استفسار عن جين 2 2009

**MEMES** · 25-01-2009 04:24 PM

انا ركبت 2009 بنفسى فى عز العرب ديه موجوده من شهر 11 اللى فات!!

**amir** · 25-01-2009 06:44 PM

معروف عن المصريه جهلهم التام فيما يتعلق بالنواحي الفنيه لأي عربيه
المصريه دي علشان الواحد يتفرج انما اي سؤال بلاش منه

**MohabSaeed** · 26-01-2009 02:47 AM

المشاركة الأصلية كتبت بواسطة shaf3y_3

السلام عليكم
ياجماعه انا كنت فى معرض الاهرام و سألت عن الجين 2009فى المصريه و اتفجأت لما هو قالى ان سعرها 85.000 موديل 2008 و سألته عن 2009 قالى مفيش جين 2 2009 منزلتش مصر روحت سألت واحد تانى قالى فعلا مفيش جين 2 2009 و الى موجود ده خليجى و ملوش ضمان فى مصر :b4_556:
بس انا شوفت الجين 2 2009 و ركبتها فى معرض فى المهندسين
و ياريت لو حد يعرف اسعار الجين 2009 بظبط عشان انا سمعت كذا سعر

طبعا كلام فارغ كعاده كلام البياعين الى بيبقو مش فاهمين فرق السلندر من بلف الكاوتش غير ان معندهومش ضمير او امانه .
نصيحه لكل الى ناوى يشترى " اى سياره عموما " هاتها من التوكيييل مباشرتأ

امبارح كنت فى المهندسين و ركنت العربيه و نزلت اشترى حاجه و كان فى معرض هناك " بعد منزل كوبرى 26 يوليو و انتا رايح على شارع عرابى على اليمين
لقيت منظر غريب الصراحه و استفزنى جدا
عربيه جين 2 حمرا "زيرو 2009 " و مش معلقه نمر قدام المعرض و الاكصدام الامامى متجرح و فى اماكن كتير و جانب اليمين متجرح و الاكصدام الخلفى متجره من الجمب !!! و طبعا الف مبروك على المشترى

المشاركة الأصلية كتبت بواسطة m_marmoush

على فكره الجين تو اللى معانا كلنا مواصفات خليجى و حتلاقو الكلام ده مكتوب على اللوحه اللى على القايم اليمين اللى مكتوب عليها سنة الصنع

كلام مظبوط 100 % كل سيارات بروتون الى بتتباع فى المنطقه العربيه . نازله بمعاير المواصفات الخليجيه و ده مكتوب فى الكتالوج و مكتوب على البادج الى عند الباب الامامى من ناحيه السائق

**kloda** · 29-01-2009 01:37 AM

الجين 2 2009 مانيوال 86000 و الالاوتوماتيك 91000 انا لسة شايفها في عز العرب و فرق الشكل و المتور و اضحين اوي

**gagareen** · 29-01-2009 03:38 PM

يا جماعه ده موضوع منتهى 2009 بتتباع من شهر 11/2008 مواصفات خليجى وناس كتيير معاها وانا منهم
شكرا مهاب انت جبت من الاخر

تحياتى

**hegazi_arc** · 30-01-2009 10:52 PM

طب يا جماعة ..الواحد يخلص فيها ولا يستني شوية عشان الاسعار
انا اسمع ان وزير الصناعة اعلن خفض اسعار السيارات المصنعة محليا و ان الجمارك كمان نزلت فاظن ان لو فيه دفعات Gen2 لسه حاتيجي
هتيقي ارخص !! ولا ايه

**saidbakr** · 31-01-2009 09:11 PM

المشاركة الأصلية كتبت بواسطة hegazi_arc

طب يا جماعة ..الواحد يخلص فيها ولا يستني شوية عشان الاسعار
انا اسمع ان وزير الصناعة اعلن خفض اسعار السيارات المصنعة محليا و ان الجمارك كمان نزلت فاظن ان لو فيه دفعات Gen2 لسه حاتيجي
هتيقي ارخص !! ولا ايه

المفروض إنك تستنى شويتين كمان، ما دام الموضوع موش حيوي للغاية و مسئلة حياة او موت. خلينا نقول مثلا لغاية شهر 5 او 6 الجاي او حتى بعدهم على قد ما تقدر.

بالعقل لازم العربيات ترخص و اسعارها تنزل، و ده حتى لو ما فيش ازمة مالية في العالم و حتى لو الجمارك ما نزلتش. يا جماعة ما فيش حاجة في الدنيا هامش ربحها بيعدي 100%!!!