تقرير عن زيارتى لفورميلا الاهرام بالصور

**i_Am_Legend** · 26-01-2009 01:28 PM

اكتر عربيتين عجبونى بجد (الهوندا سيتى) حاسس انها حاجة جديدة وهاتكتسح السوق المحلى بس لو بجودة التقفيل اللى شفتة فى المعرض ولو سعرها ما زدش عن 125 يبقى قول على العربيات دى يارحمان يارحيم(الانترا اللى واخدة شهرة على الفاضى,اللانسر اللى بقت عاملة زى ال 128.الصنى والسيراتو والكورولا واللانسر (الشارك) والميجان والاوكتافيا والبروتو ن الجين 2 والبريليانس انسى ان حد يفكر فيها اساسا وعلى فكرة انا حاسس ان العربية دى هاتبقى منتشرة قوى (سياحة)وبكرة تشوفوووووووووووو

**sa3dawy** · 27-01-2009 02:12 AM

جميل اوى الموضوع
بس ماسالتش عن سعر البيجو 207سىسى ؟؟
او ركبتها ؟؟ ... انطباعك اية عنها ؟؟؟ اى مواصفات لو فى ياريت
والف شكر على الموضوع المتميز

**احمد عبدالله** · 27-01-2009 02:25 AM

شكرا يا باشا علي التقرير

**i_Am_Legend** · 27-01-2009 10:59 PM

المشاركة الأصلية كتبت بواسطة sa3dawy

جميل اوى الموضوع
بس ماسالتش عن سعر البيجو 207سىسى ؟؟
او ركبتها ؟؟ ... انطباعك اية عنها ؟؟؟ اى مواصفات لو فى ياريت
والف شكر على الموضوع المتميز

انطباعى عن ال207 سى سى انها عربية ممكن تبقى احتياطى مع عربية تانية فى البيت العربية تصميمها جميل جدا وتنفع الشباب قوى واعتقد انها ممكن تكون احسن سيارة كوبية فى مصر وتنافس الايوس من فولكس فاجن والميجان

**sa3dawy** · 27-01-2009 11:42 PM

المشاركة الأصلية كتبت بواسطة i_Am_Legend

انطباعى عن ال207 سى سى انها عربية ممكن تبقى احتياطى مع عربية تانية فى البيت العربية تصميمها جميل جدا وتنفع الشباب قوى واعتقد انها ممكن تكون احسن سيارة كوبية فى مصر وتنافس الايوس من فولكس فاجن والميجان

الف شكر على الرد ياباشااا ..
مسالتش عن السعر او توقعك عنة ... اصل ال307 cc دلوقتى بتتباع ب 190 الف ...
يعنى المفروض متزيدش عن 180 او 190 الف بالكتيرر
والا انتا اية رايك ؟

**KHALED AYMAN** · 28-01-2009 02:28 AM

مش عارف مواعيد المعارض وحشه معايا ليه برده معرض اوتوماك هييجى فى عز الامتحانات بتاعى .
انا روحت الاهرام عجبنى السيتى و الفوكس و الموستانج و ال q7و ال x trail و الرانج روفر و البورش و الكورسا و السى 180 و الشيفروليه الكروز .
انا مخليتش عربيه الا و ركبتها وولعت النور و فتحت الكبوت و الشنطه و الكاسيت و حركت الكراسى و المانيوال كنت باخدها من الاول للخامس و ادى r بقى فى الاخر لو حد عايز يسال عن عربيه معينه انا اتفرجت على 99%من العربيات فاتنى البيجو و كام عربيه مش فاكرهم.