كوداك باشا ارجو المساعدة و السادة خبراء الصوتيات و المرئيات
عربيتى فيكترا 1995 فيها كاسيت كلاريون شرايط - مش ده المهم - بصيت على السماعات و انا باعمل السنتر لقيتها خرابة الرق عايم لوحده من عير جوان
هى قدام 16 سم و ورا 13 سم و 2 توتير 4 سم
كلام جميل
ما طولش عليك قوللى طول
عايز اركب سماعات و توتيرات نفس المقاس
لقيت بايونير القديمه اليابانى صناعة 1992 كان عايز يديهالى ب 170 جنيه مارضتش
قلت انا عايز حاجة حديثة
شفت سماعات اشكال و الوان بس اسعار نار يا باشا فى الظروف الحالية بعد سداد مصاريف المدارس و الذى منه
عموماً واحد قاللى خد السماعات السيموفنى عليها ضمان سنة و زى الفل الجوز بيعمل 75 جنيه و التوتيرات كلاريون صناعة ايطالى ؟؟؟؟؟؟؟؟؟ بس شديده
المشكلة الأكبر بأفتراض انى جبت كاسيت زى 6050 يو بى السماعات ديه هتنفجر منه و ايه رايكو فى النوع ده
انا مش بتاع دوشة بس باحب الصوت النضيف و اخرى نجوم اف ام و اذاعة القراءن الكريم و ام كلثوم و لو هافنى الشوق من فين لفين يبقى اسمع الشرايط الجديدة على الكمبيوتر
بس مش عايز ادفع مرتين و مش عايز اخرم فى الصاج الأصلى و لو على رقبتى - مبدأ -
و لو حد عنده مقاساتى دى مستعمله نضيفة تعمل كام
شاكر حسن الأستماع
