اتحاد مالكي الفيات اونو

**TaoTao** · 04-10-2015 07:39 PM

اشترينا تابلوه استيراد بالعدادات ، ما شاء الله جميل وفابريكا والعداد مفكوك من العربية عامل 34 ألف كيلو ! درج التابلوه ليه غطا مش مكشوف زي اللي عندنا :)

التابلوه بالعدادات عامل 650 جنيه، طبعاً هاركبه من غير العدادات لأن عدادات عربيتي سليمة ومظبوطة بالشعرة والحمد لله.

**TaoTao** · 04-10-2015 08:00 PM

المشاركة الأصلية كتبت بواسطة Aymancabo

للاسف هو الماتور كان خفيف و انا عايز اجيب متور يتسقط علي الفتيس بتاعي علشان حاليا انا مش حمل مصاريف كتير ف ال1100 هيتسقط علي الفتيس بتاعي ولا هيحتاج تعديلا ويعمل كام حاليا وانا سمعت عن 1242 المتور الي هو 1300 ده ينفع عندي ولا مش هينفع وهل لو ينفع هيتسقط علي الفتيس بتاعي ويعمل كام بردو لو عندك خلفيه

اللي أعرفه (وده نقلاً عن مؤسس الرابطة Semsem Uno) إن موتور البونتو 1200 سي سي يركب عادب بدون تغيير في آلات الجر أو خلافه، بتشيل الأونو وتحط البونتو على طول.

**عمر غريب** · 18-10-2015 11:51 AM

ياجماعة بعد ازنكو
انا اشتريت اونو94 فيها فتحة سقف والمشكله ان فتحتة السقف متوفقة مش بتاعة العربية لو ممكن تدلونى على حد اروح اغيرها عنده وتتكلف كام

**TaoTao** · 28-10-2015 06:15 AM

المشاركة الأصلية كتبت بواسطة عمر غريب

ياجماعة بعد ازنكو
انا اشتريت اونو94 فيها فتحة سقف والمشكله ان فتحتة السقف متوفقة مش بتاعة العربية لو ممكن تدلونى على حد اروح اغيرها عنده وتتكلف كام

مادام مش فابريكة، يبقى أي حد من بتوع فتحات السقف يظبطهالك .. أظن في قسم الكماليات أو تظبيط السيارات هايفيدوك أكتر

**عمر غريب** · 28-10-2015 11:11 AM

اشكرك يا استاذ تامر
بس انا روحت لواحد اسمة البرى تحت كبرى التجنيد فى جشر السويس وقال لازم يغير فتحة السقف بالكامل وطبعا دى مش حلوة او انها تيجى استيراد ومش عارف القيها فين استيراد

**ahmadcrespo** · 29-10-2015 10:37 PM

المشاركة الأصلية كتبت بواسطة عمر غريب

اشكرك يا استاذ تامر
بس انا روحت لواحد اسمة البرى تحت كبرى التجنيد فى جشر السويس وقال لازم يغير فتحة السقف بالكامل وطبعا دى مش حلوة او انها تيجى استيراد ومش عارف القيها فين استيراد

استاذ عمر/
الاستيراد في 3 اماكن
الحرفيين اللي قبل السلام
الوكاله اللي علي الكورنيش
عزبة شلبي ... بس بلاش ديه عشان محلات اونو قليله واسعار اعلي من المكانين اللي فاتو
الاحسن والارخص بينهم هيا الحرفيين !!!

**عمر غريب** · 04-11-2015 11:34 AM

شكرا يا باشا

**لوللي** · 22-11-2015 01:36 PM

انا اشتريت اونو93 ومحتاجه الاتي
جوان
وش نظافه
تظبيط عفشه
السنتر بايظ
كل طبله بمفتاح شكل
الابواب والكبوت والشنطه عايزين يتريحوا ويتظبطوا
ياريت الساده الافاضل يفيدوني بالاهم ثم الاهم
واماكن قطع الغيار وميكانيكي وكهربائي كويسين بالاسكندرية لو امكن علشان دي اول ركوبة لي

**medo12877** · 13-12-2015 08:04 PM

المشاركة الأصلية كتبت بواسطة TaoTao

اشترينا تابلوه استيراد بالعدادات ، ما شاء الله جميل وفابريكا والعداد مفكوك من العربية عامل 34 ألف كيلو ! درج التابلوه ليه غطا مش مكشوف زي اللي عندنا :)

التابلوه بالعدادات عامل 650 جنيه، طبعاً هاركبه من غير العدادات لأن عدادات عربيتي سليمة ومظبوطة بالشعرة والحمد لله.

**ahmedshawkizak** · 24-12-2015 02:25 AM

كنت عاوز اسأل على مشكله عندى عربيتى فيات اونو ٩٧ انا غيرت ٣ موبينه وكلهم نفس المشكله تشتغل شويه وتقطع شويه وما تبقاش مخرجه الشراره وبعد كده تشتغل تانى لوحدها.. السؤال بقا هل مشط الاسبراتير لو هو اللى بيعلق ممكن يعمل كده ويخلى الموبينه ما تخرجش الشراره بتاعتها وشكرا على الرد مقدما.