السلام عليكم جميعا
هل جوان الايديل مهم بمعنى ان هو لو مش موجود ممكن يخلى العربية تعلى وتوطى لوحدها ارجو الرد سريعا:k30:
عرض للطباعة
السلام عليكم جميعا
هل جوان الايديل مهم بمعنى ان هو لو مش موجود ممكن يخلى العربية تعلى وتوطى لوحدها ارجو الرد سريعا:k30:
هو اللي انا فاهمه انه في ايدل كونترولر..
مش عارف بقي حوار الجوان ده ايه..
ممكن يكون الجوان اللي بيركب عليه الكونترولر ده ولا حاجة..؟؟!!!
مش عارف..
بس الايدل هو اللي بيظبط العربية وهي علي السلانسية..
هو لو عملت كده هيبقي وهي علي السلانسية.. مش وانت ماشي..
يعني مجرد ما تمور الفتيس تلاقيها عملت كده..
هل ده اللي بيحصل معاك..؟؟
أيوه مهم.. أنا لسا كنت مركب واحد.. اشتريه من التوكيل ب 15 جنيه و ركبه بره..
الأول أنا فرحان بالمنتدى دة علشان موضوع العصابه ده ودايما تكونوا عصابة خير...........نرجع بقى للسؤال.....طبعا يا أخى عدم وجود جوان الidle controler يؤدى الى حدوث تسريب هواء للداخل أثناء الدواره والتسخين وبالتالى يؤدى الى حدوث خلل فى نسبه الهواء للوقود.......على أساس أن وحدة التحكم حتخلى الرشاشات تضخ بنزين فقط بنسبة تلائم الاشارة اللى أمرت بيها هى برضه بلف الأيدل ....وفى الحالة دى نتيجة تسرب هواء للداخل نتيجة عدم وجود الجوان..........وطبعا الخلل ده مش معمول حسابة بواسطة وحدة التحكم.....النتيجة أن الهواء حيكون أكبر من المقرر والخليط حيبقى فقير....وأكيد حيحصل تذبذب فى سرعة السلانسيه
يا هندسة مش مجاملة والله..
بجد انت بتقدملنا نموذج عن المساعده و العون لوجه الله تعالي..
ربنا يباركلك و يزيدك من علمه..
الله يبارك فيك ياريس......أصل أنا والله بحب المشاكل الفنيه دى وبحب أقول رأيى لعل وعسى أكون صائب فى الرأى......وطبعا برضة بحب أعاصر المشاكل للاستفادة والافادة ان أمكن..........وياريت لو كل المنتديات للأنواع المختلفة للسيارات تتزاور.....لأن الهدف هو الصقل الفنى للأعضاء جميعا بلا استثناء......ويارب الواحد يكون ضيف خفيف عليكم.........وبالفعل كان عندى أوبل كاربورتير قبل العربيه الحاليه وشوفت فيها اللى ماينشاف......بس الأوبل وحش(بفتح الواو علشان ماأتفهمش غلط) بمعنى الكلمة ومتانة لأن الألمان بطبيعتهم هم أم الميكانيكا والمتانه......بس مش قد كدة قى صناعة الكاوتش ....مالهمش غير فى الحديد ياريس.....ودة عن تجربه