الموضوع: تقريرعن العربية من التوكيل:

سمعت كلام محمد ممدوح وقلت اروح لميكانيكي بره بدل التوكيل يظبطلي العربية ولاني جديد في التعامل مع الميكانيكة ده قولت اروح لمحمد عبده اللي الناس كلها عمالة تشكر فيه هنا روحت واخد بعضي وروحتله امبارح سفر من حلوان لمجاهل شارع العشرين بفيصل المهم وصلت بالسلامة وكلمته وانا رايح لاقيته مستنيني استقبلني استقبال كويس بصراحة بعدين قاللي تعالى نجرب العربية نشوف فيها ايه
طبعا ماقلتلوش على حكايه التوكيل دي المهم لقا حاجات في العربية عاوزة تتعمل غير بتاعت التوكيل ولقا حاجات كان التوكيل قال لي عليها مالهاش لازمة هقولكم بالتفصيل بقا:
1-السيور قاللي نغيرها كلها اضمن فغيرت/
بلية كاتينة=65
سير كاتينة=35
سير دينمو=20
سير تكييف=10
قاللي البوجيهات بسلوكها بالمرة =28+40
فلتر بنزين =25 لقا فلتر الهوا نضيف قاللي نسيبه زى ماهو واشتريت جوان لغطا التاكيه عشان كان حواليه زيت بـ10 جنيه التوكيل كان قاللي الحاجات دي بالمصنعية 550جنيه (اصلي) -الحاجات دي اتكلفت 233 غير المصنعية هو خدها في الاخر على كل الشغل

2-تغيير اويل سيل الباور/ بصراحة الموضوع ده كان متعب انا كنت شايفه الاويل سيل ده بـ5 جنيه بس - بس الشغل فيه هو اللي مقرف المهم حسن الصغير(ده مش مطرب) ده واحد في الورشة فك العمود بتاع الدركسيون خااالص وركب الويل سيل الجديد وكان في فبرة واقعة ركبها كمان -بس انا انهارده هكلمه عشان حاسس ان الطارة بعد 120كم بتتهز هي دي كانت فيها من الاول بس زي ماهي او زادت شوية.-التوكيل كان قاللي غير القطمة بـ660 جنيه+الاويل سيل بـ300
3- ماسورة الرشاشات قولتله عليها عدلها بايده
4- مسمار فرن الشكمان -طلعت حاجة هابلة جدا شرخ صغير جنبه مالوش اي تاثير وطلع في الغطا بتاع الصاجة
5- العفشة اتربطت وقاللي المساعدين معقولة خليك ماشي بيها شوية بعدين ابقى هات مونرو
دي حاجات التوكيل كان مطلعهالي في العربية
الحاجات اللي هو لقاها بقى
-غير بلي العجل الامامي بـ170 +30 كبس البلي
-قصة الطبة بتاعة الزيت والكارتيرة -قالي مش من الطبة قالي من الاويل سيل اللي في عمود الكرنك فلازم نفك الكارتيرة ونشوف من الاويل سيل ده ولا من الكارتيرة
-في اويل سيل الفتيس هيفكله الفتيس كله عشان يعمله قاللي خليهم مع بعض نعملهم في شغلانة واحدة
-كان الكوع اللي جنب ميه الريداتير مصدى راح فكه ونضفه وغسل الموتور
خد مصنعية على الحاجات دي 250 جنيه (كده كويس يا ممدوح ولا ايه)
احساسي بالعربية بعد التظبيط - مش عارف اسيطر عليها حاسس انها بقت سريعة اولل مادوس بنزين بتجري جامد -مش عارف هو ده السحب ولا ايه- كمان كان اخر التاني 40 بقى 50-55 والثالث كان 60 بقى 70-75
لسا بقا هروحله عشان قصة الكارتيرة دي واويلسيل الفتيس بس دي عاوزة يوم تاني لوحده

المهم انتا اتبسط من الشغل ولا لأ
طالما مبسوط من الشغل والعربية كويسة وانتا مرتاح يبقى تمام
وعلى فكرة المبلغ معقول

انا الحمد لله مبسوط من الشغل وبالنسبة للمبلغ انا ماعرفش الاسعار برة لكن طالما انت بتقول معقول يبقى معقول يا باشا

المشاركة الأصلية كتبت بواسطة SE_coralsea

فعلا أنا كنت فاكر أنهم في التوكيل شغالين زي ما الكتاب بيقول بأجهزة بقي و أيه لكن لما روحت علشان يكشفوا علي الايديال سنسور و ينضفوا البوابة ماعملوش أكتر من اللي عمله الميكانيكي اللي بروح له فك السنسور و نضفه و نضف البوابة من عند خرطوم الهواء بأسبراي

الادهي من كده العربية من يوم ما أستلمتها زيرو و هي بتحدف شمال و رغم أن روحتلهم أكتر من مرة لكن ماعملوش فيها حاجة و لا عرفوا العيب منين لحد ماأكتشفته بالصدفة و أنا بأغير المقص الشمال أن فيه ترحيل في مكان تثبيته بالشاسيه , تخيلوا !!! ؟؟؟

مش عاوز أقولك ان توكيل دايو عندنا فى الاسماعيليه.....عباره عن شوية صنايعيه....وفاتحين ورش خارجيه لحسابهم الخاص....والتوكيل بيديهم مرتب شهرى فقط....وفعلا فيهم ناس كويسه....بس الحس الهندسى عندهم انساه