو ملقتش حاجة لل1500
و سيبك من فتي الصنايعية

المشاركة الأصلية كتبت بواسطة el_hagrasy

شكرا على ردك وربنا يوفئك فى الامتحانات
بالنسبة لاسطوانة الدبرياج ان مغيرها من 6 شهور
بس تقريبا طلعت مضروبة لان بعد شهر من تغييرها لاقيت العربية مبتسحبش غير ان البلية بطلع صوت اول ملمس بدال الدبرياج غير القرقرة على الاول وخصوصا لو العربية سخنة
انا عارف انى المفروض اغيرها بس قولت استنى عليها شويا
وبالمناسبة احسن نوع اجيبة ايه بالنسبة للطقم كامل

ربنا يخليك
و افضل نوع اللوك الألماني علي كلام عمرو باكلي اللي معانا هنا