الموضوع: محتاج خبرة ونصيحه كل ممتلك لسياره هيونداي i10

هاي يا جماعه انا حسام لو سمحتوا عايز اعرف كل ما يخص الهيونداي i10 وكام سلندر وعدد نقلات الفتيس اربعه ولا 5 ومميزاتها وعيوبها بالتفصيل بليز يا جماعه

الى كل مالكي السيارة I10 السلام عليكم سوف أبدأ بتجربتي مع السيارة وهي هاف أوبشن وعاملة حتى الآن 10 آلاف كيلو ومميزات السيارة حتى الآن:
1- عفشة جيدة وناعمة جداً في المطبات .
2- موتور ناعم ورغم انه 1100cc الا ان سحبه وتجميعه جيد .
3- صالون السيارة من الداخل لا يدل على حجم السيارة فهو يتسع لخمسة أشخاص بدون مشكلة والكراسي مريحة جداً والتابلوه أنيق .
4- ثبات جيد في السفر حتى 140 كيلو بدون مشاكل .
5- اضاءة قوية للكشافات الأمامية
أما بالنسبة للعيوب :
1- صغر حجم شنطة السيارة .
2- أنا عارف أن السيارة بتنزل بره بكاوتش 14 وليس 13 زي ماهي نازلة في مصر ومكتوب على قايم السيارة من ناحية السائق ان ممكن يكب 13 أو 14وأعتقد ان لو الكاوتش 14 يخلي الثبات افضل بكثير .
3- السماعات الموجودة بالسيارة ضعيفة وسيئة أضعف من خارج الكاسيت وعلشان كده بتبوظ بسرعة وبتعمل زنة مزعجة جداً وكذا واحد اشتكى من نفس الموضوع .
4- لايوجد طفاية سجائر بالعربية .
أرجو ان أكون قد أفدتكم وفي أنتظار مشاركتكم .
ملحوظة : لو غيرت الزيت في التوكيل تأكد من أن مقاس الزيت مضبوط علشان انا أكتشفت انهم كانوا بيحطوا الجركن كله تأكد ان مستوى الزيت لايكون أعلى من النقطة الثانية علشان ما يضرش الموتور .وشكراً
على فكرة يا باشا العبية 4 سلندر و 5 نقلات للفتيس غير المرشيدير وفي صفحة 2 يوجد دليل شامل لمالكي السيارة I10 ياريت تدخل معنا وتشاركنا . تحياتي