ضغط الهواء السليم بالاطارات

**Masaaz** · 23-01-2009 11:15 AM

ياريت حد يدلنا على ضغط الهواء السليم بالاطارات ، انا كنت زمان شفت كاتلوج عند ميشلان فيه نوع العربية ومقاس الضغط للعجل الامامى والخلفى ، لو حد عنده كتالوج ذى كده ياريت يرفعه وله جزيل الشكر .
كلنا بنظبط 30 فى الشتاء و 28 فى الصيف بس عايزين طريقة علمية نحسب بيها او كتالوج .

**samirayad** · 23-01-2009 01:23 PM

المشاركة الأصلية كتبت بواسطة Masaaz

ياريت حد يدلنا على ضغط الهواء السليم بالاطارات ، انا كنت زمان شفت كاتلوج عند ميشلان فيه نوع العربية ومقاس الضغط للعجل الامامى والخلفى ، لو حد عنده كتالوج ذى كده ياريت يرفعه وله جزيل الشكر .
كلنا بنظبط 30 فى الشتاء و 28 فى الصيف بس عايزين طريقة علمية نحسب بيها او كتالوج .

ضغط هواء الاطارات بيكون مكتوب على أحد قوائم الأبواب للسيارة عند فتح الباب وخصوصا باب السائق......والمفروض أننا نلتزم بتعليمات مصنع السيارة مش مصنع الكاوتش(لأن الموضوع مرتبط بالوزن اللى حيتم تحميله على الكاوتش...ألا وهو السيارة)......واحد حيقولى أفترض التعليمات مش موجودة أو الاستيكر...مش موجود وأنا شارى العربية كسر زيرو أومستعمله ومفيهاش البيان دة.....ايه الحل....الحل ان الواحد يشوف عربية جديدة نفس طراز عربيته ويسأل صاحبها عن قيمة الضغط

**akramlail** · 24-01-2009 06:50 AM

طب حضرتك تعرف لانوس 1 الضغط قد اية

**samirayad** · 24-01-2009 07:15 AM

المشاركة الأصلية كتبت بواسطة akramlail

طب حضرتك تعرف لانوس 1 الضغط قد اية

الصح30 ولكن فيه ناس بتظبط على32 ....وصراحه مش المهم كدة المهم انك تخلى بالك من بتاع الكاوتش لأن فيه تدريجين للوحدات فى نفس العداد واحد بالرطل/بوصه...وواحد بالبار.....المفروض الالتزام بوحدة الرطل/بوصة

**zeyad1810** · 24-01-2009 08:36 PM

المشاركة الأصلية كتبت بواسطة Masaaz

ياريت حد يدلنا على ضغط الهواء السليم بالاطارات ، انا كنت زمان شفت كاتلوج عند ميشلان فيه نوع العربية ومقاس الضغط للعجل الامامى والخلفى ، لو حد عنده كتالوج ذى كده ياريت يرفعه وله جزيل الشكر .
كلنا بنظبط 30 فى الشتاء و 28 فى الصيف بس عايزين طريقة علمية نحسب بيها او كتالوج .

هو دة الى هتلاقى معظم الناس ماشية علية

**alyyassin** · 24-01-2009 08:45 PM

عندى في كتالوج العربية مكتوب ...
الأمامى 210كيلو باسكال
الخلفى 190 كيلو باسكال
الاستبن 420 كيلو باسكال

وحدة البسكال دى تبقى كام بالظبط؟؟؟؟؟ .... لأنى ناوى اجيب الجهاز الي بيقيس الهوا بتاع العجل

**samirayad** · 24-01-2009 09:18 PM

المشاركة الأصلية كتبت بواسطة alyyassin

عندى في كتالوج العربية مكتوب ...
الأمامى 210كيلو باسكال
الخلفى 190 كيلو باسكال
الاستبن 420 كيلو باسكال

وحدة البسكال دى تبقى كام بالظبط؟؟؟؟؟ .... لأنى ناوى اجيب الجهاز الي بيقيس الهوا بتاع العجل

البار 100000 باسكال.....وبالتالى الأمامى عندك حيكون 1و2 بار والخلف9و1والأستبن 2و4 بار(بس كده الأستبن حيبقى عالى أوى)

**A.Saad** · 24-01-2009 11:39 PM

يا ريت ملاحظة اقصى ضغط اللى بتبقى موجودة على الاطار نفسه

**samirayad** · 24-01-2009 11:45 PM

ياعنى عارف يا أستاذ/ أحمد أنا شاكك فى قيمة الضغط بتاع الاستبن اللى قال عليه الأخ/alyyassin اللى كان عاوز التحويله من الباسكال للبار

المشاركة الأصلية كتبت بواسطة asaadte

يا ريت ملاحظة اقصى ضغط اللى بتبقى موجودة على الاطار نفسه

أقصى ضغط موجود على الاطار ده بيحدده صانع الاطار من خلال عمليات التجارب اللى ممكن يتحمل عندها الاطار هذا الضغط.......لأن الاطار بعدها ممكن ينفجر(دا الكلام ده وهو جديد فما بالك لو تم استعماله أو به عيب صناعه)......والمفروض ماخليش الضغط يصل اليه نهائيا ويجب ترك مساحة أمان كبيره......