تحذيــر - عقوبــة السيـر عكس الإتجاه حبس

**michohat** · 25-01-2009 08:37 AM

معرفش انا عايش معاكم فى نفس البلد ولا لا بس اللى لسه شايفه امبارح ان الناس لسه بتمشى معاكس ولا حد بيكلمهم

**PoweRPassioN** · 25-01-2009 08:39 AM

شكرا
بس بجد هو دا للاسف الحل الوحيد

**ahit** · 25-01-2009 09:14 AM

شكراً على النصيحة
و بصراحة أنا مبسوط بس لو القانون إتطبق صح و على الكل

**abo_hosni** · 25-01-2009 09:35 AM

امشي عدل يحتار عدوك فيك

آخر مرة كنت مستني آخد u-turn في عابدين و الساعة 3 صباحاً تقريباً. جوز أختى قال لي "ما تاخد الحتة دي عكس و خلاص ماحدش هياخد باله" قلت له "مش فارقة دقيقتين يعني و نحط صباعنا في عين التخين"

و قبلها مرة في إشارة الخليفة المأمون برضه حوالي 2 باليل الإشارة قفلت فوقفت. لكن لقيت ناس بتعدي و ناس ورايا بتزمر و نازلين كسر في الإشارة قمت ماشي :(

بصراحة بقو يعملوا أكمنة في أماكن غريبة جداً. في شارع جانبي 90% من العربيات فيه بتمشي عكس من سنين و فعلاً عليه علامة ممنوع الدخول. في يوم عملوا كمين فيه و مسكوا بتاع 20 عربية و ده في شارع جانبي

**Amrrr** · 25-01-2009 10:43 AM

المشاركة الأصلية كتبت بواسطة abo_hosni

امشي عدل يحتار عدوك فيك

آخر مرة كنت مستني آخد u-turn في عابدين و الساعة 3 صباحاً تقريباً. جوز أختى قال لي "ما تاخد الحتة دي عكس و خلاص ماحدش هياخد باله" قلت له "مش فارقة دقيقتين يعني و نحط صباعنا في عين التخين"

و قبلها مرة في إشارة الخليفة المأمون برضه حوالي 2 باليل الإشارة قفلت فوقفت. لكن لقيت ناس بتعدي و ناس ورايا بتزمر و نازلين كسر في الإشارة قمت ماشي :(

الاشارة دي بالذات لا تعرف تقف فيها وهي حمرا ولا تعرف تعدي منها وهي خضراء وفعلا لو وقفت تلاقي الناس بتتعامل معاك كأنك بتعمل حاجة غلط لدرجة مرة قفشت مع واحد بربية ميجان واشرته حمراء وانا اشارتي خضراء وكمان راح مشوحلي ورحت وراه قام معتذر وقاللي ماخدتش بالي انا ماشي مع العربيات

**دينا أبوالعلا** · 25-01-2009 11:16 AM

ايوه ده مش هزار وبيعملوها وواضح انهم زهقو من غرامات الحزام و الطفايه وقالو ندخل في التقيل بهزر طبعا الصح صح واللي بيحصل ده هو الصح بلا نقاش
لسه من يومين كنت فشارع عجيب بين فيصل والهرم وعايزه اطلع علي الهرم ومش لاقيه شارع direct المهم ببص لقيت شارع بس كان ضهر العربيه قدام الشارع كنت هرجع المتر ده بضهري وهو شارع جنبي اصلا مش رئيسي بيني وبينكم مرضتش و خوفت وبعدها لما فكرت فيها بعيد عن الغرامه والحبس والبهدله لقيت اني مممكن اعرض فعلا حياة ناس للخطر لان انا ساعتها مش مهم لاني انا اللي غلطانه

**abou_ruqi** · 25-01-2009 11:26 AM

يا تري لو المخالف ده وكيل نيابة ، حيتحبس برضه ؟؟؟

**دينا أبوالعلا** · 25-01-2009 11:31 AM

المشاركة الأصلية كتبت بواسطة ruqi

يا تري لو المخالف ده وكيل نيابة ، حيتحبس برضه ؟؟؟

سؤال وجيه جداااااااااااااااااااااا

حد هنا وكيل نيابه يرد ؟؟؟؟؟؟؟؟؟؟
طب تفتكر هو لو وكيل نيابه هيحط نفسه فموقف زي ده اعتقد انه ممكن بس بفتحوله اشاره حمرا
لو حد وكيل نيابه هنا انا مقولتش حاجه :10D5C8~1107::10D5C8~1107:

**karimone** · 25-01-2009 01:49 PM

في شوارع كتير معروف عنها ان الناس بتمشي في عكسي لدرجة انها اصبحت عرف عند الناس...محدش بيضايق من اللي ماشي عكسي فيها و اللي ماشي عكسي بيبقي حاسس انه مش بيعمل حاجه غلط

هي ديه الشوارع اللي لازم يبقي فيها اكمنه و حملات باستمرار

انا عن نفسي مش بحب امشي عكسي بس رغم كده ساعات بعملها بس قليل جدا بس خلاص من هنا و رايح امشي عدل يحتار عدوك فيك

**zeyad1810** · 25-01-2009 02:33 PM

اتمنى ان تطبيق القانون يكون على الكل بس للاسف احنا فى مصر يعنى فى خيار وفاقوس

الموضوع: تحذيــر - عقوبــة السيـر عكس الإتجاه حبس

LinkBack

أدوات الموضوع

عرض

-

-

-

-

المواضيع المتشابهه

الرخصة أتسحبت مخالفة سير عكس الإتجاه !

ماذا يمكننا عمله لمكافحة السير عكس الإتجاه الذي أصبح مستفز جدا

الإتجاه المعاكس - جدار غزة

بداية تنفيذ أحكام السجن في قانون المرور (عقوبة السيرعكس الإتجاه السجن وتم بدء تنفيذه)

الكلمات الدلالية لهذا الموضوع

المفضلات

المفضلات

ضوابط المشاركة