موضوع هام لمكافحة سرقة السيارات

**FASTER** · 24-01-2009 05:54 PM

لاحظت في الفترة الاخيرة ومع تدهور الأوضاع الاقتصادية رجوع ظاهرة سرقة السيارات بشدة وأنتشارها في العديد من الاماكن فياريت كل واحد فينا يقول بيعمل أيه علشان يأمن عربيته من السرقة وبالذات لو راكنها في مكان غريب وسوف أبدأ بنفسي:
أولا: لازم الدركسيون يكون مسوجر بعد ماركن العربية
ثانيا : في عندي فيوز باشيله لو مين أتنطط ميعرفش يدور العربية
ثالثا : أستحالة أسيب المفتاح في العربية لو نازل أشتري حاجة وراجع تاني حتي ولو العربية جنبي
رابعا : بافكر أركب جهاز أنذار مع أني باعتقد أنه مش فعال أوي لأن الحرامي ممكن يفصله
فياريت يا جماعة اللي يعرف أجراءات أمان أخري ممكن تتعمل يقولنا عليها علشان نعرف نواجه الموضوع ده لأنه كتر وحسبنا الله ونعم الوكيل في كل اللي بيأذوا الناس وأفتكروا دايما أن الوقاية خير من العلاج لأن اللي بيروح مبيرجعش

**A.Saad** · 24-01-2009 06:12 PM

جهاز الانذار مفيد
هوة جايز مش بيمنع السرقة لكن ممكن يخوف الحرامى

**zeyad1810** · 24-01-2009 09:00 PM

بس الحرامية بيعملوا حاجة تغنى عن كل دة دلوقتى
بيجروا العربية بعربية تانية وياخدوها ويمشوا فدى اية حلها
الموضوع دة حصل مع قريبى

**A.Saad** · 24-01-2009 10:26 PM

هل ينفع تتجر لو اتعشقت على الرابع مع فرامل اليد
انا سمعت عن الجهاز اللى بيتحط فيه شريحة موبايل ويتصل بصاحب العربية لو حد لعب فيها

**karimone** · 24-01-2009 11:33 PM

انا بحاول اركن في مكان مش ضلمه و يكون قريب علي قد ما اقدر من البيت و برضه ماسيبش حاجه قيمه في العربيه بس الصراحه وش الكاسيت بكسل اخدو معايا

**FASTER** · 24-01-2009 11:51 PM

أنا مرة واحد صاحبي عربيته بيجو 305 أتاخدت من تحت البيت عنده وصحينا ثاني يوم ملقينهاش طلعنا ندور عليها لقيناها مرمية في نص الشارع جينا ندورها مرضيتش جبنا ميكانيكي لقيناها قطعت منهم بنزين وسرقوا البطارية والكاسيت
ههههههه الحظ خدموا طبعا