الجولف منخفضه جدا

**aid904** · 25-01-2009 09:43 AM

أرجوا المساعدة لاني حاسس أن سيارتي الجولف 2 منخفضه من ورا ومن الامام( برغم أن أعرف أن دة طبيعي في الجولف علشان الثبات) بس المشكله في الي ورا لان العربيه لو ركب فيها أتنين ورا لو نزلت أي مطب أو منخفض أسمع صوت علبه الشكمان بتكحت في الارض أنا أعتقد المساعدين كويسين فيه ناس قالولي أعلى العربيه بس أنا خايف من اللعب في العفشه علشان العربيه متفقدش أتزانها وثباتها وفيه واحد قالي غير كاوتش الصدادات أو البطاحات لان القديمه ممكن تكون دابت وفيه واحد تاني قالي غير السوسته أو عليها لان شكلها نعمت وواحد تاني قالي سيبك من دة كله غير المساعدين وبعدين شوف طبعا كذا رأي بس علشان أجرب هأدفع كتير وممكن أغير حاجه أصليه وسليمه بدون داعي ...... أعمل أيه

**ahmed1981** · 25-01-2009 10:47 AM

الجولف 2 طبيعتها مش واطية
المفروض إرتفاعها عن الأرض معقول

تأكد إن اللي قبلك مكانش مغير السوست بنوع مختلف رياضي

**crazylambada** · 25-01-2009 11:11 AM

هيالعربيةمعاك من زمان
و لاشاريها مستعمل
بص يا مان
المشكلة فيالمساعدين و ما حوله
فين بالظبط لازم نحلهم علشان نشوف
هل المساعد نفسه مخفش
السوست لسه جامدة
كاوتش الصدادات تفتت و لا لسه
كاوتش البطاحات برضه
لازم المساعدين يتحلوا
لما يحلهم و يفك المساعدين اعمل بقى الليحقولك عليه
1- فك السوست عن المساعد نفسه و امسك المساعد لوحده و حاول تدخله و تطلعة بايديك لو عمل كده يبقى المساعد ضعف لو معرفتش او كان جامد اوي يبقى المساعد سليم لسه جامد و مضعفش
2-الصدادة ديه بتبقى جوا المساعد شوفها بالعين المجردة حتلاقيها سليمة او متفتتة
3-كاوتش البطاحات امسكه لو لقيته طري و سليم يبقى تمام
لو لقيته نشف و طبععلى مكانه يبقى يتغير(مع ان كاوتش البطاحة ملهوش علاقى بالعلو و الانخفاض)
4- السوست بتبقى باينة جامدة و لا ضعيفة و شوفها مقصوصة من فوق ولا لأ
*اهو يا سيدي وشيك بنفسك بقى و متخفش ان حد يضحك عليك
وانا في الخدمة