الموضوع: اتحاد مالكي الفيات اونو

المشاركة الأصلية كتبت بواسطة zxcayman

البقاء لله يا عم nfs7
الله يرحم والدك و يغفر له ويتقبله ويعفو عنه و ينقه من الخطايا و الذنوب كما ينقي الثوب الابيض من الدنس و يغسله من الخطايا بالماء و الثلج و البرد....
اللهم يبدله دارا خيرا من داره و اهلا خيرا من اهله.
اللهم يدخله الجنه و يجره من غزب القبر و عزاب النار.
اللهم امين.

جزاك الله عنا كل خير

المشاركة الأصلية كتبت بواسطة zxcayman

الف شكر للاستاذ NFS7 والاستاذ culture على الزوق العالي و المعلومات القيمه........
بس يا عم culture انا مع احترامي مختلف معاك حاجه بسيطه انا مؤمن ان اصل العربيه يفرق مع الشغل و الاستعمال. و انت لما تيجي تشد عربيه ايطالي او الماني اكيد هتكون النتيجه احسن من العربيه اللي مش ايطالي.....

اما بالنسبه لك يا عمنا NFS7 انا فهمتك و اعزرني اصل معلوماتي كلها من النت و انت عارف النت ياما بتلم.
و انا بعد اذنك عندي شوية استفسارات وارجو التصحيح لو في حاجه بقولها غلط...
اولا انا نفسي اجيب اونو 1100 عشان انا مقلق اوي من الموتور ال 1000 ده.
انت ايه رايك ف الموتور ال 1000 هو يعني يستحمل و كويس ولا موتور هفق.؟؟؟؟
و ايه هي اهم مشاكله لو كان في مشاكل؟
ثانيا الانجكشن ده كويس ولا الهاف انجكشن احسن و ايه يعني اللي ممكن يحصللو ولا احسن اخليني ف الكاربيراتير و اهو اللي نعرفه احسن.؟؟؟
ثالثا ايه هي الطريقه اللي بيها اعرف ان العربيه دي كويسه يعني مفيش حاجه كده ف الاونو اول ما اشوفها كده اعرف ان العربيه دي 100 100؟؟
الله يبارك لكو يا رجالتنا و يخليكو لينا وانا اول ما اشتري اكيد هعرفكو...

بص ياباشا زي ماوضحتلك الاونو الي في مصر كلو 1000 وموتورها حلو جدا وزيو زي اي موتور مش بيتحمل الافترا عليه والموتور ده وحش مع التكييف داخل المدينة او في الزحمة غير ملوش اي عيوب
اما ال 1100 دي نادر جدا انك تلاقيها فابريكة غالبا بيكون موتورها متغير
ازاي تعرف بقى العربية الكويسة انا افيدك ازاي تعرف موتورها انك تحط صباعك في الشكمان وتجيب شوية من الرواسب الي فيه اذا حسيت انها مزيتة يبقى الموتور مفوت فيها نسبة زيت خفيفة يبقى الموتور بيشاور عقلو لو الرواسب جافة يبقى الموتور بعون الله هيكون حلو
اما البودي لازم سمكري يكشف عليها كويس وترفع في بنزينة عشان متتخمش لان الحاجات دي اللعب فيها كتير

المشاركة الأصلية كتبت بواسطة unoman

اخباركم شباب
الحمد لله اشتريت دونجل جديد ونضيف وكامل ماشاء الله ب400 جنيه
بس طلع عندى العجلة الى قدام شمال سابقة الى قدام يمين ب1 سنتى وعندى المقصات طلعت مستعدله ف هغير المقصات سالت عليها طلعت من 220 ل240 فى دمشق...
المهم دلوقتى انا عايز اوطى العربية شوية المفروض اعمل اية بقة هغير اية عشان توطى ولا هقص السوست الى عندى وراه وقدام لو فى سوست قدام ولا هعمل اية؟؟؟؟
مركب جنوط صحيح 13/60/165 تقريبا او 13/65/160 مش متذكر بالظبط..

وعندى حاجة تانية انه مثلا العربية لما تدور الصبح بيكون ال rpm على 4 شرطات يعنى قبل 1 ولما بمشى والعربية تبدء تسخن يبدء ال rpm يزيد لدرجة انه بيوصل ل7 شرطات او 8 ودا وانا مش دايس على البنزين..مش عارف دى بتحصل ليه واية السبب فيها مع انه العربية كانت مظبوطة وال rpmمش بيزيد عن 4 شرطات حتى وهى سخنه
اية السبب واية الحل؟؟

اعتقد ال 1 سم ده مش هيفرق كتير لان ال 1 ده هيجيب ميزان 0.5 سم حدفة وده شيئ لا يذكر وممكن تسيبها كده عادي
اما اسعار المقصات دي اعتقد انها غالية وشكلك جايبها من عند السجان
في في اول الشارع محل اسمو الشيخ علي اسال عندو اعتقد انها في حدود ال 140 بالكتير
اما موضوع التوطية فدي تركب سوست سبورت لكن القص هيتعبك اولا السوستة هتضعف غير انك لما تيجي ترفع العربية السوستة بنسبة 90% هتفلت من مكانها وهتقرفك على متضبطها مكانها تاني
موضوع ال rpm ده عادي وكده كمان واطي المفروض والهربية سخنه يوصل لي قبل ال 1 بشرطة

المشاركة الأصلية كتبت بواسطة unoman

اولا انا اسف جدا مقرتش الردود وربنا يرحم والدك ويغفر ذنوبة ويثبته عند السؤال
بجد بعتذر تانى بس مش شوفت الردود....

هو بالعين فى عجلة قريبة من الـ اكصدام والتانية كلها عادى ومش حاسس بفارق وانا سايق بس الاضمن كدا برضة ومجتش على المقصات لانه طلع مستعدل والبيض بتاعة بايظ خالص

المقصات انا مش جبتها لسة انا سالت فى 4 محلات يعنى اولاد سعيد بطرس والمحل الى بعد السجان ومحلين تانين وكلهم فى الرنج دا هسال عند الشيخ(غالبا دا الى خد وكيل رسمى لـ فيات هناك) واعرف السعر

وسوست الاسبور دى تعمل كام يعنى بما انى هشتغل فى العفشة يبقة بالمرة واشتريها منين ونوع اية كويس ولو هوطى هيكون كام سنتى على حسب مقاس الجنط الى كتبة؟؟؟؟؟؟

موضوع ال rpm غالبا انا وصلته لحضرتك غلط...هو وهى باردة بيكون قبل ال1 بشرطة او شرطتين ولما بتسخن بيكون بعد 1 بشرطتين او 3 كمان على عكس الاول كان ديما قبل ال1 بشرطة مش فوقها....
دى مشكلة زيت؟؟ومقاسة مظبوط وانا حاطط 5 اللاف ولسة 3اللاف تقريبا بس اغيرة مش فارقة
ولا كهربا ولا كربراتير ولا اية بالظبط لانى تعبت من الموضوع دا

فى يوم مشيت بالعربية وطريق سريع يعنى مؤشر الحرارة مقربش من النص اساسا وكان بعيد عن النص كمان وساعتها الrpm كان مظبوط وقبل ال1 بشرطة وكله تمام اول ما وقفت فى مكان وسبتها تسخن بدء يزيد عن ال1 بشرطتين والكلام دا.....

وسؤال اخير...هو الكربراتير بيتباع على بعضة ويعمله كام؟؟؟وهو عادى ولا كهربا؟؟ لان عندى الشفاط بيعلق غالبا الابواب فى بايظة يعنى اعرف السعر اية اخبارة؟؟؟

ياباشا ولا يهمك وربنا يرحمو
موضوع المقصات غير المقصات عادي واضبط زوايا لو جت في حدود ال 1 سم سيبها كده متعملش زرجينة ده قصدي
موضوع علو العربية ده غالبا بيكون الكربراتير عايز تنضيف وضبط وبالتحديد بيك السلانسية
والكربراتير ممكن يتجاب استيراد كامل بس معرفش سعرو كام بس انا افتكر ان حد كان اشتراه وقالي انو كان بي حدود 250 وحالة تعليق الباب دي في طقم اصلاح للكربراتير بيتباع اعتقد انو في حدود 75 مش فاكر والاسعار دي سعر الكربراتير العادي مش الكهرباء
السوست السبورت دي تتطلبها من محل في الحرفيين اسمو tps garag بيجبها بالطلب هيا في حدود 1300 ال 4 سوست نوعها apex حاجة كده دي بتوطي العربية تقريبا 3 لي 4 سم

المشاركة الأصلية كتبت بواسطة zxcayman

شكرا nsf7 ع الرد.
ان شاء الله لما اشتري هقول لك...

مبرك مقدما ياباشا وان شاء الله تشتري عربية نضيفة اسعار الاونو النضيف قوي ممكن توصل لي 28 لو موديل 93 او 94 لو مويلات اعلى 98 او اعلى ممكن النضيف بتاعها يعدي ال 30 وتوصل لي 36 كمان ومتسمعش كلام الناس ال بيقولو الاونو اخرها 25 لان غالبا ال 25 دي بتكون تعبانة

امبارح قولت اعمل بنصيحة حضرتك و اتصل بأوماترا و اسأل علي قطع الغيار و اسعارها كالاتي :
المساعدين الامامي الواحد ب 550 جنيه *2 = 1100 جنيه كان برة التوكيل ب 1300 جنيه
المساعدين الخلفي الواحد ب 500 جنيه *2 = 1000 جنيه كان برة التوكيل ب 500-600 الاثنين
بيضات الطرف الواحدة ب 220 جنيه *2 = 440 جنيه برة التوكيل كنت واخد بيضات الطرف و دراع الاسكاترا الاثنين ب 300 جنيه لما بسألهم علي سعر دراع الاسكاترا بيقولولي الاونو الفاير ملهاش دراع اسكاترا قولتلهم ازاي ده انا جايبه قبل كده قالولي لأ ملهاش دراع اسكاترا فمش عارف الصراحة الراجل اللي انا بروحله هو اللي غلطان ولا اوماترا هي اللي غلطانة !!!
طبعا من الاسعار من الواضح انهم ارخص في المساعد الامامي انما الباقي اغلي بكتير كمان
اللي انا عايز استشير حضرتك فيه بقي اخي و صديقي nfs7 قريت النهاردة في قسم فيات عن مساعدين مونرو للشاهين و الاعضاء بيشكروا فيها هل متوفر منهم للاونو ولا ملهاش و بيعملوا كام لو موجودين ؟!

المشاركة الأصلية كتبت بواسطة nouranwar

امبارح قولت اعمل بنصيحة حضرتك و اتصل بأوماترا و اسأل علي قطع الغيار و اسعارها كالاتي :
المساعدين الامامي الواحد ب 550 جنيه *2 = 1100 جنيه كان برة التوكيل ب 1300 جنيه
المساعدين الخلفي الواحد ب 500 جنيه *2 = 1000 جنيه كان برة التوكيل ب 500-600 الاثنين
بيضات الطرف الواحدة ب 220 جنيه *2 = 440 جنيه برة التوكيل كنت واخد بيضات الطرف و دراع الاسكاترا الاثنين ب 300 جنيه لما بسألهم علي سعر دراع الاسكاترا بيقولولي الاونو الفاير ملهاش دراع اسكاترا قولتلهم ازاي ده انا جايبه قبل كده قالولي لأ ملهاش دراع اسكاترا فمش عارف الصراحة الراجل اللي انا بروحله هو اللي غلطان ولا اوماترا هي اللي غلطانة !!!
طبعا من الاسعار من الواضح انهم ارخص في المساعد الامامي انما الباقي اغلي بكتير كمان
اللي انا عايز استشير حضرتك فيه بقي اخي و صديقي nfs7 قريت النهاردة في قسم فيات عن مساعدين مونرو للشاهين و الاعضاء بيشكروا فيها هل متوفر منهم للاونو ولا ملهاش و بيعملوا كام لو موجودين ؟!

اهلا ياباشاا
المساعدين المونرو دي انا نفسي مجربها وانضف من اي نوع تاني وموجدين للاونو بتاعتنا معرفش موديلك انت موجود ولا لا ولو اني اعتقد ان المساعدين الخلفي زي بعض بس مش متاكد
والاونو اصلا بينزل بمساعدين مونرو او مارللي
اما موضوع الذراعات والرجلين ده معرفش عنو حاجه انا اعرف انها اسمها بارات الاسكترا مش ذراعات

المشاركة الأصلية كتبت بواسطة unoman

ربنا يرحمه ويغفر له
تمام حاضر هعمل المقصات الاسبوع دا باذن الله
الكربراتير دا طلع عينى بجد بيتنضف كتير جدا وكل مرة المشاكل بتتكرر تانى
بس مش عارف الى عندى عادى ولا كهربا هى اونو 94 ياريت تبقى تقولى او تقولى اعرف ازاى وهنزل شلبى اسال على سعره...وطقم الاصلاح دا استيراد ولا جديد ؟؟؟
السوست لا كدا غالية بلاش توطية بقة خلينا كدا
تسلم على تعبك ربنا يكرمك يارب

الاونو ال 94 كربراتير عادي وبك سلانسية كهرباء بس بياخد كهرباء من الكونتاكتوغالبية المشاكل الي عندك بتكون من البيك ده
وطقم الاصلاح ده بيكون جديد مش مستعمل