اغنية خلوها تصدي منقولة للامانة
:44:اغنية خلوها تصدي:44:
خلوها تصدي
ازمة تحصل في العالم كلو يعني اكيد هتطولنا في مصر
هتقولي و احنا مالنا هقولك افهم وبطل فشر
ده العالم كلو اتأثر , هو احنا عايشين في كوكب تاني؟
هو نفس الكوكب يبقي اللي يمشي عليهم علينا ماشي
وصلتك يا صاحبي الفكرة يبقي نخش بقي عالمهم
حاجات كتير تتأثر ده لازم و دي حقيقه مش وهم
بنوك و مصانع و عقار و سوق عربيات ده اكيد
قلت كلمة ازمة يبقي السعر هينزل مش هيزيد
حملة عملها الفاهمين ضد التاجر عشان تهدي
جشعه و قلة فهمه اللي لاهيجيب و لا هيودي
ارضي بقليلك وخلي الازمة دي علي خير تعدي
سعر العربية هينزل و الا ....خلوها تصدي
متستهونش و تقول الناس دي غلابة و عليهم هتقدر
المصري طول عمره زكي و فاهم و بيعرف يقدر
مكسبك في العربيه كبير و بقالك كتير عالحال ده
جه الوقت اللي تهدي فيه و تقلل ربحك بالهواده
يا تاجر بقالك شهرين قاعد مش عارف تبيع
العربيات في المخزن كترت الحقها لتضيع
لو فضلت كده الناس ببساطة مش هتنخ
رخص دلوقتي بمزاجك و كفايه كده , كخ
حملة عملها الفاهمين ضد التاجر عشان تهدي
جشعه و قلة فهمه اللي لاهيجيب و لا هيودي
ارضي بقليلك وخلي الازمة دي علي خير تعدي
سعر العربية هينزل و الا ....خلوها تصدي
عايزين نسمعها صوت و موسيقى يالا يا شباب