مش عارف الموضوع ده اتعمل قبل كدا فى المنتدى ولا لأ لكن انا بحب اشوف التوقيعات أو الكلمة اللى بيحطها كل عضو فى آخر كلامه
وبصراحة توقيع الأخ سعداوى جاااااااااااااااامد جدا ومش أى حد هياخد باله منه غير اللى عدى عليه قبل كدا بيت الشعر ده
(وقبر حرب بمكان قفر وليس قرب قبر حرب قبر)
لما كنت فى ثانوى كنت باخد البيت ده فى البلاغة على انه بيت كوميدى وفيه خطأ شعرى انه حروفه متكررة كتير وصعب انه يتقال.
ممكن نقول حاجة كدا زى قميص نفيسة نشف ولا لسة منشفش بس بالنحوى
وكنا واحنا فى المدرسة بنعمل مسابقة فى اللى يقول (وقبر حرب بمكان قفر وليس قرب قبر حرب قبر) عشر مرات بسرعة من غير مايغلط
أشكرك يا أخ سعداوى على التوقيع الجامد ده والله فكرتنى بأيام التسعينات الجميلة أيام ماكانت السوزوكى سويفت هى حلم الشباب واالى راكب دوجان كان روش وياريت تقولنا ايه سبب أختيارك للبيت ده انه يكون توقيعك
المفضلات