ممكن فكرة عن الستائر الكبس ولو ممكن صور ليها وهل تنفع تركب فى سيارة هيونداى اكسينت
ولو كنت عايز اركب لمض بيضا اللى هى بديل الزينون ايه هو افضل نوع وسعره ومنين اقدر اجيبه
ولكم الف شكر
عرض للطباعة
ممكن فكرة عن الستائر الكبس ولو ممكن صور ليها وهل تنفع تركب فى سيارة هيونداى اكسينت
ولو كنت عايز اركب لمض بيضا اللى هى بديل الزينون ايه هو افضل نوع وسعره ومنين اقدر اجيبه
ولكم الف شكر
بالنسبه للستاير الكبس بتبقى اطار بنفس مقاس الزجاج الخلفى وبتركب علية من الداخل , بس نصيحة لو نظرك على قدك زى بلاش انا ركبتهم ورميتهم لانى مكنتش شايف اي حاجة ورا ويا سلام وانت بتركن لو مغمض عنيك هتشوف احسن .... بالنسية للمبات فى مواضيع كتيرة عنها هنا فى المنتدى وانا شخصيا عملت موضوع بسأل عليهم وفى الآخر ريحت نفسى واشتريت لمبات للإلنترا تريفا Trifa ألمانى 100 واط من عند واحد فى التوفيقية اسمة جورج صليب اللمبة الواطى بـ 35 جنية والعالى بـ 17 جنية هما لونهم أزرق لكن إضائتهم ابيض شاهق , لسة مشفتهمش بالليل لأنى ركبتهم وركنت العربية وسافرت لكن أعتقد انهم كويسيين ومش محتاجين كتاوت
مركبهم عندى فى العربية وهما كويسين وفى لمعظم الانواع
ودى صورها
http://www.nilemotors.net/Nile/showthread.php?t=56406
اولا حمد الله على السلامة يا باشا
ثانيا بالنسبة للستاير شكلهم حلو بس هما لو سهل الفك ممكن الواحد يفكهم بالليل وخلاص وبعدين انا مش بركب العربية بالليل كتير
ثالثا بالنسبة لللمبات انا اعرف محل نعيم صليب هو مكان مشهور بالزيوت ومياه الريداتير بس فى مشكله انا عندى اللمبة 2بول يعنى عالى وواطى بيكون لمبة واحدة فاكيد ممكن الاقيها عنده برده فياريت يا باشا لو عاجبتك ابقى قول لى وانا اروح له
[quote=bassam nagy;618275]مركبهم عندى فى العربية وهما كويسين وفى لمعظم الانواع
ودى صورها
شكرا يا باشا لاهتمامك بس ياريت لو فى منهم انواع تقولى يعنى كورى او صينى مثلا وممكن تقول لى سعرهم كام ومنين اقدر اشتريهم
جايبهم من واحد هنا فى اكتوبر اسمة اوبشن
سعرهم 75 جنية
موجودين عند محلات الاكسسورات الكبيرة
شكرا يا باشا لاهتمامك ولذوقك
ب النسبة للستاير دى انا مركبها من 5 شهور بس للزجاج بتاع الببان الى ورا انما لو للزجاج الخلفى هيكونوا وحشين و مش هتشوف حاجة فعلا انما هم فى الشمس ممتازين و بيساعدة التاكيف و بليل عاملين زى الفامية شكلهم فعلا جميل كنت عاملهم على مقاس الببان يعنى خد المقاس و ختهم تانى يوم و كلفوا 40 جنية انما بخصوص اللمض دى انا جربتها كانت 100/130 و معجبتنيش خالص بس مكنتش ركبت الكتاوت لسة إن شاء الله ناوى اجربهم بعد الكتاوت و احطهم 200/260 ياريتهم يكونوا حلوين ..
فية ياباشا لللانسر تقريبا معظم العربيات شوفتها عليها
الطقك كلة ب75 ج والله دة رخصوا خالص اهو كنت جايبهم مع واحد صاحبي للياريس ب 150 ج
فين فى المنصوره ؟
دى صوره للستائر الكبس الخلفيه
[IMG]http://up1.m5zn.com/photo/2009/2/18/...m2mhe4.jpg/jpg[/IMG]
وسبويلر شنطه جلد وسنسور بارك اللى بيتخرم ليه فى الاكصدام
maz_zero
انت عملتهم فين لان انا عربيتي مش ليها الستاير دي لانها لسه جديده
فلازم اعملها نموذج و اواديه للمحل ده
هي بالمناسبه فيات برافو
شكرا
هسالك عليها وابعتلك
حد يعرف محل ممكن تديله مقاس الإزاز ويفصلك ستاير كبس على نفس المقاس
ايوف انا جايبهم للانسر البومة وثمنهم 100 جنية من عند اوبشن 6 اكتوبر نفس المحل
بصراحة يا جماعة انا مركب اللمبات البيضة دي من زمان بس مش عاجباني خالص بالذات في السفر لأن مداها قصير قوي هي بس شكلها حلو وانا مركبها علشان مش بسافر كتير
الستاير دى موجود منها للجين 2؟
أنا جبتهم للسوزوكي سويفت بـ60 جنية من التوفيقية
وموجود منهم لكل أنواع العربيات وخصوصاً الجديد منها
وبتكون بالمقاس يعني مينفعش تركب حاجة على حاجة لازم تكون بتاعت العربية
للعلم مش سهل فكهم يعني هيدخلوا حشر في الإطار بتاع الزجاج الخلفي وتنساهم بعد كده
بس خد بالك من المرور ممكن لو في لجنة يغلسوا عليك ويقولولك تحجب الرؤية ويعاملك معاملة الفيميه
بالنسبة للمبات
نصيحة هات الأصلي أحسن حتى لو غالي
يعني إما تجيب فيلبس أو تجيب أوسرام
غير كده ملوش لازمة
بص ياباشا انا الكهربائى جبلى نوع المانى اللمبة ب20 جنية يعنى الجوز ب40 وبيركبوا على كتاوت ولونهم ابيض واضاءة ممتازة بجد بالزات فى الصفر كنت راجع من القاهرة باليل بعد ماركبتهم بأسبوع كدة بسم الله ماشاء اللة اضاءة ممتازة بجد
انا مش فاكر نعهم اية بس هما المانى وفى علبة مستطيلة زرقاء ومش غالين واضاءة بيضاء منش ناصعة اوى بس تفوق الاضاءة الصفراء بمراحل
وبالنسبة للستائر الكبس انا بردو نفسى اجيبهم بس مقلق من المرور الذيذ بتعنا