الموضوع: تقرير عن زيارتى لفورميلا الاهرام بالصور

المعرض السنة دى(قمر الدين) خالصصص انا رحت وياريتنى ما رحت ضيعت يوم الاجازة بتاعى البداية رحت بالعربية وما فيش ركنة اساسا رحت ركنت بعيييد برة المعرض ودة كان اول القصيدة:
البداية: ركبت معظم السيارات ودة تقييمى:
1-(هوندا سيتى) سيارة جديرة بالاحترام والثقة اكثر من ممتازة شكلا ومضمونا المقصورة ممتعة وتحس فيها بانطباع رياضى وفخامة غير عادية واظن انها هاتحل محل الانترا واللانسر والصنى فى الايام اللى جاية (مجرد توقعات)بس لو سعرها زيهم فهى تكسب بلا جدال2-(شيفرولية كروز) سيارة جميلة ولكنها جاءت متاخرة فتشعر من النظر اليها من الوهلة الاولى انها مستوحاة من الامام من الشيفرولية أس(هاتشباك)ومن الخلف هوندا سيفيك (صرف) ولو شلنا علامة شيفرولية هاتبقى سيفيك وانا متوقع انها هاتنافس الكورولا والهوندا سيفيك والامبريزا والفيات برافو

3-(بيجو )قدمت ال407 راءعة بمعنى الكلمة وتصميم متميز من بيجو ولكن السيارة كوبية والسيارات الكوبية سوقها فى مصر ضعيف جدا واكيد سعرها مرتفع

4-(فيات)انا بجد متضايق جدا ياريت فيات ما اشتركت فى المعرض اصلا نازلة بعربية واحدة (بونتو كلاسيك) وتقريبا مستعملة ولا اية العربية كان فيها (تراب) دة العربيات الصينى فية واحد مخصوص واقف بفوطة يلمع العربية كل شوية دة كلام يا (فيات)اوماترا كدة مش مهتمة بفيات دة لو كانت اللينيا نزلت هى والجراند والبرافو كانو قلبوا المعرض وخطفو الانظار حرام اللى حصل كانوا مسجلين حضور قوى جدا فى (اوتوماك اخبار اليوم) اللى فات.
5-السيارات الصينية:
1- سايبا برايد سيارة على قدها خالص وفقيرة فى الخامات والتابلوة واللون النبيتى منها (فاقععع كأنة مدهون بفرشة) الفضى احلى لون فيها الفضى انا بقى شايف ان السيارة مش بطالة بس سعرها عالى حبتين تلاتة يعنى المفروض انها تبتدى من38 مثلا واخرها 42 دة للكاملة (غير كدة خلوها تصدى).
2-جيلى : سيارة جيدة وتستحق اعادة النظر فيها بعد ضياع الثقة مع (الفروتة والمابل) افضلهم الck2تستحق سعرها بصراحة وانا حاسس انها منافس قوى جدااااااا للبيكانتو واللانوس لان تقفيلها جيد وموتورها (تويوتا ايرو1)وتصميمها عصرى جدا ومتميز وضمانها يدل على ثقة الوكيل فيها.
بالنسبة للجيلىmk2تقفيلها مش عاجبنى وسعرها غالى والتابلوة بتاعها مبالغ فية(انا شايف كدة).
3-شانا بينى :سيارة يعيبها تقفيلها سىء للغاية وسعرها عالى يعنى اخرها (35)الف(غير كدة خلوها تصدى).
4-ايديا:احلى ما فيها باب السواق كبير وعالى تحس انك بتركب (ميكروباص تويوتا) (اول مرة اركب عربية وما اوطيش وانا داخل) لكن تصميمها فقير جداااااا والمفروض سعرها يبقى 32 علشان تقدر تنافس!(غير كدة خلوها تصدى).
5-جاك:هى شركة متخصصة فى تصنيع الشاحنات الكبيرة وهذا اول انتاج لها من السيارات الملاكى بس بصراحة والحق يتقالالسيارات تحفة وتستحق المنافسة وسعرها جيد الى حد ما وتقفيلها جيد والجنوط لايقة عليها اللى عجبنى فعلا ان موتورها ميتسوبيشى 1300 وانا شفت بعينى الموتور بتاعها ولكن يعيبها الضمان60000كيلو اوسنتين فلو زادت الفترة دى السوق هايتقلب (انا شايف كدة).
ودة تقييمى للسيارات الصينية طبعا ماعدا السايبا (ايرانية)
سوزوكى:دة موضوع كبير (السويفت)ابهرتنى بخامتها وتقفيلها المتميز وحجمها ,ولكن يعيبها سعرها المرتفع نسبيا
الماروتى كلنا عارفنها تحس انها عربية بتاعت جد وشغل وخلاص بس سعرها لو ينزل شوية تقلب السوق34 مثلا.
الالتو :يعنى معقولة لا تختلف كثيرا عن الماروتى بس كلهم غيارتهم رزلة وايضا لو سعرها نزل هاتقلب السوق.
6-السيارات الكلاسيكية:افضل شىء حصل فى المعرض وياريت كانو خلو المعرض كلة للسيارات الكلاسيكية كان بقى افضل من كدة.

بجد السيتى شكلها الجديد دمارررررررررر بس لما نشوف هيا تقفيل اية وصناعة اية (يعنى القديمة تقفيل ماليزى او برازيل مش فاكر ) ياريت حد يجاوب وهانشوف السعر اة مستنين

انا بقى مستنى اوتوماك اخبار اليوم بفارغ الصبر ما حدش عارف هايبقى امتى؟

انا كمان محدش يعرف امتى؟؟؟؟؟؟؟؟؟؟؟؟؟؟؟؟؟؟؟