نظام تقسيط ابوغالى الجديد....Lease to Own...محير جدا..ساعدونى

السلام عليكم ايها الأعزاء....:Y_hi_3[1]:

احتاج مشورتكم و رأيكم السديد بصدد نظام جديد للتقسيط على حد علمى لاول مرة يطبق فى مصر...

كل الحكاية ان واحد صاحبى من ملاك السوبارو امبريزا استقبلSMS من ابوغالى موتورز-وكيل السوبارو- عن نظام جديد للتقسيط هو التملك بالايجار او Lease to Own..و اعذرونى لو الترجمة مش دقيقة...

بعد الاستفسار...النظام يتلخص فى ان العميل يأجر السيارة اللى عايزها زيرو من الوكيل...بالنسبة للامبريزا الايجار بتاع High Line حوالى 4000 فى الشهر ده غير 10% ضريبة...و حد الكيلومترات فى الشهر 3000 كم...و طبعا السيارة هتكون باسم الوكيل و العميل يكون معاه ورقة حيازة فقط...و الوكيل متحمل اى صيانة ليها و مأمن عليها ضد الحوادث...ما هى عربيته...
تبعا للتعاقد مدة الأيجار ممكن تكون سنة او 2 او 3..و فى نهاية الفترة من حق العميل دفع باقى تمن السيارة بعد خصم ما دفع فى الأيجار و يتملكها نهائيا...او يسبها للوكيل..زى اى عربية متأجرة!!
يعنى اكنه تقسيط بدون فوائد او مقدم!!!
يعنى بالنسبة للسوبارو...لو فترة الأيجار 3 سنين يبقى العميل هيدفع فى نهايتها 6000 و تبقى العربية بتاعته لان العربية 150000و الايجار هيكون غطى 144000

كل المعلومات دى انا عرفتها بالتليفون من الرقم اللى كان فى الاعلان..لما روحت اتاكد من ابوغالى اللى فى روكسى..ملقتش اى حد مبيعات هناك عارف النظام ده لدرجة انى تخيلت الموضوع كله نصب...لحد لما واحد منهم طلب منى التليفون اللى كان فى الاعلان..و كلمه و اكدلى بعد كده ان الراجل ده مدير مبيعات فى ابو غالى و انى مقلقش!!!

طيب كل ده جميل جدا.....ليه انا محتار؟؟؟؟ و عايز مساعدتكم؟؟ علشان الاتى:
- ليه ابو غالى ماغرقش الدنيا اعلانات على النظام ده؟؟؟ متهيألى كان هينجح اوى؟؟؟؟ ليه الموضوع مجرد رسالة لملاك السوبارو فقط؟؟؟
- اى مشكلة كبيرة (دمار شامل..حريق..سرقة) هتحصل للعربية خلال فترة الأيجار التأمين هيعوض مالكها اللى هوا ابوغالى...و يضيع على العميل كل اللى دفعه باعتباره ايجار...
- فى نهاية فترة الايجار...هل يوجد اى مانع ان السيارة تبقى باسم العميل؟؟؟ او هل هيكون فى اى مصاريف مفاجأة لتحقيق هذا؟؟زى الجمارك او الضرايب؟؟؟

طبعا واضح ان دى مرونة من ابوغالى..او ممكن نقول محاولة لتنشيط سوق الامبريزا 2009 لانها حتى الأن غير قادرة على منافسة السيفيك...بس انا شاكك الموضوع فى حاجة...:N_no[1]:

ارجو منكم النصيحة...او لو اى صاحب خبرة ممكن يأكد او ينفى اى نقطة من اللى ذكرتهم...

و جزاكم الله كل خير.......و شكرا

ده اسمه تاجير تمويلى هوة منتشر فى مصر بس الشركات اللى بتعمله يعنى ابو غالى حاول يوفره للافرادفى حوالى 300 شركة فى مصر نشاطها تاجير تمويلى وله قانون مخصوص اهم حاجة تقييم العربية بعد مدة الايجار يعنى السعر هل ثابت من الاول ولا هيقولك ان سعرها دلوقتى عالى وتدفع فرق اكبر

شكرا جدا لردك السريع........

انت قصد حضرتك ان فى حد تانى بيعمل النظام ده للأفراد غير ابو غالى؟؟؟ مين؟؟؟ و هل بيطبق عليها القانون ده؟؟؟

و زى ما انا فهمت مفيش تقييم لسعر العربية فى نهاية الأيجار..سعرها ثابت من اول التعاقد اللى هوه السعر الكاش دلوقتى...

طيب بالنسبة للنقاط المذكورة...ليا حق اقلق منها؟؟؟

يا جماعة مقولتوليش....ايه رأيكم؟؟؟؟

اقتباس:

---

المشاركة الأصلية كتبت بواسطة badry

يا جماعة مقولتوليش....ايه رأيكم؟؟؟؟

---

بضم صوتي الي صوتك لمعرفة هذا الموضوع

انا مش مرتاح
الكلام ده وراه حاجة
وساعة العقود حتلاقي كلام جديد
وساعة التسجيل النهائي حتلاقي حجات تانية اكيد

اصبر وخليها تصدي
اول الغيث قطرة

أنا سمعت إن النظام ده منتشر أكتر في دول الخليج
لكن هو جديد علينا هنا في مصر , وماسمعناش عنه إلا بعد الأزمة الأخيرة

اقتباس:

---

المشاركة الأصلية كتبت بواسطة mo7a_mo7a

انا مش مرتاح
الكلام ده وراه حاجة
وساعة العقود حتلاقي كلام جديد
وساعة التسجيل النهائي حتلاقي حجات تانية اكيد

اصبر وخليها تصدي
اول الغيث قطرة

---

كلام صحيح مع حضرتك تماما
+111111111111111111

المفروض النظام ده معمول عشان يخف علي المستهلك تمن العربية . بس المفروض أنك بتوفر من خمس إلى تلت تمنها . مش 6000 جنيه . يعني تكون موفرلك على الاقل 30000 في سوبارو .

لأن في ناس بتحب تركب الموديل الجديد ديماً و ممعهش كاش . فبدل ما يشتري و يوجع دماغه في بيع يعمل كدة . التوكيل ياخد العربية في الاخر ويبعها . يكسب فيها لأن استعملها نضيف و serviced في التوكيل و دي شغلتهم البيع وأكيد هيكسبو .

لكن إيه 6000 جنيه . ألا إذا حسبت التوفير في الفوايد .وكدة غالباً هوه دة تقسيط بدون فوايد (بس مش عايز يقول كدة عشان ميحسسنش أنه بسبب الحملة والصدى ). لكن دة مش بيع تأجيري .

اقتباس:

---

المشاركة الأصلية كتبت بواسطة mo7a_mo7a

انا مش مرتاح
الكلام ده وراه حاجة
وساعة العقود حتلاقي كلام جديد
وساعة التسجيل النهائي حتلاقي حجات تانية اكيد

اصبر وخليها تصدي
اول الغيث قطرة

---

و الله انا حاسس نفس احساسك ده يا استاذ محمد (او محيى)...
و متشكر على ردك و بتعجبنى ارائك جدا....

انت فى Buder Born??
اصل انا واحد صاحبى اوى هناك و بشبه عليك اكون شفتك قبل كده

اقتباس:

---

المشاركة الأصلية كتبت بواسطة Anxs111

المفروض النظام ده معمول عشان يخف علي المستهلك تمن العربية . بس المفروض أنك بتوفر من خمس إلى تلت تمنها . مش 6000 جنيه . يعني تكون موفرلك على الاقل 30000 في سوبارو .

لأن في ناس بتحب تركب الموديل الجديد ديماً و ممعهش كاش . فبدل ما يشتري و يوجع دماغه في بيع يعمل كدة . التوكيل ياخد العربية في الاخر ويبعها . يكسب فيها لأن استعملها نضيف و serviced في التوكيل و دي شغلتهم البيع وأكيد هيكسبو .

لكن إيه 6000 جنيه . ألا إذا حسبت التوفير في الفوايد .وكدة غالباً هوه دة تقسيط بدون فوايد (بس مش عايز يقول كدة عشان ميحسسنش أنه بسبب الحملة والصدى ). لكن دة مش بيع تأجيري .

---

لا يا باشا
ده بيع تاجيرى
لان المستأجر من حقه فى نهاية المدة
يمتلك العربية او يجدد العقد
المدفوع فى الايجار يعتبر من تمنها

لو تقسيط عادى يبقى اكيد من حقه انه يمتلك العربية بعد مدة التقسيط

انا مش مرتاح
الكلام ده وراه حاجة

المهم تقرا العقد ويا ريت تجيب نسخة الاول وترفعها على المنتدى

اقتباس:

---

المشاركة الأصلية كتبت بواسطة mo7a_mo7a

انا مش مرتاح
الكلام ده وراه حاجة
وساعة العقود حتلاقي كلام جديد
وساعة التسجيل النهائي حتلاقي حجات تانية اكيد

اصبر وخليها تصدي
اول الغيث قطرة

---

عين العقل يا باشا
أصبر وكله جاي
كله هاييجي بدهره . بس الصبر

النظام المذكور شبيه بنظام التأجير التمويلى وده اتعرف بالمادة 1 من القانون 95 لسنة 1995 المعدل بالقانون رقم 16 لسنة 2001 فى شأن التأجير التمويلى "كل عقار أو منقول مادى أو معنوى يكون موضوعا لعقد تأجير تمويلى متى كان لازما لمباشرة نشاط إنتاجى سلعى أو نشاط خدمى للمستأجر وفقا للقواعد التى يصدر بها قرار من الوزير المختص" ونظام التأجير التمويلى له شرطان :-
1- إذا كانت شروط العقد تعطى للمستأجر الحق فى شراء موضوع الإيجار بالمبلغ وفى الوقت أو التاريخ المتفق عليه بالعقد.
2- إذا كانت مدة العقد تساوى على الأقل 75% من العمر الافتراضى لموضوع الإيجار. أو القيمة الحالية لإجمالى القيمة التعاقدية يساوى على الأقل 90% من قيمة موضوع الإيجار.
وفى هذه الحالة هل شراء سيارة للاستخدام الشخصى ينطبق عليها هذا القانون أم لا لأنه مذكور فى التعريف "نشاط إنتاجى أو خدمى"
وفى حالة الانطباق فإن القانون يعطى الحق للمستأجر فى نهاية مدة الإيجار فى :-
1- امتلاك الأصل المؤجر بالقيمة المذكورة بالعقد.
2- رد الأصل المؤجر للمستأجر
3- تجديد فترة الاستئجار بشروط وعقد جديدين.

+1000000000
تمام كده
و كانت ولا زالت معارض السيارات بتستخدمه لمخاطبة الشركات و المؤسسات اللتي ترغب في تقديم سيارات لموظفيها مثل شركات الأدوية و شركات السياحة و شركات تأجير السيارات.....فمن الواضح إنهم بدأوا في مخاطبة الأفراد "عايزين يعملوا أي حاجة علشان الزبون يدفع"

اقتباس:

---

المشاركة الأصلية كتبت بواسطة Ahmed73

النظام المذكور شبيه بنظام التأجير التمويلى وده اتعرف بالمادة 1 من القانون 95 لسنة 1995 المعدل بالقانون رقم 16 لسنة 2001 فى شأن التأجير التمويلى "كل عقار أو منقول مادى أو معنوى يكون موضوعا لعقد تأجير تمويلى متى كان لازما لمباشرة نشاط إنتاجى سلعى أو نشاط خدمى للمستأجر وفقا للقواعد التى يصدر بها قرار من الوزير المختص" ونظام التأجير التمويلى له شرطان :-
1- إذا كانت شروط العقد تعطى للمستأجر الحق فى شراء موضوع الإيجار بالمبلغ وفى الوقت أو التاريخ المتفق عليه بالعقد.
2- إذا كانت مدة العقد تساوى على الأقل 75% من العمر الافتراضى لموضوع الإيجار. أو القيمة الحالية لإجمالى القيمة التعاقدية يساوى على الأقل 90% من قيمة موضوع الإيجار.
وفى هذه الحالة هل شراء سيارة للاستخدام الشخصى ينطبق عليها هذا القانون أم لا لأنه مذكور فى التعريف "نشاط إنتاجى أو خدمى"
وفى حالة الانطباق فإن القانون يعطى الحق للمستأجر فى نهاية مدة الإيجار فى :-
1- امتلاك الأصل المؤجر بالقيمة المذكورة بالعقد.
2- رد الأصل المؤجر للمستأجر
3- تجديد فترة الاستئجار بشروط وعقد جديدين.

---

النظام ده منتشر فى الخليج ممكن تعمل بحث على النت عليه

هوه النظام ده شغال و لا كان عرض و خلص و لا ايه ؟
طيب نسخة العقد اللي كانت هتترفع هنا فين ؟
حد عمل الموضوع ده و لا لسه ؟

ده منتشر في السعوديه

التاجير المنتهي بالتمليك

لكن عايز رأيي بعد الزياده الاخيره في الاسعار


خلوها تصدي وموديلها يعدي