شيفروليه لانوس او ؟؟؟؟

**Ros** · 25-01-2009 03:47 AM

معلش انا اسف يا جماعه ممكن يكون الموضوع مكانه مش هنا بس بجد محتاج الاجابه ديه بسرعه من خبراء

ا جماعه محتاج راءى الخبراء اللى جربوا العربيتن دول بجد ايه رائيهم فيهم وانهى الاحسن وانهى اللى فيه العيوب والارخص فى قطع الغيار والتوكيل وكل حاجه يا جماعه بعد اذنكم ودلوقتى بعد تجربه الاتنين تقريب فى السوق

وهل فيه حاجه احسن منهم فى حدود السعر ده؟؟؟؟ اللى هوه فى الستينات

وايه رائيكم فى سمير الريان وهل ياترى فى حد احسن منه الاواحد يشترى منه العربيه
__________________

ضرورى فى اسرع وقت الله يكرمك

**Ros** · 25-01-2009 03:48 AM

عايز اسمع راءى الناس لان الصراحه ديه هتبقى عربيه العمر فاعيز اجيب حاجه محترمه بس السعر ده و ايه رائيكم فى الفيات سينا؟

**Hosam_Optrawy** · 25-01-2009 11:11 AM

اولا حضرتك مذكرتش ايه هى العربيه التانيه ؟
بتقول اللى جرب العربيتين ومقولتش غير الشيفروليه لانوس
عموما انا هقولك
اولا انصحك انك متجبش عربيه هاف اوبشنز عشان ماتندمش
هتوفر 3 الاف جنيه بس هتقعد بعد كدا متضايق ان مفيش ازاز كهربا ولا سنتر ... الخ
الشيفروليه الفل اوبشنز ب 70
عندك فيرنا 1600 الفل اوبشنز ب 70 ونص
فيرنا 1500 فل اوبشنز ب 68 ونص
التلات عربيات دول فيهم مميزات كتير انهم بقالهم سنين فى السوق ومعروفين وقطع غيارهم متوفره ورخيصه جوه التوكيل وبراه ولما تيجى تبيعها سهل جدا من غير ماتخسر فيها كتير
اللانوس ميزتها ان توكيلها منصور فتقفيلها افضل وتوكيلها افضل من غبور
الفيرنا 1500 تقفيل هندى لو عايز تبعد عن التقفيل المصرى
ولو ينفع معاك هاتش باك يبقى
كيا بيكانتو وهيونداى i 10 سعرهم فى حدود ال 65 فل اوبشنز

**menabigboss** · 27-01-2009 01:25 PM

بلاش شيفرولية لانوس............انا سمعت شخصيا من احد مهندسي التوكيل انة في صيانة ال 5000 كل العربيات يبقي فيها مشاكل مختلفة وبيتغيرلها حاجات (طبعا في الضمان) ............ممكن تفكر في الفيرنا ....اعتقد انها افضل....