السواقة وانواع الأدمغة :)

**tamohsen** · 19-08-2007 03:29 PM

اضف لجميع انواع الأدمغه السابقه احيانا :
جهاز موبايل عاده يتم مسكه باليد اليسري يمنع تماما إدراك السائق للنصف الأيسر من الطريق
وحيث تقوم اليد اليمني بالتحكم في عصا القياده + الفيتيس " زي البلياتشو في السيرك"
وطبعا انسي استخدام الاشارات

**Abdallah** · 19-08-2007 04:48 PM

ايه دة يا سبعاوى, هو انا هسوق ولا هقعد اتفرج على ادمغة الناس, وبعدين لو المدام جمبى وشافتنى وعلى حظى الاغبر كان الى بص عليه من ذوات الشعر الطويل المسترسل يبقى ايه الوضع ساعتها؟؟؟ طبعا مفيش حد منكوا هينفعنى فى الوقت دة :mrgreen:
انا بقى عندى مشكلة ومش عارف احلها ويا ريت حد يساعدنى فى حلها وهى انى لما بسوق بيبقى تركيزى كله فى الطريق وللاسف احيانا بعدى على ناس اصحابى او قرايبى او معارفى وبيشوفونى وبيشاورولى وممكن يعملوا قرود فى جبلاية وانا برضة مشفهومش :shock: , فهل يا ترى دة من تأثير النظارة الطبية ولا دى نتيجة طبيعية للخوف من الحوادث ؟؟؟

**hazem_khidr** · 19-08-2007 05:04 PM

جميل جداا يا سبعاوي تسلم ايدك تحليل منطقي فين مواضيعك من زمان يا راجل وحشتنا :)

**abo3bdolrahman** · 19-08-2007 10:46 PM

للأخوة اللى شايفين إن العند لازم يقابله عند لازم تلاحظ إن فى بعض الأحيان واحد ممكن يكسر عليك دون قصد يعنى ممكن فجأة واحد ينزل من على الرصيف بيفكر يعدى و بعدين يرجع فى كلامه تقوم تضطر تحدف بعيد عنه و ترد تانى يقوم اللى جاى جانبك من الناحية التانية يفكر إنك بتزنق عليه و يتحول الموضوع لعند و لازم أعمل فيه زى ما عمل فيا و الحاجات الخايبة دى و آسف للكلمة دى بس هى دى الحقيقة تخيلوا بقى أنا بقالى دلوقتى شهرين فى نيجيريا و عمرى ما شفت حاجة من دى حتى سواقين الميكروباص اللى عندهم نفس اللا مبالاة اللى موجودة فى مصر عمرك ما تلاقى حد بيحاول يزنق على حد أو يحاول يحتك بيه أو يدفعه لعمل حادثة زى ما بيحصل من بعض الأغبيا و عديمى الضمير على الطرق السريعة ده غير إن النقل بقى يكفى إنك تديله كلاكس علشان تعدى منه و ما بيحاولش أبدا يقفل عليك الطريق و الحوادث عندهم قليلة جدا رغم إزدحام الشوارع الشديد و أغلبها ضيقة و سيئة التمهيد. و تخيلوا بقى إنهم هنا مؤمنين جدا بموضوع إن الكل لازم يروح بيته سليم و كمان عربيته سليمة و إن إيذاء الآخرين غير مفيد على الإطلاق و كبيرهم مشادات كلامية أو بصة ذات معنى و خلاص خلص الموضوع و كلنا حبايب. يارب نبقى زيهم :!:

**mtema99** · 19-08-2007 11:05 PM

و الله ابدا بذكر عند دخولك السياره و اتوكل على الله و ميهمكش نوع الدماغ

**Ahmed Anwer** · 20-08-2007 01:05 AM

أكتر نوع بيخوف في السواقين بتوع الميكروباسات عشان دول مقتنعين إن العربيات كلها كاوتش يعني بيوسع طريقة بنفسه و يخش في حتة 2 متر و عربيته تلاته متر و الله دي حصلي في ميدان عبد المنعم رياض واحد سواق ميكروباص حشر نفسه و خبطلي الرفرف و الأشارة واقفة من غير أي داعي هوا بس اتخنق من الزحمة و قرر يوسع لنفسه طريق ده غير طبعا جريهم و توقفهم المفاجئ و غيره كتير أكيد إنتم عارفين أحسن مني ، و اللي عايز يستمتع بجد بس يبقي قلبه جامد يركب جنب سواق ميكروباص في الكرسي القدامني حاجة كده زي قطر الموت انا مرة كنت مروح من العاشر من رمضان و ركبت جنب السواق و الله كنت هأعيط علي طريق مصر إسماعيلية و مديها مبيستخدمش الفرامل إلا لما تبقي المسافة مع العربية اللي قدامه عشرة سم و غرز ايه بقه سيبك من غرز الفرافير ، أحلي حاجة الراجل اللي جنبي كان في سابع نومة و لما صحي بقوله يا عم قوله يهدي شوية رد عليا بكل رزانة و حكمة و قاللي هو عارف شغله !!!!
و النوع التاني الجنس اللطيف عامة دول بقه ممكن يطلعوا علي الرصيف في أي لحظة و لما يجيوا يلفوا يبقوا كأنهم بيلفوا بتريلا
و التحدي الحقيقي حاليا مبقاش في الشد ، التحدي بقه في الشوارع الضيقة اللي متخدش غير عربية واحدة و مين اللي هيرجع لمين عشان دي مسألة كرامة ساعات ابقه وصلت لنص الشارع و الاقي واحد شايفني و كمان بقلبه يكبس و يدخل جري قال يعني خلاص أمر واقع ، منتهي قلة الذوق و الإستفزاز ، أنا عشان من النوع المسالم جدا برجعله و أمري لله مبعملش زي معظم الناس و سيب العربية و اخد المفتاح و اقله اخبط راسك في الحيط

**mtema99** · 20-08-2007 01:09 AM

اقولك احنا لو هنخاف كده يبقى اللي معاه فلوس كتيره يجيب لكزس ال اكس اخت الاندكروزر معاك اقل شويه هات هامر اتش1 معاك اقل هات اللاندكروزر نفسها معاك اقل هات اللكزس الجي اكس اخت البرادو معاك اقل هات الفوررنرر معاك اقل هات البرادو معاك اقل هات الديفندر معاك اقل هات الروبيكون(الرانجلر) و ساعتها تبقى في امان تام :mrgreen:

**Ahmed Anwer** · 20-08-2007 01:16 AM

ايه دة يا سبعاوى, هو انا هسوق ولا هقعد اتفرج على ادمغة الناس, وبعدين لو المدام جمبى وشافتنى وعلى حظى الاغبر كان الى بص عليه من ذوات الشعر الطويل المسترسل يبقى ايه الوضع ساعتها؟؟؟ طبعا مفيش حد منكوا هينفعنى فى الوقت دة

يا باشا اركب مرة جنب واحدة من ذوات الشعر المسترسل و انتا هتكتشف إن الشعب المصري معندوش أي نوع من غض البصر ، أنا مرة كنت راكب مع عميلة عندي عمل شعرها كيرلي (شكلها كان يقرف) ما شاء الله كنت حاسس إني نازل من كوكب فضائي كل الناس نظرها موجه للعربية اللي راكب مرسيدس و العمال الغلابة اللي متشعلقين بالعافية في نص نقل و اللي عنده ستين سنة و العيال الصغيرة

**mtema99** · 20-08-2007 01:18 AM

يا باشا اركب مرة جنب واحدة من ذوات الشعر المسترسل و انتا هتكتشف إن الشعب المصري معندوش أي نوع من غض البصر ، أنا مرة كنت راكب مع عميلة عندي عمل شعرها كيرلي (شكلها كان يقرف) ما شاء الله كنت حاسس إني نازل من كوكب فضائي كل الناس نظرها موجه للعربية اللي راكب مرسيدس و العمال الغلابة اللي متشعلقين بالعافية في نص نقل و اللي عنده ستين سنة و العيال الصغيرة

:mrgreen: :mrgreen: :mrgreen: :mrgreen: :mrgreen: