المشاركة الأصلية كتبت بواسطة azamell
يوم الخميس اللي فات روحت لمحمد عبده عشان اكمل تظبيط العربية انا كنت غيرت السيور والفلاتر المرة اللي فاتت وعمل اويلسيل الباور وربطت العفشة
المره دي الموضوع فتح جاااامد
اول حاجة كان زيت الفتيس بينقص ففكينا الفتيس بره العربية خالص وغيرنا جوانات الفتيس وزور الفتيس واتغسل غسله محترمة وقاللي الاسطوانه قدامها شويه وتتغير غيرنا طقم الدبرياج كله Value اربع قطع
والموتور كمان كان صوته عالي وزيته قليل قوي راح فاكك الكارتيرة ولاقينا المصفه بتاعت الزيت مسدوده من الكربون وكلاكيع عليها قاللي الحمد لله ان احنا لحقنا الموتور دلوقتي برضه غيرنا جوانات الكرنك وقواعد الموتور الكاوتش وجيبنا زيت عشان نغسل الموتور من جوه
والوقت كان اتاخرسيبته و روحت ورجعتله يوم الجمعه كان هو اتصل بيا وقاللي ان وصله الشكمان الامامية فيها خبطة وعامله صوت عالي جابلي واحده ابو اليزيد على ما روحتله كان ركب الحاجات دي
واحنا بندور سمعت صوت طقطقة كان الكهربائي عنده قاللي ده الدينمو هيفرط وانا كنت مسافر تاني يوم ومش عارف اعمل ايه افكه ويطلع بلي ولو ماطلعش بلي طيب هعمل ايه عبده قاللي انا عندي دينمو استيراد والدينمو ده مسئول مني راح مركبهولي انا قولت الفلوس مش هتكفي لان العمليه فتحت جامد وانا ماكنتش عامل حسابي على كل ده
طبعا كنت حاطط ايدي على قلبي وانا بحاسب في الاخر:eee: وكان الحساب كالتالي:
400 طقم دبرياج
140 وصلة شكمان
300 دينامو
230 زيت موبيل
300 مصنعية
25 زيت فتيس
60 زيت غسيل موتور
شويه جوانات واولسيهات عقربه+ خلفي
العمليه دي كلها كلفتني 1750 جنيه
بس حسيت بفرق في الفتيس رهييييب وككمان صوت الموتور هدي جامد ولسا السحب هشوف ربنا يستر ويبان معايا على الاوتوستراد انهارده