موضوع هام لمكافحة سرقة السيارات

**ZAKI32** · 25-01-2009 12:59 AM

انا ياجماعة حصل معايا كذا موقف لا أحسد عليهم

2-كنت فى بلد ارياف بلدنا يعنى (الدهشنة)ومقضيين اجازة هناك المهم ايام كاس امم اوروبا تقريبا 2004 كلنا خرجنا لاقاربنا نتفرج ع المباراة ورجعنا لقيت الكاسيت والسمعات والاكيوليز فى الكزوزة طبعا مكنتش مركب انزار ولا دياولو.

- كنت معزوم على فرح فى دار المشاة فى القاهرة وركنت العربية بجانب السور كما كل العربيات المركونة والشارع مبيمشيش فيه عربيات كتير .
وانا كنت مقلق خاصة انى عندى حاسة معينة . المهم قولت خليها على الله كل العربيات فى الفرح راكنة.
من الخطأ الذى ارتكبته ترك شنطة بها عدد 2 ترنج لزوم البيات عند الاقارب بعد الفرح . الكيس كنت حاطة على الكنبة الخلفية .
طبعا الشراعة الخلفية يمين من ناحية الرصيف الحرامى كسرها واخد الكيس .
لاكن الحمد لله اهم شئ انى كنت مستلف من واحد صاحبى كاست امشى بيه بعد الكاسيت اللى اتسرق. تقريبا مخدش بالة من الكاسيت لان لون اسود مش باين مع العلم انه كان كاسيت على قده بس ربنا سترها لان منظرى كان هيبقى وحش مع صاحبى .
واتعلمت مستلفش حجات كبيرة كدة واحطها فى العربية.

**mo7a_mo7a** · 25-01-2009 01:10 AM

اللص يتجنب عادة السيارة المغطاه فهو يبحث عن فريسة سهلة
الي جانب ان الغطاء الجيد يمنع المارة من مراقبة محتويات العربية
احيانا يمكن لولد صغير كسر الزجاج للحصول علي الدبدوب مثلا

عمار يا مصر

**ramylanos** · 25-01-2009 01:28 AM

المشاركة الأصلية كتبت بواسطة magyver

فعلا الموضوع دة مقلق جداا عايزين نعمل حاااجة تعقد الحرامية كدة

اه ياريت
وعايزين كل واحد يقول رأيه يمكن نقدر نوصل لحاجه

**hanystar** · 25-01-2009 02:58 AM

بمناسبة موضوع غطاء العربية وإنه بيقلل من فرص سرقة العربية
هحكيلكوا على موقف حصل لى
كانت الساعة 3 بالليل وقايم أبص على العربية وكنت مغطيها
لقيت حاجة مكلكعة تحت الغطاء من ناحية الرصيف ولقيت الحاجة دى بتتحرك
أدركت طبعا إنه حرامى قمت مزعق جامد قبل ما أنزل له عشان أنا ساكن فى دور عالى
راح البيه طلع من تحت الغطاء ومشى ولا كأنه كان بيعمل حاجة
يعنى البيه الحرامى كان مستغل وجود الغطاء وكان مستخبى جواه وبيحاول يفتح باب العربية
نزلت شفت العربية مكنش لحق لسه عمل حاجة - جت سليمة يعنى .

**د./اليشع ثابت** · 25-01-2009 04:58 AM

المشاركة الأصلية كتبت بواسطة zeyad1810

بس الحرامية بيعملوا حاجة تغنى عن كل دة دلوقتى
بيجروا العربية بعربية تانية وياخدوها ويمشوا فدى اية حلها
الموضوع دة حصل مع قريبى

يجروهاااااااااااا ازاى يا باشا
وانت اساسا المفترض ان شادد الفرامل و الدريكسون مسوجر

**mrghost** · 25-01-2009 06:12 AM

احسن حاجه انك تحاول تصعب المهمه على الحرامى كما ذكرت ناس قبل كده فى موضوع هنا فى المنتدى
كلبش الدركسيون فى دواسه الفرامل او الدبرياش مثلا
وركب انذار علشان برضه يستصعب حكاية فصله اولا
شد فرامل اليد
حاول تركنها فى مكان فيه ناس
حاول ماتظهرش اى حاجه غاليه جواها
وهكذا ......

**ahmed76** · 25-01-2009 08:21 AM

انا شايف ان كلنا بنعمل نفس الحاجات تقريبا
نكلبش الدركسيون وجهاز انذار ونشد فرملة اليد .
بس ده مش كفايه لان كل الحاجات دى ليها ثغرات.
مش معقول منتدى فيه 30 ألف عضو ومانوصلش لتكنولوجيا احدثمن كده
انا بصراحة اول مرة اسمع عن الجهاز اللى بيتصل بالموبايل
يا ريت توضيح اكتر
وشكرا

**crazylambada** · 25-01-2009 09:21 AM

انا عندي رصيف البيت عالي فبحب اركن العربية ازنقها فيالرصيف عادي
لحد ما الموضوع خدمني نزلت من البيت لقيت العجلتين اللي برا مفكوكين بس الحمد لله متسرقوشعلشان معرفوش يفكوا اللي جوا
و الحمد لله ربنا انقذلي الجنط و الفرد
الموضوع ده حصل بعد ما جبتهم ب3 ايام
كانهم كانوا مستخسرين اركب جنط في عربيتي

**ahit** · 25-01-2009 09:22 AM

انا شايف ان كلنا بنعمل نفس الحاجات تقريبا
نكلبش الدركسيون وجهاز انذار ونشد فرملة اليد .
بس ده مش كفايه لان كل الحاجات دى ليها ثغرات.
مش معقول منتدى فيه 30 ألف عضو ومانوصلش لتكنولوجيا احدثمن كده

يا باشا ما هوا دا الطبيعى و غالبية الأعضاء بتعمل كدا
ومش ناقص إلا إننا ناخد العربية الشقق كمان
و لو حضرتك عندك جديد ضيفهولنا يمكن يفيدنا.

-

الموضوع: موضوع هام لمكافحة سرقة السيارات

LinkBack

أدوات الموضوع

عرض

-

-

-

-

المواضيع المتشابهه

نصائح وزارة الداخلية لمكافحة سرقة السيارات

بعض النصائح للحد من سرقة السيارات (موضوع مهم جدا)

عدة طرق لمكافحة سرقة السيارات

سقوط عصابة سرقة السيارات... تخصصوا فى سرقة سيارات "كيا سيراتو"

موضوع سرقة السيراتو اللي زاد عن الحد (موضوع يجب النقاش فيه)

الكلمات الدلالية لهذا الموضوع

المفضلات

المفضلات

ضوابط المشاركة