الفرق بين موتور بولو 97& بولو 99

**a_aboelseoud** · 23-01-2009 06:33 PM

الى خبراء البولو نفسى اعرف ايه الفرق بين البولو 97 و البولو 99و خصوصا من ناحية تكنولوجيا الموتور لانى خايف ال1000cc يطلع ضعيف على العربية خصوصا مع التكييف-و نفسى اعرف كمان هى ضيقة من ورا و لا واسعه؟
ارجو الرد لانى ناوى اشترى واحده قريب جدا و لكم جزيل الشكر

**mohd79** · 24-01-2009 03:34 PM

البولو 1997: موتور 1300 mono point injection قوة 55 حصان - 4 سليندر
البولو 1999: موتور 1000 سي سي Multi point injection قوة 50 حصان - 4 سليندر مصنوع بالكامل من الألمونيوم (تكنولوجيا حديثه)

وانتا سايق متحسش ان العربية 1000 سي سي والعربية بتجري كمان أنا بجييب بالـ 2001 (نفس الموتور) 160. بس وانتا مشغل التكييف سحب العربية بيقل جامد وتسارع العربية بيقل.

العربية مش واسعة من ورا هي بتاخد ورا 2 مستريح وكمان الشنطة بتاعتها صغيره مش كويسه لو انت عندك عائلة ومسافر.

لو عايز تجيبها العربية بتستحمل كويس والعفشة بتاعتها بتستحمل والثبات بتاعها ممتاز بس حاول تجيبها حالتها كويسة علشان قطع غيارها مش رخيصة ويكون التكييف بتاعها فابريكه مش راكب وممكن تعرفها لان العربية الفابريكة تكييف فيها باور كمان.

**original** · 27-01-2009 01:50 AM

99 أخف وأحسن طبعا

**umoussa** · 28-01-2009 12:47 AM

بص يافندم أنا حقولك نصيحة كويسة.

طالما كدا كدا حتشتري قديم يبقى تشتري أجدد القديم

وطالما بتفكر بين 97 و 99 يبقى معلش بقى هات 2001 علشان دي حاجتها متوفرة اكتر وكمان حتكون مش منهكة زي العربيات التانية.

على فكرة موتور 2001 ممكن يجيب فعلاً 160 بس دا بيجيب أجل المحرك بسرعة علشان الموتور ده ضعيف مش قوي

الموتور 1000 مم مكعب وحروفه ALD وفتيسه حروفه ESY وأقصى قدرة للمحرك بتطلع عند 5000 لفة/الدقيقة وطبعاً حتى انت لو راكب لوحدك عمر العربية محتجيب 160 على 5000 لفة حضرتك أكير بتقرص عليها اكتر من كده وده بيخليك تخش مرحلة الـ Break Down جوه الموتور بسرعة. أقصى سرعة للعربية دي حسب توصيات المصنع لا تتعدى 140 كم/س وعلى فكرة الموتور ده في السوق زي الهروين يعني لاقدر الله لو ضرب حتلاقي نفسك لابس 6000 - 7000 جنية في بلوكة ووش سلندر بس. نصيحة متوصلش العربية للمرحلة دي.

**umoussa** · 28-01-2009 12:59 AM

نقطة تانية:

بالنسبة لموتور البولو 97 وإلي حروفه AER ودا الموجود في مصر وسعته 1000 مم مكعب دا بدأ في البولو من 97 لحد 2000 يعني الموتور بتاع البولو 97 الي سعته 1000 هو هو موتور البولو 99 الي سعته 1000

وشوف الصورة دي عشان تتأكد من جوا السيستم بتاع فولكس والصورة دي مواصفات المحرك

وأي خدمة يا سيدي

**a_aboelseoud** · 01-02-2009 12:26 AM

الساده :
-mohd79
-original
-Umoussa
بجد مش عارف اشكركم ازاى على المعلومات القيمة دى و اخص بالشكر طبعا Umoussa باشا لدقة المعلومات و تفاصيلها زى ما اكون رحت التوكيل بالضبط
و تانى مرة اشكركم و اسف انى اتاخرت فى كتابة الرسالة دى.
و كل عام و انتم بخير

**umoussa** · 02-02-2009 04:14 PM

لا شكر على واجب يافندم

المعلومات دي من بيانات فولكس أنا مش جايبها من بير السلم
دا السوفت وير الخاص بفولكس ولو عايز تعرف كل مسمار في العربية بيتفك إزاي بس انت تقشر

**Ahmad Shawky** · 02-02-2009 10:53 PM

يريت تقولولى يا جماعه البولو 2009 هاتش حلوه وله برضو مش بتسحب كويس لانها 1.4 يريت تقولولى رايكم فيها لانى مش عندى حد راكبعا علشن اسألو

**Ahmad Shawky** · 02-02-2009 10:56 PM

ومفيش اى موضوع هنا مخصص للعربيه البولو

**umoussa** · 03-02-2009 01:46 AM

يا سيد أحمد شوقي، انت سألت ومحدش رد؟

كلنا آذان صاغية

الموضوع: الفرق بين موتور بولو 97& بولو 99

LinkBack

أدوات الموضوع

عرض

-

-

-

-

المواضيع المتشابهه

اشتري بولو 2001 ولا بولو 2003 عيون

أفضل موتور بولو

استشاره في موتور بولو

سؤال عن تسقيط موتور بولو 2001

موتور بولو 1000 cc

الكلمات الدلالية لهذا الموضوع

المفضلات

المفضلات

ضوابط المشاركة