الموضوع: للاسف معرفتش اساند حملة خليها تصدي ...واشتريت عربية نيو ماتريكس

شكرا لردودكم يا شباب

المشاركة الأصلية كتبت بواسطة theking2690

الف مبروك يا باشا على العربيه و يا رب تبقى وش السعد عليكو نيجى للنصائح بقى:
1-ابعد عن الدفندرات تماما لأنك لما تحطها هتتوقف فى اى لجنه وكل مره هتدفع 50 جنيه على الفاضى انا دفعت عليهم 200 جنيه و شلتهم و خلصت
2-بالنسبه للمتور اعمله بالهوا فى اى بنزينه وخلاص
3-الاكسسورات بتاعت الماتريكس مش كتيره هى كبيرها طقم النواكل بتاعها و مش بيليق على كل الالوان
4-فعلا الماتريكس تنكها 55 لتر بس المبه بتنور بعد 45 لتر
5-بالنسبه للحته بتاعة غطا الاستبن انا مش فاهم قصدك قد كده بس لو قصدك عالحته السوده اللى هى تعتبر ارضية الشنطه هى مش بتتثبت فى حاجه هى بتبات فى مكنها وخلاص
6-المخدع ممكن تعمله عموله عند الراجل اللى انت هتعمل عنده الفرش مش هتلاقى منه جاهز


مبروك تانى على العربيه يا باشا واحنا كده بقينا زى بعض بالظبط سيفكاويه وماتريكساويه ولو عاوز اى استفسار تانى انا تحت امرك

شكرا لردك يا باشا ..انا بتكلم علي الحوض نفسه الللي بيتحط فيه الاستبن لونه مختف

موضوع الديفيندر دا مهم لوالدتي ضروري علشان حماية ليها

وعرفت حد بيقولي حاجة نفسي حد يفهمهالي
بيقولي لو جبتلي فاتورة بالديفيندر مسجلة ضريبة مبيعات
هسجلهالك في المرور فا شكلي كده ناويها

وفعلا موضوع السيفيك والماتريكس فيه بينهم علاقة بس مش عارف ايه هيا :)

المشاركة الأصلية كتبت بواسطة bassam nagy

الف مبروك وربنا يباركللك فيها
الاكسسورات بتاعتها زى ماقال مصطفى النواكل والديفندار والستاير بتاعت الشنطة والهوايات والبابين الخلفيين الستاير موجودة فى محل اوبشن والديفندار عند ناس كتيير المرور بيعترض عليهم
واكتر محل ممكن تلاقى فية اكسسوراتها
على رضا فى مدينة نصر

شكرا يا فندم ...ممكن أعرف فين علي رضا بالظبط..علشان أوبشن دا بالنسبة لي البر الغربي :)))

المشاركة الأصلية كتبت بواسطة Sharky

الف مبروك يا هشام و ربنا يبارك لكم فيها

وحشني والله يا أحمد

المشاركة الأصلية كتبت بواسطة bassam nagy

العنوان بتاعة
10 شارع اسماعيل القبانى متقاطع مع شارع الطيران
رقم التليفون 24020414

الراجل دا جامد جدا...وعنده حاجات مشقتهاش في حته تانية بس غالية شويتين

*بارك الله لك فيها ووقاك من شرور الطريق
* أعتقد أن برك لوالدتك أكبر ثواباً من المشاركة في أي حملة أي كان هدفها
* بالنسبة للديفندر أنا عن نفسي صرفت عنة نظر ؛ وهناك مداخلة للمهندس / عاطف عبدالسميع قد تساعدك علي صرف النظر عن الديفندر .... برجاء مراجعة الرابط التالي
http://www.nilemotors.net/Nile/showt...=14777&page=51
وهذا نص المداخلة

المشاركة الأصلية كتبت بواسطة Hyundai-CRM

شوف الماتريكس ليس بها قواعد لتركيب هذه الأكسسوارات .. و بصراحة الناس بيركبوهه في أية فتحات و خلاص ... و اللي بيحصل .. أنها مع المشي العادي بتحل من أماكنها و بتسبب أصوات كتيرة .. علاوة علي أنك لو ريحت بالخطأ علي رصيف بتوسع أخرام المسامير و بتبهدل الدنيا ... و لو خبطة كبيرة و حصلت بالفعل ... أحيانا بتعدي الخوص بتاعتها من مكانها و تخش بالماكينة و ضيعت لأحد العملاء الماكينة بتاعته بسبب خبطة تافهة بالرصيف ... لا يوجد قواعد لتركيب أية (ديفندرز) بالماتريكس .. ببساطة شوف بعينك تحت العربية ... لو لقيت قواعد تقدر تركب عليها ... ركب
.... لحساباتك .... كلفة تغيير الأكصدامات أو تصليحها ... أقل بكتير من الأضرار اللي بتسببها هذه الأكسسوارات ...مع وافر تحياتي

******
* بالنسبة للمخدع ما فيش أي حاجة جاهزة ف السوق نفعت تركب عندي ؛ اسهل حل تروح لواحد سروجي يعملك مخدع أسفنج من نوعية جيدة وعالية الكثافةبالأرتفاع اللي أنت عاوزة وبنفس المقاييس التي تفصل بين الكرسيين الأماميين ويتم كسوتها بالجلد طبقاً لنفس ألوان الفرش .
* نصيحة هامة وعن تجربة حاول ما تجريش بالعربية وما تزودش عن 90 كم ساعاة طول فترة التليين
* وعلي فكرة بعد ال 10000 كم الأولي ستشعر بقيمة تلك السيارة وقدراتها الكاملة فحاول أنك ما تقرصشي عليها في الأول

الف مبرووووووووك بس بردة
خلوها تصدي وموديلها يعدي