اعتقد ان فيه اتنين كمان مش واحد
عموما توكيل الطارق الاصلى يميزه وجود اسم المهندس طارق اسماعيل فى اسم الشركة
ممنوع الكتابة بالعربي بأحرف إنجليزية
مشرف القسم العام
انا كنت حبيت اضيف شويه معارض
بس في المستعمل
معرض الشّعار في ميت غمر
ناس ولاد .........
منهم لله
بعد ما أخدت منهم العربيه..اكتشفت انها مخبوطه من جوه الشنطه ..والكاوتش الاستبن كان 13 ..مش 14 زي بتوع العربيه..وطبعا عرفت كده لما الكاوتش نام مني اول مره ..نزلت أغيره لقيته 13 :rfds:
ودراع النور مكنش بيقلب ..حلفوا ليا انها فيوزات
لقيت مشكله في الضفيره وكلفتني أكتر من 300 جنيه دراع نور+ 100 شغل في الضفيره
والتكييف كان مش شغال..قالولي انه مفضي شحن
لقيت فيه مشكله بعد كده كلفتني مبلغ وقدره عشان اشغل التكييف
واخدت العربيه على اساس اني هاجي تاني يوم اخد الكوريك وطفايه الحريق..رحتلهم بعدها اكتر من 11 مره اطلب الحاجه دي بزوق
كل مره يطلعولي بحجه مختلف( اصل مفتاح المخزن مع الحاج) ( اصل كنا بعتنا نشتريلك كوريك وطفايه والراجل لسه ماجبهمش)(اصلنا جبناهم وحطناهم في عربيه هنا والحاج طلع يجربها مع زبون) ( اصل الكوريك جبناه وطلع معيوب .قمنا رجعناه وهنبعت نجيبلك واحد حلو من المنصوره)
واسباب هبل
اخر مره طلعت بالعربيه ع الرصيف الصغير الي قدام المعرض وسديت باب المعرض تماما وقولتلهم يا ولاد الـ ..... أرجع الاقي حاجتي موجوده..وسيبت العربيه ومشيت رحت مشوار ورجعت..لقيتهم
برافواقتباس:
اخر مره طلعت بالعربيه ع الرصيف الصغير الي قدام المعرض وسديت باب المعرض تماما وقولتلهم يا ولاد الـ ..... أرجع الاقي حاجتي موجوده..وسيبت العربيه ومشيت رحت مشوار ورجعت..لقيتهم
ناس نصابين فعلا
كل تجار السيارات الجشع مالى قلوبهم أنا كنت عايز أجيب عربية مستعملة بالتقسيط وبعدين لما بدأنا نتكلم دخل فى قصة حلال و حرام والفايدة تبقى حرام نحدد سعرها قسط الأول لاحظت فرق من 9000 ال 12000 من سعر العربية كاش والقسط كان على سنة فقط شوف القلب الميت وصرفت نظر عن العربية خالص حتى لما دبرت المبلغ و رجعت ليه عشان أخذها كاش رفض يصارحنى بسعرها و حجته لما نشوف أصحاب العربية يقولوا ايه نصب نصب نصب
بالنسبة للأخ اللى من ميت غمر موضوع القسط ده حصل عند معرض السلام فى ميت غمر وصاحبه مصطفى جحا طماع جدا جدا والشعار ده أخذنا منه قبل كده عربية 131 و كانت زريبة متحركة والنذل اللى كان معانا باعنا ليه والعربية حاليا مغيرة كل حاجة فى الصاج حتى المكنة والفتيس و للأمانة مأخذناش منهم الا كرونا ورفرف خلفى سلام من عربية مدفوع فيها 20000
علي فكرة برده نفس الكلام كان هيحصل معايا من معرض Stop Car اللي في شارع مصطفي النحاس, أنا كنت هاشتري من بنك ناصر عشان الفايدة بتاعته محترمة جدا, وهو في المجمل بنك محترم جدا, المهم قالولي في معرض Stop إن البنك بيأخد 1500 جنية فا دول هانضفيهم علي ثمن العربية, وخلاص كنت هاخلص معاهم, لكن لجل ستر ربنا غيرت رأي في أخر لحظة بعد ماجبولي العربية لآني كنت حاسس بعملية نصب, عشان موضوع الألف و نص + 500 جنية عمولة العرض + الحلاوة بتاعت البياعة +300 جنية مصروفات بنكية, ده غير المكسب اللي حطينه علي ثمن العربية, فقررت إني أروح أشتري مباشرا من عز العرب و فعلا روحت جبت منهم عرض و رحت بيه البنك و أتفجأت إن مافيش أي 1500 جنيه زيادة علي ثمن العربية هما بس ال 300 جنية المصروفات البنكية وشكرا علي كده, والحمد لله فلت من عملية النصب بتاعت المعارض الغير محترمة بلإضافة لآني أشتريت العربية بسعرها الحقيقي زائد كمان تخفيض كان عامله عز العرب, فإحترسوا يا جماعة من هذه النوعية من المعارض.
م. تامر حافظ
انا شاري عربيتي من المصريه واتخانقت معاهم خناقه لرب السما ومع اني كان معايا وكيل نيابه قريبي خدت العربيه منهم لكن العربيه جت خليجي مش توكيل وطبعا نفس الكلام اللي اتقال قبل كده من طقم دواسات هديه وتلفزيون صيني معفن بايظ وصلحته كمان علشان احطه في المصيف...وغير ان البياعين بتوعهم متفقين مع الاداره انهم ياخدوا فلوس من العميل بعد شراء العربيه بمبدأ الحلاوه ولما اديتهم 50 جنيه بعد الخناقه مع صاحب المعرض اعترضوا باعتبار ان سعدتي متريش وجايب عربيه ب 130 الف جنيه والمصيبه انها لوالدي مش ليه؟؟ وكانوا عايزين 300 جنيه رحت سايبه وماشي وكنت هاطلع من هدومي...وبعدين لما رجعت تاني يوم (بعد ماطوبه وقعت على فتحت السقف واتدشدشت ميت حته من طوبه وهيه واقفه ومتغطيه من عين البعده)علشان اجيب ورق العربيه واخلصه في المرور قعدوني 5 ايام كل يوم يقولولي بكره...بجد معامله زباله ..وطلعوا نظام جديد انك تحط فلوس العربيه في البنك وتدفع القسط هوه هوه وياخدوا نسبه الفايده بتاعت الوديعه مكسب ليهم يعني نسبه10,5% وقسط العربيه متضاف عليه فايده 5% مكسب كمان يعني هيه هيه اللي بتتاخد من اللي دافع مقدم 50% بس بطريقه ودانك منين يا جحا:T_thum1[1]:
وبالنسب لشيل العداد توكيلات كتير هنا في المنصوره بتجيب العربيات وتشيل فيشت العداد ففي بعض السواقين للمعارض واللي مش فاهمين في العربيات بيدوسوا على الطريق لأنه فاضي ولما ييجي يدوس فرامل يلاقيها مابتمسكش كويس ده بسبب ان بعض العربيات منها الاسبرانزا بيتفصل الabs لما بتفصل فيشه العداد...وفيه سواقين بيجيبوا العربيات ديه كنت اتكلمت معاهم لما صاحبي راح يشتري عربيه وقاللي ان المصنع بيفحت العربيه قبل مابيطلعها ولو شفتها واللي بيتعمل فيها لما بتتجرب ماترضاش تدفع فيها 5000 جنيه مش 70000 ولا 110000 جنيه وتطلع فاتح بقك شبر ونص وفرحان بالعربيه الجديده...والادهى ان التوكيل نفسه بيوصي العميل انه يلين العربيه علشان الماكينه جديده والعربيه اصلا بتكون اتفحتت قبل مابياخدها...نفسي يشوفوا اللي في السعوديه لما بيشتروا العربيه جديده لانج ويطلع يفتحها على الطريق وهيه بالنمر الجديده وبتقعد معاه بالعشر سنين وديه مده طويله لعربيه تقعد مع سعودي وبالنسبه للتقسيط افضل من هنا لكن على طول لو مادفعتش لمده شهر ماتلاقيش العربيه واقفه تحت البيت