العربيه مبرجله يا ترى ممكن يكون ايه.

**Shiref_mohamed** · 26-01-2009 08:43 AM

المشاركة الأصلية كتبت بواسطة waleed_home

استاذ محمد

انا كان عندى مشكلة ان لما اكون ماشى على الأول واشيل رجلى من على البنزين مرة واحدة بلاقى العربية بتهدى بسرعة جدا وبحس برجرجة ولما ادوس تانى بارده بحس برجرجة لحد العربية ما تشد شوية.

غيرت بوجيهات واسلاك والمشكلة ما اتحلتش و فى الأخر اشتريت بوجيهات iridum وباردة لسة المشكلة .

علما بان العربية عاملة 58000 كيلو موديل 2002

عندى نفس مشكلتك ومش لاقيلها حل

**samirayad** · 26-01-2009 08:26 PM

المشاركة الأصلية كتبت بواسطة Shiref_mohamed

عندى نفس مشكلتك ومش لاقيلها حل

لو العربيه ثابته على السلانسيه ومفيش رجرجه........يبقى المفروض الظاهره دى بترجع الى طريقة القياده...وحاول تشيل الرجل بسلاسه من على دواسة البنزين وجرب

**waleed_home** · 27-01-2009 07:46 AM

المشاركة الأصلية كتبت بواسطة samirayad

لو العربيه ثابته على السلانسيه ومفيش رجرجه........يبقى المفروض الظاهره دى بترجع الى طريقة القياده...وحاول تشيل الرجل بسلاسه من على دواسة البنزين وجرب

انا عندى العربية فيها رجرجة خفيفة على السلانسية مع العلم انى جربت عربية واحد صاحبى ومكانش فيها رجرجة على السلانسية

**Shiref_mohamed** · 27-01-2009 07:59 AM

المشاركة الأصلية كتبت بواسطة samirayad

لو العربيه ثابته على السلانسيه ومفيش رجرجه........يبقى المفروض الظاهره دى بترجع الى طريقة القياده...وحاول تشيل الرجل بسلاسه من على دواسة البنزين وجرب

جربت كل الطرق يا استاذ سمير وبرضه نفس المشكلة وكمان جربت كذا عربية لانوس تانية ومكانش فيهم المشكلة ديه

**samirayad** · 27-01-2009 06:49 PM

المشاركة الأصلية كتبت بواسطة Shiref_mohamed

جربت كل الطرق يا استاذ سمير وبرضه نفس المشكلة وكمان جربت كذا عربية لانوس تانية ومكانش فيهم المشكلة ديه

بص ياأستاذ/شريف قبل ما نتكلم عن المحرك....أنا عاوزك تراجع على الفرامل......وأرفع العربيه فرده فرده واطمن ان كل واحده بتلف بسلاسه ومفيش فرده الفرمله بتاعتها محمله......وراجع برده على فرامل اليد......وخللى بالك ممكن برضه يكون بلى العجل تقيل شويه وعاوز يتشحم أو فيه بليه مش حلوه

**samirayad** · 27-01-2009 06:53 PM

المشاركة الأصلية كتبت بواسطة waleed_home

انا عندى العربية فيها رجرجة خفيفة على السلانسية مع العلم انى جربت عربية واحد صاحبى ومكانش فيها رجرجة على السلانسية

نظف الفلاتر الأول(هواء+بنزين)....وجرب علشان نتخلص من الرجرجه....لو منفعش الموضوع ده.......يبقى نظف بلف الأيدل كنترولر.....وشوف الأخبار وقولنا

**Shiref_mohamed** · 27-01-2009 07:34 PM

الفرامل عندى كويسة مفيش اى عجلة قافشة وكمان البلى كويس+ ان انا حاسس ان العربية مش متكلبشة
انا شاكك ان فيه مشكلة في الـ Tps او حساس الكرنك لآن كمان الموتور مش بيفصل في الـ Rpm العالى وديه كمان غريبة

**samirayad** · 27-01-2009 08:05 PM

المشاركة الأصلية كتبت بواسطة Shiref_mohamed

الفرامل عندى كويسة مفيش اى عجلة قافشة وكمان البلى كويس+ ان انا حاسس ان العربية مش متكلبشة
انا شاكك ان فيه مشكلة في الـ Tps او حساس الكرنك لآن كمان الموتور مش بيفصل في الـ Rpm العالى وديه كمان غريبة

خللى موضوع الحساسات على جنب دلوقتى.....وياريت توضحلى الموضوع بتاع الrpm ده شويه

**Shiref_mohamed** · 28-01-2009 02:41 PM

المشاركة الأصلية كتبت بواسطة samirayad

خللى موضوع الحساسات على جنب دلوقتى.....وياريت توضحلى الموضوع بتاع الrpm ده شويه

المفروض ان الدايو فيها حاجه اسمها Rev Limiter بيخلى الموتور يفصل على اللفات العالية عشان ميخليش الموتور يدخل في Red Zone بس انا بقى عندى ماشاء الله ماشاء الله الموتور مبيفصلش وبيدخل Red Zone

**samirayad** · 28-01-2009 02:48 PM

المشاركة الأصلية كتبت بواسطة Shiref_mohamed

المفروض ان الدايو فيها حاجه اسمها Rev Limiter بيخلى الموتور يفصل على اللفات العالية عشان ميخليش الموتور يدخل في Red Zone بس انا بقى عندى ماشاء الله ماشاء الله الموتور مبيفصلش وبيدخل Red Zone

أولا ...أشكرك على اختيارك الابتسامه التى تعبر عن التخريف والجنان.....للحاله بناعة العربيه عندك(اختيا رصائب)........نرجع بقه لموضوعنا....أنا تقريبا كده عندى شك بنسبه 90%....أن عندك مشكله فى دائرة الكنترول الخاصه بوحدة التحكم....وان الحساسات ممكن تكون مفيش فيها مشكله