المــقــابــلــة الثانــيــة لـلاســكــنــدرانــيــة - قريــــــبــا

**Mohamed_Ibiza** · 25-01-2009 06:21 AM

اولا : سلامي للجميع وخصوصا الاسكندرانية وتحياتي لكل اعضاء جروب اليكس واحد واحد , اللي وحشوني جدا والله
اظن كده ياجماعة جه الوقت اللي نبدأ نجهز فيه للمقابلة التانية واللي هتكون مقابلة شهر فبراير ان شاء الله :10D5C8~1107:

المقابلة مازالت تحت الاعداد وبما ان احنا جروب اساسه هو الديمقراطيه , يبقى لازم كلنا نشارك في اعداد المقابلة :S_thum1[1]:

ومبدأيا تم تحديد النقاط الاساسية للمقابلة وهي :

الميعاد : هيكون يوم جمعة ان شاء الله والساعة 2 بدلا من الساعة 3 لاننا محتاجين نقضي وقت اطول , واللي عنده اي اعتراض يقول ...

ونظرا لان الفترة دي ايام امتحانات وبتفاوت مواعيد امتحانات الاعضاء سيتم الاتفاق على التاريخ تحديدا سواء اكان اول جمعة من شهر فبراير والموافق 6 - 2 - 2009
واما الجمعة الثانية من الشهر والموافق 13 - 2 - 2009

والاتفاق عن طريق استطلاعات الراي وان شاء الله كلنا نتفق على قرار واحد

اما بالنسبة للمكان :

فاحنا محتاجين مكان نقضي فيه يوم كامل لان انتم وحشتوني وعايزين نقضي يوم مع بعض ويكون المكان ده طبيعي وجو جميل ونقدر نعمل فيه كل اللي احنا عايزينه , اقترح انا ومحمد الشنوري ان يكون مكان المقابلة ( المنتزه )

وطبعا اللي عنده اعتراض يقول واللي عنده اقتراح يقول لان ده مش فرض احنا كل همنا اننا نتجمع

واخيرا اتمنى ان اراءنا جميعا تتجه نحو قرار واحد
وياريت كل اعضاء اليكس جروب اللي تواجدو في المقابلة الاولى يكونو موجودين في المقابلة الثانية وكمان اي اسكندراني يحب ينضم لجروب اليكس ويشرفنا بالحضور فنحن جميعا نرحب به

في انتظار ارائكم واقتراحتكم

بشكر اخويا وحبيبي ( محمد الشنوري ) على اقتراحاته وافكاره بخصوص المقابلة

تم الغاء التثبيت بتاريخ 9-2-2009 لانتهاء المقابلة
واضافة لينك المقابلة للموضوع المثبت بالاجتماعي الخاص بالمقابلات
الادارة 1

**Mohamed_Ibiza** · 25-01-2009 06:27 AM

ارجو من الادارة وضع استطلاع للراي في الموضوع يحتوي على تاريخ يوم المقابلة

1 - ) يوم 6 - 2 - 2009

2 -) يوم 13 - 2 - 2009

ولو امكن تثبيت الموضوع مؤقتا حين موعد المقابلة للاهمية

وشكرا لجهودكم

**Dr. Elsaadani** · 25-01-2009 08:52 AM

ازيك يا استاذ محمد ويا رب تكون الامتحانات عدت على خير
الميعادين بالنسبة لى كويسين ولو انى افضل 13-2

الساعة 2 افضل وتعرف الافضل منه اننا نصلى الجمعة فى المنتزة ونتقابل ابتداءا من بعد الصلاة وندى مهلة للى حيصلى بره

يعنى الساعة 2 كميعاد مبدئى كويس جدا

بكده مفيش شوى لحمة ولا حاجة امرى لله شكلنا كده حنقضيها سندويتشات

ونصيحة منى يا استاذ محمد خلى بالك من كل المجموعة اللى كانت حبه انها تشوى فى اليوم ده وتروح افريكا وشكلهم كده لما يعرفوا ممكن يشووك انتى فالافضل انك تتخفى يومها وبدل عربيتك علشان ما يعرفوكش :)

سلامى حتى اللقاء لكل الاعضاء وخاصة الاسكندرانيين منهم صغارا وكبارا اخوة واخوات

**mido777** · 25-01-2009 10:08 AM

ياااااااااااه

انتم فين من زمان ليكم وحشة والله
- غالبا 13 فبراير حيبقى غير مناسب معايا
- لو فيه تصويت يبقى للميعاد الأول 6 فبراير

بالنسبة للمنتزة هو مناسب جدا جدا وممكن بعد المقابلة للى عايز نروح اى كافيه علشان نمًون " فاخر "

**Mohamed_Ibiza** · 25-01-2009 05:56 PM

المشاركة الأصلية كتبت بواسطة Mohamed_Elsaadani

ازيك يا استاذ محمد ويا رب تكون الامتحانات عدت على خير
الميعادين بالنسبة لى كويسين ولو انى افضل 13-2

الساعة 2 افضل وتعرف الافضل منه اننا نصلى الجمعة فى المنتزة ونتقابل ابتداءا من بعد الصلاة وندى مهلة للى حيصلى بره

يعنى الساعة 2 كميعاد مبدئى كويس جدا

بكده مفيش شوى لحمة ولا حاجة امرى لله شكلنا كده حنقضيها سندويتشات

ونصيحة منى يا استاذ محمد خلى بالك من كل المجموعة اللى كانت حبه انها تشوى فى اليوم ده وتروح افريكا وشكلهم كده لما يعرفوا ممكن يشووك انتى فالافضل انك تتخفى يومها وبدل عربيتك علشان ما يعرفوكش :)

سلامى حتى اللقاء لكل الاعضاء وخاصة الاسكندرانيين منهم صغارا وكبارا اخوة واخوات

استاذي واحشني والله اوي

انا تمام الحمد لله واتمنى انك تكون بخير وان شاء الله يم المابلة نصلي الجمعة كلنا ونقضي يوم جميل بعض

طيب بالنسبة لموضوع الشوي فانا ممكن مجيش المقابلة من اساسه انا هنظم المقابلة بس ومش هاجي عشان الواحد مش مستغني عن عمره

وهتنور المقابلة والله يا استاذ محمد

**Mohamed_Ibiza** · 25-01-2009 05:58 PM

المشاركة الأصلية كتبت بواسطة mido777

ياااااااااااه

انتم فين من زمان ليكم وحشة والله
- غالبا 13 فبراير حيبقى غير مناسب معايا
- لو فيه تصويت يبقى للميعاد الأول 6 فبراير

بالنسبة للمنتزة هو مناسب جدا جدا وممكن بعد المقابلة للى عايز نروح اى كافيه علشان نمًون " فاخر "

والله وانت كمان ليك وحشة يا محمد باشا

ان شاء الله كلنا نستقر ونتفق على ميعاد واحد عشان كلنا نكون موجودين والقابلة من غير والله مش هتنفع

**Mohamed_Ibiza** · 25-01-2009 06:01 PM

طيب يا جماعة الي حين نزول التصويت في الموضوع من قبل الادارة فاحنا دلوقتي عندنا صوتين

صوت الاستاذ محمد السعدني يوم 13

وصوت الاستاذ محمد الطويل يوم 6

وفي انتظار باقي الاراء

**SHNORY** · 25-01-2009 06:06 PM

حبايبي كلهم هنا الواحد مش عارف بصراحه يتكلم في حق مين ولا مين
محمد بيك عبد الرحمن : انا لو جيبت صحفي واديته فلوس علشان يعمل الموضوع مكانش حيكتبه بالطريقه الجميله دي وربنا يخليك لينا يا باشا
شكلك قريب حتتنصب عمده الاسكندرانيه علي نايل موتورز

محمد بيك السعدني : مفيش مقابله تنفع من غيرك ولا انت ولا محمد الطويل المتالق دوما
وحشتوني كلكم كتير
بالنسبالي الميعاد مش حيفرق معايا انا ما بصدق حد يقولي اقفل المحل وروح قابل اصحابك او اتفسح فانا بتلكك علشان اخد يوم اجازه
ولو انه من رايي اننا نخليها بدري عن كده يعني علي الساعه 12 علشان نستمتع بالجو اللي يا رب يكون مشمس لان النهار بيخلص بدري
وبرضه حتكون فرصه اننا نناقش موضوع المشروع اللي حبيبنا واخونا محمد محمد الطويل طرح فكرته هنا علي المنتدي ومنها ياخد راينا واحنا نصلح ببلاش عنده هههههههههه
حاولوا تخلوا الميعاد بدري علشان وحشتوني كلكم وعاوز اقعد معاكم اكتر وقت ممكن
ونتفق علي موضوع الاكل لو عاوزين تعملوا وجبات من خلال منقاشات الاعضاء هنا او نخليها بظروفها لما نكون هناك