اعلان الحرب علي شركة المصرية ومعارضها في المحافظات

**أبوسيف** · 25-01-2009 09:17 PM

من فترة كنت عند واحد سمكرى علشان كان فى خبطة فى الإكصدام ، وانا واقف عنده لقيت عربية سبيرانزا بالورق بتاعها ومن غير نمر بس كانت مخبوطة خبطة جامدة فى الرفرف والقائم الشمال الأمامى!!! ، فسألت الراجل عليها ، قالى دى عملت حادثة وهما بينقلوها من المصنع للمعرض ، وقالى انه بتجيلوا حاجات من دى كتير ومن ماركات كتير ، قلتله يعنى العربية هاترجع المعرض وتتباع زيرو ، قالى اه هاتتباع زيرو. تخيلوا لما واحد يبقى شارى عربية زيرو وهى رشة دواخل!!!

علشان كدة بصراحة بنصح اى حد عاوز يشترى عربية يشترى من التوكيل او اى معرض سمعته كويسة حتى لو أغلى الف ولا أتنين.

**mo7a_mo7a** · 25-01-2009 09:32 PM

المشاركة الأصلية كتبت بواسطة أبوسيف

من فترة كنت عند واحد سمكرى علشان كان فى خبطة فى الإكصدام ، وانا واقف عنده لقيت عربية سبيرانزا بالورق بتاعها ومن غير نمر بس كانت مخبوطة خبطة جامدة فى الرفرف والقائم الشمال الأمامى!!! ، فسألت الراجل عليها ، قالى دى عملت حادثة وهما بينقلوها من المصنع للمعرض ، وقالى انه بتجيلوا حاجات من دى كتير ومن ماركات كتير ، قلتله يعنى العربية هاترجع المعرض وتتباع زيرو ، قالى اه هاتتباع زيرو. تخيلوا لما واحد يبقى شارى عربية زيرو وهى رشة دواخل!!!

علشان كدة بصراحة بنصح اى حد عاوز يشترى عربية يشترى من التوكيل او اى معرض سمعته كويسة حتى لو أغلى الف ولا أتنين.

المشكلة بتبقي في المعارض غير الامينة اللي بتنقل العربيات مشة علي الارض
ودي معظمها التجار الصغيرين اللي ملهمش عقود كبيرة مع الوكلاء
لذا يفضل الشراء من التوكيل او من الموزعين المحترمين

**جمال** · 26-01-2009 01:35 PM

انا شفت ده بنفسى فى مركز صيانة غبور بابى رواش
عربيات لسه بورقها ويتم عمل سمكرة و دهان لها داخل المركز ومش عربية او 2 لأ عربيات كتير

**ahmed el-sawy** · 26-01-2009 04:38 PM

اخى الكريم انا لما كتبت الموضوع ذكرت انى كنت اعمل فى المصرية من 12/3/2008 الى 12/5/2008 فرع المنصورة
واعتقد انك لو شوفت الموضوع هتلاقينى كاتب اسم السمكرى الى كنت بوديلوه العربيات وهوه عارف انها من المصرية لان المسئول فى المعرض هو الى بيرسلنى اليه
وانا مش هقولك انى مش مسئول بس انا مش كنت ببيع سيارات انا كنت مسئول عن الخزانة لمدة شهر وبعدين نزلت مسكت مدير الحركة اى بستلم العربيات وبسلمها للعميل واشرحلو كمالياتها
اما بخصوص ارقام شاسيه للاسف انا فعلا فكرت فيها بعد ماكنت مشيت من الشغل ومعدش ينفع اجيبها طبعا
وانا مش بفترى على حد ولو تحب هقولك اسم المدير محمود الديب وهو من شبين الكوم اساسا
واسم النائب بتاعه احمد النجار من المحلة
وهشام من المنصورة وهشام ده الى كان عارف السمكرى والسمكرى فى شارع مستشفى الصدر بالمنصورة اسموه احمد عزب
وانا عن نفسى وصلتلوه عربية تويوتا كورولا 2008 فاضيه حمرا كانت مخبوطه فى القايايم الى فوق الباب الى ورق السواق ورد الخبطه ورشها وهو فنان بصراحة وعلى فكره اخى الكريم العربيه كان فى واحد حجزه
ولما وصلت محدش شاف الخبطه
لكن الى مشترى شاف الخبطه ومرداش يخدها واخد جيتا كامله مكانه وهو شيخ
وربنا الى كرمه
وكان فى سبرانزا مخبوطه فى الباب والراجل استلمها بليل ومش انا الى سلمتوه الحمد الله
لما شاف الخبطه تانى يوم رجع زعق ومعملش حاجه
بعدها باسبع هشام ده اخد منه العربيه واجب وخلانى اوديها لاحمد عزب ده صلحتها ب 300 جنيه
ده الى كان على ايدى
وكان مبعودلنا هيونداى ماتريكس بيضاء ضالع عينها كل حاجه بايظه
والكابوت متخربا نوؤر وكانت مرميه جانب المعرض بس معرفش بالامانه عكلوه فيها ايه
والمعرض فى شارع سعد زغلول بالمنصورة بعد اامن دولة
وبعدين اخى انا مش مستفاد حاجة انى اكذب واتهم المصرية
انا بنصح انته متقبل نصيحتى على عينى وعلى راسى مش متقبله براحتك
مش انا الى هخسر
انا الحمد الله

**ahmed el-sawy** · 26-01-2009 04:52 PM

المشاركة الأصلية كتبت بواسطة مدحت منيب

حتى ولو كانت احسن شركة بيع سيارات فى القطر ..

فهى احدى شركات " سيتى بنك "

الامريكى تماما ..........

و شكرا

اخى الكريم احب اوضحلك نشات الشركة
اولا الشركة لصاحبها احمد ريان
وهو كان محاسب فى بنك مصر
وترك العمل فى البنك وشارك اخوه سمير ريان صاحب معارض سمير اوتو
هما الاخين فتحو معرض اجهزة كهربائية فى ابو قير بمصر
الى هو دلوقتى معرض للمصرية
وعجبه التجارة
وبداو بشراء سيارات مستعمله والتجاره فيها بدايه جيده
والحمد الله نجحه فى العمل
ثم انشا احمد ريان شركة المصرية
وللاسف حدث مشادة مع اخوه سمير
فتركه اخوه وعمل معرض خاص بيه
اما بخصوص حوار سيتى بنك
فاهم حاجة فى المصرية البيع بالقسط
ياعنى كانو بيعلمو البائعين ان اهم حاجة تبيع قسط لو العميل عاوز كاش لا اقنعه بالقسط ومقابل ايه
انا البائع فى العربية القسط هياخد 140 جنيه عموله لكن العربيه الكاش هياخد 50 جنيه
وطبعا الاولويه لسيتى بنك ياليه باركليز
وطبعا كل الناس على علم ان هدايا البنك لصاحب المعرض بتكون مبالغ جامده لو حقق اعلى مبيعات

**mo7a_mo7a** · 26-01-2009 05:17 PM

المشاركة الأصلية كتبت بواسطة Khalid_Mostafa

طب متوقع الدليل يكون عامل إزاي ؟؟؟ مهو صعب ان واحد بيقول روايه زي دي انه يجبلك دليل ..لأن طبيعي ان الي بيعمل حاجه زي كده بيكون حريص علي تحويطها بالسريه زي اي غش تجاري و لكن تعال هنا نشغل المنطق...
متقنعنيش ان مفيش عربيات بتتجرح و هي بتتنقل (ولكن لا تصل إلي حد إصابات في قوائم السياره..لأن دي محتاجه حادثه عشان تتصاب) ..اكيد بيحصل ده و كمان بيحصل نفس الكلام بره في الدول التانيه بالمناسبه و مش معقول الراجل حيرجعها عشان خربوش ..ولكن المتبع و المفروض هنا انه يبين العيب ده حتي لو تم معالجته و يخفض السعر بقيمه مناسبه وهو ده المفروض مش انه يبيعها علي انها خاليه من العيوب ..و لإمانه فأنا اعرف معارض بتعمل كده و تلصق عليها الورق الأبيض بتاع الفابريكه تاني .ولا اعتقد ان القصص دي بيثتثني منها التوكيل و المعارض الكبيره.

يا سيدي الفاضل دا اللي بينقل كرسي ولا كومودينو بيتجرح اش حال دي عربية

مش الفكرة في التجريح فقط القصة ان العربية لازم تنقل محمولة دا اولا ثانيا انا معاط طبعا ان المعرض لازم يكشف عن عيوب السيارة قبل بيعها وده من صميم الدين والامانة في العمل
لكن انا ضد القصص المختلقة والانتقامية المرسلة بلا اي دليل
لما واحد يجي يقولك انا حصل معايا كذا في عربيتي ممكن اصدقه طبعا لانها تجربة شخصية لكن بص علي التعليق ده مثلا والمقتبس من راس موضوع نصا

المشاركة الأصلية كتبت بواسطة mohamed ibiza

انعدم الضمير و انعدمت الاخلاق و النزاهة والصدق في التعاملات التجارية...كل هذة الصفات اجتمعت معا في معرض المصرية (مدينة نصر-كورنيش المعادي)

الغش التجاري هو اقل ما يمكن ان يقال عن المصرية و سياراتها المعروضة للعملاء الراغبين في اقتناء سيارة( زيرووووووووو) و السيارة الزيرو يعني عربية مفهاش الهوا اما عربيات المصرية فهي تحمل الكثيييييييييييييير من الهوا

1-بيجو 407
2-جيتا صيني
3-سيات كوردوبا
4-فيات البيا
5-فيات بونتو
6-نيسان صني
7-دايهاتسو سيريون
8-سيتروين بيكاسو
العربيات دي كلها يا اخواننا موجودة و معروضة للبيع جوا معرض المصرية كورنيش المعادي و كان في في معرض مدينة نصر كمان هقولكم بقي فضيحة المصرية اللي بتبيع عربيات المفروض انها زيرو و بتضحك علي الناس

طبعا الكلامده مرسل وبدون دليل وغير مقبول ليس دفاعا عن المعرض وانما رفضا للمبدا

**mo7a_mo7a** · 26-01-2009 05:19 PM

المشاركة الأصلية كتبت بواسطة جمال

انا شفت ده بنفسى فى مركز صيانة غبور بابى رواش
عربيات لسه بورقها ويتم عمل سمكرة و دهان لها داخل المركز ومش عربية او 2 لأ عربيات كتير

العربيات دي بتبقي جاية من المصنع مخبوطة او فيها خدوش او عيوب صناعة وسمكرةاو من الموزعين المعتمدين بعد اكتشاف العيوب

**mo7a_mo7a** · 26-01-2009 05:24 PM

المشاركة الأصلية كتبت بواسطة karimone

ما هو مش هاينفع يجبلك دليل للموضوع ده
انما الشئ الاكيد ان ده بيحصل في عربيات كتير انا اعرف واحد صاحب معرض كانت جياله عربيه موديل 2008 صاحبها عايز يبعها و طبعاً صاحبها بيؤكد انها فبريكه بس صاحب المعرض لما كشف عليها لقي فيها بويه في الرفرف مع ان صاحب العربيه كان بيحلف انه ما رشيش فيها اي حاجه
بس صاحب المعرض قالوا انا مصدقك بس برده مصدق عيني اللي انا شايف بيها قالوا ممكن تكون انت واخدها من المعرض مرشوشه

و هو ده الاحتمال الاكيد

احنا كده متفقين علي فكرة
انت لما تحكي قصة شخصية شئ ولما تجيب لستة فيها 8 ماركات شئ تاني بدون دليل
طب ليه مثلا مفيش عربيتين من ماركة واحدة ولا هو تخويف وخلاص؟
والكلام ده بيحصل في كتير من المعارض مش المصرية بس
الي جانب ان كتير من الموزعين بتوصلهم العربيات معيوبة اومخدوشة من الجمرك او من المصنع وطبيعي ان عربيات الاستيراد حتتصلح مش حيعيدوا تصديرها علشان خبطة
لكن حكاية خبطة في القايم والكبوت والشبكة مش داخلة دماغي دي معناها ان العربية عاملة حادثة
وحتة ان العربية الزيرو راشة دواخل دي كمان سايبها للمنطق يحكم عليها
ولو حصلت حتبقي نوادر ومتوزعة علي التجار مش كل المصايب تصب في شركة واحدة
ولا ايه

-

الموضوع: اعلان الحرب علي شركة المصرية ومعارضها في المحافظات

LinkBack

أدوات الموضوع

عرض

-

-

-

-

-

-

-

المواضيع المتشابهه

اعلان شركة الامل عن bydفى جريدة الاهرام اليوم الجمعة

شركة المصرية بتحرق اسعار ميتسوبيشى ؟؟؟؟؟؟؟؟؟؟؟؟؟

اعلان شركة تامين بتامن عربيات الستات بس (بصراحة معاهم حق )

هل اعلان المصرية للسيارات ده صحيح ؟؟؟

اعلان شركة زجاج مصفح ..... يــغـــــيــــــــظ فعلاً

الكلمات الدلالية لهذا الموضوع

المفضلات

المفضلات

ضوابط المشاركة