تحذيــر - عقوبــة السيـر عكس الإتجاه حبس

**mbisar** · 28-01-2009 04:19 PM

حبس ايه يا جماعه كده غلط كده فى بنات ناس و ولاد ناس محترمين ممكن يدخلو السجن عشن مشا عكس الأتجاه فى شارع جانبى و يمكن يكون هو ميعرفش كمان او مخدش بالو انه شارع اتجاه واحد ولا حاجه انا مش بتكلم عن الطرق الرئيسيه انا بتكلم على شوارع جانبيه ، اوك انا معاكو انو يتعمل على الطرق السرييعه اللى ممكن يحصل فيها حوادث موت لكن داخل البلد و فى شوارع مش رئيسيه حرام كده ممكن ناس كتير اوى يتحبسو

**speed demon666** · 28-01-2009 04:40 PM

هو موضوع الحبس يمكن زيادة حبتين بس هما أكيد عملينها علشان يعملو عملية ردع قويه بحيث الناس يجيلها حاله ذهول و تخاف تعمل كده, بس هما فتره و الدنيا هتهدى من تاني ..... بس هو الصح حجز السياره يعني مثلا انا كنت في دبي و كان أقصى مده لحجز السياره 60 يوم غير انو بيدفعك المخالفه و بيحط نقط في الملف بتاع رخصتك لو وصلت لعدد معين من النقط مابيتمش تجديد الرخص مرة تانيه ...... ولو عايزين انا ممكن أجيبلكم الجدول وتشوفو أد ايه احنا في تسيب عندنا في المرور د غير حاجه تانيه ان احنا لاااااااااازم الاول نغير من أسلوبنا في السواقه انا سافرت هناك 3 سنيين ..... هي فتره مش طويله بس حسيت بالفرق لما رجعت أسوق تاني في مصر ..... بجد احنا مش بنسوق احنا بنتخانق ..... انا ديلوقتي راكن العربيه و مقضيها مواصلات علشان انا فعلا كان فضيللي شويه و أروح لدكتور نفساني

**moudy88** · 28-01-2009 05:57 PM

هل اذا قام ضابط شرطه او وكيل نيابه او اي شخص له سلطه بهذه المخالفه سيتم حبسه وتغريمه مثل باقي الشعب مثل الاستاذ في الجامعه او الطبيب او المهندس او حتى سائق اجره ... وللعلم فان هذا من اسباب هلاك الامم حيث قال نبينا محمد صلى الله عليه وسلم: «إنما أهلك الذين قبلكم، أنهم كانوا إذا سرق فيهم الشريف تركوه، وإذا سرق فيهم الضعيف أقاموا عليه الحد» [رواه البخاري].
وليعلم الجميع ان الله خير حافظ وخير ناصر وهو العدل سبحانه وتعالى......

**Anxs111** · 29-01-2009 05:53 AM

المشاركة الأصلية كتبت بواسطة moudy88

هل اذا قام ضابط شرطه او وكيل نيابه او اي شخص له سلطه بهذه المخالفه سيتم حبسه وتغريمه مثل باقي الشعب مثل الاستاذ في الجامعه او الطبيب او المهندس او حتى سائق اجره ... وللعلم فان هذا من اسباب هلاك الامم حيث قال نبينا محمد صلى الله عليه وسلم: «إنما أهلك الذين قبلكم، أنهم كانوا إذا سرق فيهم الشريف تركوه، وإذا سرق فيهم الضعيف أقاموا عليه الحد» [رواه البخاري].
وليعلم الجميع ان الله خير حافظ وخير ناصر وهو العدل سبحانه وتعالى......

ربنا يفتح عليك والله جبت المفيد . فعلاً المشكلة في الظلم و عدم المساواه. ربنا يسترها علينا جميعاً

**mahmoud_nov1985** · 30-01-2009 08:52 PM

امشى عدل تحتار الشرطة فيك

**TOOLA** · 31-01-2009 03:44 PM

الله ينور يا محمد باشا, و ده النويت أعملو انشالله, أمشى رابط حزامى و أتكلم فى ال head phones, و أمشى مزبوط و خلى التقيل يجى يتكلم, ربنا يستر بس من الرادارات ديه الحاجة الوحيدة ال مبعرفش أتحكم فيها "السرعة"