معرفش انا عايش معاكم فى نفس البلد ولا لا بس اللى لسه شايفه امبارح ان الناس لسه بتمشى معاكس ولا حد بيكلمهم
عرض للطباعة
معرفش انا عايش معاكم فى نفس البلد ولا لا بس اللى لسه شايفه امبارح ان الناس لسه بتمشى معاكس ولا حد بيكلمهم
شكرا
بس بجد هو دا للاسف الحل الوحيد
شكراً على النصيحة
و بصراحة أنا مبسوط بس لو القانون إتطبق صح و على الكل
امشي عدل يحتار عدوك فيك
آخر مرة كنت مستني آخد u-turn في عابدين و الساعة 3 صباحاً تقريباً. جوز أختى قال لي "ما تاخد الحتة دي عكس و خلاص ماحدش هياخد باله" قلت له "مش فارقة دقيقتين يعني و نحط صباعنا في عين التخين"
و قبلها مرة في إشارة الخليفة المأمون برضه حوالي 2 باليل الإشارة قفلت فوقفت. لكن لقيت ناس بتعدي و ناس ورايا بتزمر و نازلين كسر في الإشارة قمت ماشي :(
بصراحة بقو يعملوا أكمنة في أماكن غريبة جداً. في شارع جانبي 90% من العربيات فيه بتمشي عكس من سنين و فعلاً عليه علامة ممنوع الدخول. في يوم عملوا كمين فيه و مسكوا بتاع 20 عربية و ده في شارع جانبي
الاشارة دي بالذات لا تعرف تقف فيها وهي حمرا ولا تعرف تعدي منها وهي خضراء وفعلا لو وقفت تلاقي الناس بتتعامل معاك كأنك بتعمل حاجة غلط لدرجة مرة قفشت مع واحد بربية ميجان واشرته حمراء وانا اشارتي خضراء وكمان راح مشوحلي ورحت وراه قام معتذر وقاللي ماخدتش بالي انا ماشي مع العربيات
ايوه ده مش هزار وبيعملوها وواضح انهم زهقو من غرامات الحزام و الطفايه وقالو ندخل في التقيل :F_eyeb1[1]: بهزر طبعا الصح صح واللي بيحصل ده هو الصح بلا نقاش
لسه من يومين كنت فشارع عجيب بين فيصل والهرم وعايزه اطلع علي الهرم ومش لاقيه شارع direct المهم ببص لقيت شارع بس كان ضهر العربيه قدام الشارع كنت هرجع المتر ده بضهري وهو شارع جنبي اصلا مش رئيسي بيني وبينكم مرضتش و خوفت وبعدها لما فكرت فيها بعيد عن الغرامه والحبس والبهدله لقيت اني مممكن اعرض فعلا حياة ناس للخطر لان انا ساعتها مش مهم لاني انا اللي غلطانه
يا تري لو المخالف ده وكيل نيابة ، حيتحبس برضه ؟؟؟
في شوارع كتير معروف عنها ان الناس بتمشي في عكسي لدرجة انها اصبحت عرف عند الناس...محدش بيضايق من اللي ماشي عكسي فيها و اللي ماشي عكسي بيبقي حاسس انه مش بيعمل حاجه غلط
هي ديه الشوارع اللي لازم يبقي فيها اكمنه و حملات باستمرار
انا عن نفسي مش بحب امشي عكسي بس رغم كده ساعات بعملها بس قليل جدا بس خلاص من هنا و رايح امشي عدل يحتار عدوك فيك :36_1_1[1]::36_1_1[1]::36_1_1[1]::36_1_1[1]::36_1_1[1]::36_1_1[1]:
اتمنى ان تطبيق القانون يكون على الكل بس للاسف احنا فى مصر يعنى فى خيار وفاقوس